Said Qosimiy XVI asrda yashab ijod etgan o‘zbek shoiridir. Uning hayoti va ijodiy faoliyati haqida bizga qadar yetarli ma’lumotlar saqlanib qolmagan. Filologiya fanlari nomzodi B. Qosimxonov «Said Qosimiy masnaviylari» nomli kitobini nashr ettirdi. Unda shoirning axloqiy-ta’limiy xarakterdagi «Gulshani roz», «Majmaul axbor», «Haqiqatnoma», «Sadoqatnoma» singari dostonlari jamlangan. Ushbu dostonlarda shoir o‘zining ilm-ma’rifat, axloq-odob, xayr-ehson, adolat va odil shoh, rizq, shukr, qanoat, ibodat, taqvo, imon, ishq, rizo haqidagi mulohazalarini bayon etgan. Har bir masala xususidagi nazariy qarashlarini tarixiy shaxslar, hayotiy voqealar xususidagi hikoyat hamda masallar bilan isbotlab, tasdiqlab boradi, kishilarga pand-nasihat beradi. Shoir «Haqiqatnoma» va «Sadoqatnoma» dostonlari bilan turkiy adabiyotimizning noma janridagi asarlari sonini ikkitaga ko`paytirdi. Foydalanilgan adabiyotlar: 1. N.Rahmonov, “O`zbek adabiyoti tarixi”, “Sano-standart”, Toshkent, 2017 2. Umid Bekmuhammad, “Xorazmiy.Muhabbatnoma”, Xorazmiy.uz 3. https://kh-davron.uz 4.https://forum.ziyouz.com E`tiboringiz uchun rahmat!
http://fayllar.org
Do'stlaringiz bilan baham: |
