Namangan davlat universiteti akayeva marapat abduxalikovna

Ijtimoiy ta’minot huquqi fan sohasi va qonunchilik tarmog‘i sifatida 
o‘ziga xos vazifalarni bajaradi.
 
Uning fan sohasi sifatidagi asosiy vazifalari quyidagilardan iborat:
a). Ijtmoiy ta’minotga oid munosabatlarni o‘rganish, tahlil qilish va bozor 
munosabatlari rivojlanib borayotgan sharoitda uni optimallashtirish yo‘llari hamda 
vositalarini takomillashtirish yuzasidan ilmiy nazariy tavsiyalar ishlab chiqish;
b). Ijtimoiy ta’minot va ijtimoiy himoyaga oid qonunchilikni xalqaro 
standartlar va ilg‘or mamlakatlar tajribasidan foydalangan holda takomillashtirsh 
yuzasidan takliflarni ilgari surish, ijtimoiy ta’minot va ijtimoy himoya sohasidagi 
huquqiy islohotlar konsepsiyasini ilgari surish va ilmiy-nazariy jihatdan asoslash;
v). Ijtimoiy himoya va ijtimoiy ta’minotni amalga oshiruvchi davlat organlari 
ish faoliyatini, tarkibiy tuzilishini va samaradorligini yanada oshirishga oid nazariy 
va amaliy tavsiyalar ishlab chiqish;
g). Ijtimoiy ta’minot va ijtimoiy himoya sohasida mutaxassis kadrlar 
tayyorlash, ular malakasini oshirish;
d). Ijtimoiy ta’minot sohasida chet el tajribasini o‘rganish, 
umumlashtirish va ulardan foydalanishga doir takliflar berish va xokazolar.
Ijtimoy ta’minot qonunchilik tarmog‘ining vazifalari fanning vazifalaridan 
farq qiladi. Jumladan, Fuqarolarning davlat pensiya ta’minoti to‘g‘risidagi 
qonunning muqaddimasida qayd etilganidek: "Ushbu Qonun O‘zbekiston 
Respublikasi fuqarolarining qariganda, mehnat qobiliyatini to‘liq yoki qisman 
yo‘qotganda, boquvchisiz qolganda ijtimoiy ta’minlanishdan iborat 
konstitutsiyaviy huquqlarini ro‘yobga chiqarish, davlat pensiyalarining yagona 
tizimini, ularni tayinlash, hisoblab chiqarish, qayta hisoblash va to‘lash tartibini 
belgilaydi".

---

12 
Ijtimoiy ta’minotga oid qonunchilik tarmog‘ining vazifalari sifatida 
quyidagilarni ko‘rsatib o‘tish mumkin:
1). Fuqarolarning ijtimoiy ta’minot olishga bo‘lgan huquqlarini belgilash;
2). Bu huquqlarni ro‘yobga chiqarilish mexanizmlarini ko‘zda tutish;
3). Ijtimoiy ta’minot olish huquqi shartlari va asoslari nimalardan iborat 
ekanini aniqlash;
4). Ijtimoiy ta’minot huquqidan foydalanish chog‘ida kamsitishlarga va 
ijtimoiy adolatsizliklarning boshqa har qanday shakliga yo‘l qo‘ymaslik;
5). Ijtmoiy ta’minotni amalga oshirilishida qonuniylik tamoyili ustuvorligiga 
erishish;
6). Fuqarolarning, ayniqsa ijtimoiy ko‘makka muxtoj shaxslar turmush 
darajasi yetarli darajada bo‘lishiga erishish;
7). Ijtimioiy ta’minot va ijtimoiy himoyani amalga oshiruvchi davlat va 
nodavlat organlari ish faoliyati samaradorligiga va ular tomonidan fuqarolarning 
huquq va erkinliklari to‘la ta’min etilishiga erishish va boshqalar.