Nurulloh Muhammad Raufxon Bu kunlar
Download 3.93 Mb. Pdf ko'rish
|
- Bu sahifa navigatsiya:
- Bu kunlar
- 2011 yil 27 o‘ktabir sonida
- 2011 yil 29 o‘ktabir sonida
- 2011 yil 18 no‘yabir sonida
- 2011 yil 22 no‘yabir sonida
- 2011 yil 23 no‘yabir sonida
- 2011 yil 26 no‘yabir sonida
- UZBEK.FM
- 2011 yil 6 dekabir sonida
- 2011 yil 8 dekabir sonida
- 2011 yil 16 dekabir sonida
- 2011 yil 30 dekabir sonida
|
Bu kunlar
www.nurullohuz.com 262
Bular orasida nechtasi tussiz, sayoz, nechtasi tusli, jiddiy matbuot ekanini ajratish juda qiyin. Birinchidan, hech bir gazet o‘zini tussiz hisoblamaydi, sayozlar qatoriga qo‘shishlarini xohlamaydi. Ammo sovet zamonidan ishlab kelayotgan katta-kichik gazet-jo‘rnol o‘zini “jiddiy”lar qatoriga qo‘shishi aniq. Bu gazet-jo‘rnol jurnalistlari boshqalarini, ayniqsa, “mustaqillik”dan keyin xususiy maqomda ochilgan gazet- jo‘rnollarni sariq sanashi ham tayin. Lekin bunda ham aniq-tiniq bir chegara-o‘lchov yo‘q. Masalan, Kommunistik partiya hukmron bo‘lgan sovet zamonidagi “Qishloq haqiqati” gazetining “mustaqillik” zamonidagi vorisi “Qishloq hayoti” o‘zini jiddiy hisoblasa, unda shu gazet qoshida chiqadigan haftalik “Hayot”ni qaysi qatorga qo‘shamiz? Hol bu ki, “Hayot” o‘zini tug‘dirgan “ota gazet”dan ko‘ra o‘qishliroqdir. Yoki sovet zamonida ochilgan “Oila va jamiyat” gazetini olaylik: o‘zi haqida o‘zi qanaqa fikrda bo‘lmasin, bugun biz chetdan uning rangi-tusini qanday aniqlaymiz? Ikkinchidan, sayozlik yo yuksaklik sahifalarida berilayotgan materiallar saviyasiga qarab belgilanadigan bo‘lsa... unda ularni bir-biridan ajratish battar qiyinlashadi. Saviyaning o‘lchovi qolmagan bir paytda nimaga asoslanib birini sayoz, ikkinchisini baland deymiz? Agar o‘quvchining didiga qaralsa, “sarig‘i” yutib ketadi! Chunki o‘quvchi bugun biz ”sariq” deydigan gazetlarni ustun ko‘ryapti, ko‘proq o‘shalarni o‘qiyapti. O‘zini “jiddiy” hisoblaydigan gazetlarni oddiy o‘quvchi xohlab olmay qo‘yganiga yigirma yillarcha bo‘ldi. Odamlar, ayniqsa bekorchilar, bozorchilar tussiz, sayoz, sariq matbuotga qiziqib ketdi. G‘iybat bo‘lsa ham, oldi-qochdi bo‘lsa ham, ularda notavon ko‘ngillarini qitiqlaydigan nimadir bor. Izlaganini, ruhiga to‘g‘ri kelganini topyapti. Hech bo‘lmaganda, talvasada kechayotgan hayotini vaqtinchaga bo‘lsa-da esidan chiqartiradigan, turmush qiyinchiliklaridan chalg‘itib, fikru xayolini hayotda uchrab turadigan ayrim shaxsiy va shilta voqealar ichiga olib kirib ketadigan qanaqadir ovunchoq maqolalarni o‘qiydi. O‘zining darajasida o‘ylaydigan jurnalistlar ularni qoniqtiradi. Jiddiylarida nima bor? Ularda shu ham yo‘q! Da’vomiz og‘ir, albatta. Bu da’voga yarasha uzil-kesil dalillar keltirishimiz lozimligini ham tushunamiz. Lekin misolni qaysi gazetdan (yoki: gazetlardan) olgan yaxshiligi borasida ko‘p o‘yladik. Oxiri “otaxon gazet”imiz bo‘lmish “Xalq so‘zi”ni tanladik. Birinchidan, bu gazet mamlakatning yuzi. Ikkinchidan, taxminimizcha, o‘zini eng jiddiy hisoblaydi. Uchinchidan, boshqa “jiddiylar”dan to‘rttasining (“O‘zbekiston ovozi”, “Milliy tiklanish”, “XXI asr”, “Adolat”) ahvolini bundan oldingi bobda birmuncha ko‘rdik. Demak, endi hartomonlama o‘rganishga loyiq gazet “Xalq so‘zi”dir. Bir qaraganda, “Xalq so‘zi” hech kimning gazeti emas ‒ xo‘jayini ko‘rsatiladigan yerda hech narsa yozilmagan. Deylik, “O‘zbekiston ovozi” bitta O‘zbekiston Xalq Demokratik partiyasining gazeti, “Xalq so‘zi” esa, alohida olganda, na Prezidentning, na Oliy Majlisning va na hukumatning gazeti. 4-betning eng pastida faqat muassislari
Nurulloh Muhammad Raufxon
www.nurullohuz.com 263
sanab o‘tilgan: “O‘zbekiston Respublikasi Oliy Majlisi Qonunchilik palatasi Kengashi, O‘zbekiston Respublikasi Oliy Majlisi Senati Kengashi va O‘zbekiston Respublikasi Vazirlar mahkamasi”. Ya’ni, xo‘jayinlari o‘zini bir oz panaga olgan “mustaqil” gazet! Shiori: “O‘zbekiston – kelajagi buyuk davlat”. Chinakam demokratiya gazi bilan o‘lchaganda bunday bo‘lishi mantiqqa tersdir. Biri qonun chiqaradigan, rasman qaraganda, prezidentning ham, hukumatning ham ishini kuzatib boruvchi tashkilot, ikkinchisi qonunlarni tasdiqlaydigan tashkilot, uchinchisi shu qonunlar doirasida ishlaydigan ijrochi tashkilot. Demokratiya bu tashkilotlar bir-biridan mustaqil bo‘lishini taqozo etadi, biroq ularning fikr yoyuvchisi bitta bo‘lsa... axir, kulgili-da. Bir jumla bilan aytganda, “Xalq so‘zi” tug‘ilishidanoq qo‘l-oyog‘i to‘rttomonlama bog‘liq bir gazetdir – na xolislik ila unisini tanqid qila, na mustaqillik ila boshqasining ishini tahlil eta oladi. Qoladi – maddohlik. Natijada, mana, necha yillardan beri u aslo xalqning so‘zi bo‘lib emas, davlatning, hukumatning, Oliy Majlisning, hammasini to‘plab bitta qilib aytganda esa, “Prezidentning so‘zi” bo‘lib kelmoqda. Har kungi qiyofasi – bir xil. Har kungi mavzui – bir xil. Har kungi so‘zi – bir xil. Uslub bir xil, xulosa bir xil. Kuyi ham, qo‘shig‘i ham bir xil. Zerikarli. Oddiy xalq yurakdan xohlab bu gazetga obuna bo‘lmaydi, ko‘ngli tortib o‘qimaydi ham. Boshliqlar toifasi ham qatordan qolmaslik uchungina obuna bo‘ladi, ammo deyarli o‘qimaydi. Onda-sonda sport yangiligiga yoki ta’ziya xabarlariga ko‘z tashlamasa, boshqa maqolalari hech kimni qiziqtirmaydi. Chunki qolgani har kuni ming bora takrorlanadigan gaplar, madhiyalar... Necha yillardan beri bu gazetga davlat idoralari va soliq tashkilotlari orqali katta- kichik idoralar majburiy obuna qildiriladi. Ko‘chada do‘kondan biror kishi olayotganini ko‘rsangiz, biling, u odam qaysidir bir idorada ishlaydigan, o‘sishga orzumand mayda amaldor bo‘lib chiqadi. Oddiy xalq bu gazet uchun cho‘ntagidan pul chiqarmaydi. Aytmoqchi, do‘konlarda turib qolgan sonlarini arzonlashtirib oladiganlar bor. Ammo ular ham o‘qishga yo eski gazetlarni to‘plashga ishqivoz bo‘lganidan emas, bozorlarda yo ko‘cha-ko‘yda ul-bul narsani o‘rab sotishga oladi (bu holni bir gal O‘zbekiston televideniyesining o‘zi bilib-bilmay tan olib qo‘ydi!). Nimaga? Chunki o‘qib maza oladigan hech narsa yo‘q. Har yangi sonida nima borligini bilishga ko‘pi bilan bir-ikki daqiqa ketadi, xolos. Boshdan-oxir ko‘z yugurtirishga ketadigan vaqt ichida butun boshli katta gazetni “o‘qib chiqsa” bo‘ladi. Ichida nima borligini sarlavhalarining o‘ziyoq aytib turibdi... O‘quvchilar yanglish anglamasinlar: bu “otaxon gazet”da ishlaydigan o‘nlab jurnalistning mehnatini bitta so‘z bilan yo‘qqa chiqarmoqchi yoki, ularning dunyoqarashlari ham bizniki kabi bo‘lsin, demoqchi emasmiz. Agar bu gazet “Xalq so‘zi” bo‘lib emas, balki, masalan, “Prezident ovozi” bo‘lib chiqqanida edi, har qancha maddohlik qilsa, hozirgiday karnay-surnayini chalaversa, ishimiz yo‘q edi. Nega? Egasi bergan nonni oqlab yegan bo‘lardi, xolos. Demokratiya tamoyillariga ham ters Nurulloh Muhammad Raufxon
www.nurullohuz.com 264
bo‘lmasdi. “Prezident ovozi” bo‘lganidan keyin, to‘lasicha davlat tomon bo‘lib, nima desa deyaveradi-da. Yoki davlat siyosatiga, mamlakat ahvoliga xalqning chinakam munosabatini ifodalaydigan boshqa mustaqil, muxolif gazet-jo‘rnollar bo‘lganida ham mayli edi. Bular yo‘qmi, hozirgi “Xalq so‘zi” ham siyosiy loqayd xalq nomidan nuqul davlatning qo‘ltig‘iga suv purkash bilan ovorami, unda bizning tanqidlarimizga ham chidashiga to‘g‘ri keladi. Chunki biz uning oti “Xalq so‘zi” bo‘lgani uchun, mening, sizning – hammamizning nomimizdan so‘ylayotgani, demak, unda mening, sizning – hammamizning haqqimiz borligi uchun ham xalq tomon bo‘lib bu so‘zlarni aytyapmiz. To‘g‘ri, mamlakatda chiqadigan boshqa gazet-jo‘rnollarning ahvoli ham “Xalq so‘zi”dan battar bo‘lsa battar, undan kam emas. Lekin misolni hammasidan qalashtirib keltirish shart bo‘lmagani uchun bitta gazet bilan yetarindik. Endi dalillarga o‘tamiz. Gazetning 2011 yilgi ayrim sonlarini varaqlaymiz. Misollarning o‘zini keltiramiz, xulosa chiqarishni o‘quvchiga qoldiramiz. Juda chidab bo‘lmaydigan yerlarigagina izoh berish bilan to‘xtaymiz. Imlo va jumla xatolarini shundog‘icha qoldiramiz. Chunki madhiya chog‘i jazbalanib ketgan jurnalistlar gapning to‘g‘ri yozilishiga diqqat qilib o‘tirmaydi, ular uchun madhiyaning o‘zi muhim. Qancha ko‘p qolip so‘z va qolip jumlalar ishlatilsa, shuncha yaxshi! Ko‘chirmalardagi bu qoliplarga o‘quvchi diqqatini tortish uchun yotiq harflarda ajratib ko‘rsatdik. Demak... 2011 yil 27 o‘ktabir sonida: O‘zbekiston Respublikasi Adliya vazirining birinchi o‘rinbosari Yesemurat Kanyazov O‘zA muxbiri bilan qilgan suhbatini bunday boshlaydi: “Prezidentimiz
faoliyatini qo‘llab-quvvatlashning huquqiy kafolatlari kengaymoqda”. 2011 yil 29 o‘ktabir sonida: “Prezidentimiz Islom Karimov rahnamoligida tanlangan mustaqil taraqqiyot yo‘limiz hamda hayotga izchil tatbiq etilayotgan rivojlanishning “o‘zbek modeli”
“Prezidentimiz rahnamoligida qadriyatlarimizni asrab-avaylash, ularning boy mazmun-mohiyatini yosh avlod ongiga singdirish yo‘lida amalga oshirilayotgan sa’y- harakatlar tufayli hunarmandlarimiz ijodi yanada sayqal topayotir” (“Milliy san’atimizning betakror namunalari” maqolasidan).
“Istiqlol yillarida milliy musiqa san’atimizni rivojlantirish, uning betakror an’ana va maktablarini tiklash, targ‘ib-tashviq etish borasida keng qamrovli ishlar amalga oshirildi” (“El ardog‘idagi san’atkorning qalb navolari” maqolasidan). 2011 yil 23 no‘yabir sonida: “Yuqori xalqaro reyting banklarimizning izchil va samarali faoliyati ifodasidir”. Nurulloh Muhammad Raufxon
www.nurullohuz.com 265
2011 yil 24 no‘yabir sonida: “Maqsadimiz – yuksak e’tiborga munosib javob qaytarish” deb nomlangan sport xabari: “Mamlakatimizda Prezidentimiz rahnamoligida sportni rivojlantirish borasida olib borilayotgan izchil islohotlar hamyurtlarimizning jahon va qit’a chempionatlaridagi muvaffaqiyatli ishtirokini ta’minlashga xizmat qilayotir”, deb boshlanadi. 2011 yil 26 no‘yabir sonida: Jahon chempioni Abdulla Tangriyev bilan qilingan suhbat sarlavhasi: “G‘alabalarimiz – e’tibor va g‘amxo‘rlik mevasi”.
“Istiqlol yillarida Prezidentimiz tomonidan ishlab chiqilib, hayotga izchil tatbiq etilayotgan taraqqiyotning “o‘zbek modeli” xalqimiz farovonligini ta’minlashda asos bo‘lmoqda” 181 (“Ilg‘or texnologiyalar va sanoatimiz istiqboli” nomli rasmli bosh maqoladan).
181 “O‘zbek modeli” matbuotda shunday, hayotda esa mana bundaydir (eng yangi ikkita misol): 1. Islom Karimov Vazirlar Mahkamasining 2013 yil yakunlari va 2014 yilga mo‘ljallangan iqtisodiy dasturga bag‘ishlangan 17 yanvar yig‘ilishida mamlakatdagi 140 dan ortiq aksar yirik sanoat va kimyo korxonalarining “zarar ko‘rib ishlayotgani”ni ochiq e’tirof etdi. Unga ko‘ra, singan korxonalar orasida Toshkent traktor zavodi, “Agregat zavodi”, “Chirchiqqishloqmash”, “O‘zpaxtamash” ochiq aksiyadorlik jamiyatlari bor. Prezident aytishicha, bu korxonalar “og‘ir moliyaviy ahvolga tushib qolgan”. Yana: “Kommunal sohada 26 ta zarar ko‘rib ishlayotgan korxona, shu bilan birga, yo‘l qurilishi sohasida 13 ta iqtisodiy nochor korxona mavjud ekani ham tashvish uyg‘otadi”, deb aytdi Karimov. Bu so‘zlar uning o‘zi ayni yig‘ilishda keltirgan O‘zbekiston iqtisodida sanoatning ulushi oshib borayotgani haqidagi raqamlarga ziddir. ...Gazga boy O‘zbekiston aholisi so‘nggi yillarda gaz va elektr taqchilligidan jabr chekib keladi. Mutaxassislarga ko‘ra, O‘zbekistonning Xitoy oldida olgan gaz yetkazib berish bo‘yicha yirik majburiyatining bir qismi ichki iste’mol hisobidan qoplanmoqda.
* * *
Nurulloh Muhammad Raufxon
www.nurullohuz.com 266
2011 yil 3 dekabir sonida: “Bugun Prezidentimiz rahnamoligida Qurolli Kuchlarimiz tizimida amalga oshirilayotgan tub islohotlar zamirida...”
“Prezidentimiz tashabbusi bilan barpo etilayotgan namunaviy loyihalar asosidagi zamonaviy uy-joylarni yurtdoshlarimiz aholiga cheksiz g‘amxo‘rlikning amaliy ifodasi sifatida qabul qilishmoqda...” “Yurtimizda yoshlarga ko‘rsatilayotgan beqiyos e’tibor yuksak samaralarini bermoqda. Bunday yutuq va muvaffaqiyatlar zamirida jamiyatimizda xotin-qizlar rolini oshirish borasidagi islohotlar muhim rol o‘ynamoqda... Ushbu yutuqlarimga asos, avvalambor, Prezidentimiz tomonidan biz, yoshlarning hech kimdan kam bo‘lmay o‘sib-unishimiz, ta’lim olishimiz uchun yaratib berilgan qulay shart-sharoitlardir. Men kabi minglab navqiron avlod vakillarini rag‘batlantirib, otamizdek boshimizni silayotgan Yurtboshimizga rahmat!” (Umidaxon Jo‘rayeva, Zulfiya nomidagi Davlat mukofoti sovrindori). “...istiqlol yillarida san’atni rivojlantirishga qaratilayotgan yuksak e’tibor o‘z samarasini bermoqda” (Munojot Yo‘lchiyeva, O‘zbekiston xalq artisti, “Buyuk xizmatlari uchun” ordeni sohibasi).
2. WhatsApp orqali “Ozodlik”ka kelgan xatlardan birida aytilicha, Jomboy tumani markaziy shifoxonasida ahvol juda ham yomon: “Men Jomboy tumanidanman. O‘tgan yil 25-noyabrda farzandli bo‘ldim. Imoratga deb yig‘ib qo‘ygan yog‘ochlarni yoqib, qishni o‘tkazayotgan edik. 2014 yil 13 yanvar kechasi o‘g‘limning tobi qochdi. Doktorga olib bordik. Shamollatgansizlar deb reanimatsiyaga yotqizishdi. Bugun palataga olishgan ekan, ishdan qaytishda ko‘rishga kircam cvet yo‘q, xonalar covuq, pechka yo‘q. Hali 2 oylik bo‘lmagan go‘dak sovuqdan yuzlari ko‘karib ketgan. Bolamning yig‘laganini ko‘rib, yig‘lagim keldi. Shumi bolalarga e’tibor, hech bo‘lmasa shifoxonaga gaz-cvet bermaydimi?” deb yozadi jomboylik tinglovchi. “Ozodlik” bu holatga izoh olish maqsadida Jomboy tumani markaziy shifoxonasi bilan bog‘landi. Ovozi efirga berilmaslik sharti bilan gapirgan kasalxona shifokorlaridan birining aytishicha, ular ham bu vaziyatdan chiqishning ilojini qilisholmayapti: - Tumanimizda to‘rt sutkadan beri svet yo‘q. Mana hozir ham yo‘q. Kasalxonamiz kotelniysi svet bilan isitishga mo‘ljallangan. Bizga sutkasiga ikki soat svet beryaptiyu, lekin kotelniy suvni qizitishga ulgurmayapti. Bosh vrachimiz ahvol shunday bo‘lsa bolnitsani yopamiz deyapti. Haqiqatan ahvolimiz juda og‘ir,- deydi kasalxona shifokorlaridan biri. Ayni paytda, jomboylik shifokor tasvirlagan holat mamlakatning boshqa tumanlaridagi kasalxonalarda ham deyarli bir xil. Qashqadaryo viloyatidagi kasalxonalardan birida ishlaydigan shifokorning aytishicha, bemorlar qalin kiyimlari bilan yotadilar: - Bizda ham ahvol shu. Xonalarga elektr pechkalar qo‘yilgan. Ularning aksariyatini kasallar uylaridan olib kelgan. Ikki- uch soat svet berganda xonani sal ilitib olishadi. Keyin ro‘mollarga o‘ranib, issiq kiyimlari bilan uxlashadi, - deydi qashqadaryolik shifokor. Samarqand viloyatining Kattaqo‘rg‘on tumanida yashaydigan shifokor Abdurayim Bozorov aytishicha, issiqlik yetkazib berolmagani sababli tumandagi tug‘ruqxona yopilgan: - Bizlarda ham isitish sistemasi umuman ishdan chiqqan. Bolnitsami, maktabmi hammasida ahvol yomon. Kattaqo‘rg‘on tumanidagi roddomni yopib qo‘yishdi. Hozir to‘lg‘oq tutgan ayollarni qo‘shni Navoiy shahriga olib borishyapti. Lekin bu ahvolni birov so‘ramaydi, - deydi Abdurayim Bozorov. So‘nggi bir necha kun ichida “Ozodlik”ka Namangan, Samarqand, Jizzax viloyatlaridan kelgan shikoyatlarda elekr toki ta’minotidagi uzilishlar bois shifoxonalardagi ahvol og‘irlashib borayotgani tilga olingan edi. Gaz ta’minotidan batamom uzilgan maktablarning o‘quvchilari sovuqdan azob chekmoqda. Ba’zi tumanlarda, sinfxonalarni isitish uchun o‘quvchilar navbat bilan o‘tin olib kelishga majbur bo‘lmoqda. http://www.ozodlik.org/content/article/25233459.html
Nurulloh Muhammad Raufxon
www.nurullohuz.com 267
“Mustaqil diyorimizda navqiron yigit-qizlarning mustahkam bilim olishlari uchun beqiyos shart-sharoit yaratilgan” (Barnogul Sanaqulova, O‘zbekiston Respublikasi Prezidenti Davlat stipendiati, Toshkent Moliya instituti aspiranti). 2011 yil 8 dekabir sonida: “Mamlakatimiz sportchilarining xalqaro maydonlarda yuksak g‘alabalarga erishayotgani – istiqlol sharofati va Prezidentimizning navqiron avlodni har tomonlama barkamol etib tarbiyalashga qaratilayotgan ulkan e’tibori samarasidir”. Shu maqola tagida: “Uzoq yillar o‘qituvchilik, ilmu ma’rifat sohasida ishlagan kishi sifatida yaxshi bilamanki, ilgari bunday zamonaviy maktablarni ko‘rish u yoqda tursin, bu haqda tasavvur ham qilolmas edik. Bugun esa Istiqlol sharofati va
va litsey hamda maktablarni ko‘rib g‘ururlanib ketasan kishi. (Bunday “e’tirof”ni xuddi shu muallif sovet davrida ham xuddi shu tarz ifodalashi bemalol mumkin edi! Faqat “istiqlol” o‘rniga “Ulug‘ O‘ktabir” deb, “Prezidentimiz” so‘zi o‘rniga “Jonajon Kommunistik partiyamiz” deb qo‘llagan bo‘lardi! – N.M.R.) Shuni alohida ta’kidlash joizki, biz, ilmu ma’rifat sohasi vakillarining ko‘ngilda iftixor hissini tuygan holda sidqidildan mehnat qilishimiz uchun eng katta asos, bu,
ekan, Yurtboshimiz rahnamoligida amalga oshirilayotgan izchil islohotlar ulkan samaralarini beraveradi” (Mapar Haydarova, O‘zbekiston xalq o‘qituvchisi). 2011 yil 16 dekabir sonida: Birinchi betdagi bir maqola: “Soliq sohasida islohotlar kichik biznes va xususiy tadbirkorlikni izchil rivojlantirishga xizmat qiladi” deb ataladi va u: “Prezidentimiz
iqtisodiyotning barqaror va mutanosib sur’atlarda o‘sishini... ta’minlamoqda”, deb boshlanadi. Yana shu betda “Mahalla” jamg‘armasining hisobot-saylov konferensiyalari” ruknida “Xalqimiz hayotining yorqin ko‘zgusi” sarlavhali maqola-xabar bosilgan. Unda bunday deyiladi: “Mahalla” xayriya jamg‘armasining Samarqand viloyati bo‘limi hisobot-saylov konferensiyasida delegatlar bo‘limning besh yillik faoliyatini baholash asnosida bo‘lim tomonidan aholining huquqiy madaniyatini oshirish bo‘yicha targ‘ibot ishlari yaxshi yo‘lga qo‘yilganini alohida qayd etdi. Jumladan, viloyatdagi mahalla fuqarolar yig‘inlarida Prezidentimizning “Yuksak ma’naviyat – yengilmas kuch” asari taqdimoti izchil olib borilayotir. Umuman olganda, davlatimiz rahbari asarlari targ‘iboti yuzasidan 117 mingdan ziyod tadbirlar tashkil qilinganligi e’tirof etildi...” Birinchidan, “aholining huquqiy madaniyatini oshirish bo‘yicha targ‘ibot ishlari” “prezident asarlari taqdimotini izchil olib borish” bilan qilinayotganiga tushunish qiyin. Ikkinchidan, hisobot-saylov yig‘ilishlarida aytiladigan bundan boshqa ishlar yo‘qmi?
Nurulloh Muhammad Raufxon
www.nurullohuz.com 268
Uchinchidan, bir yilda 365 kun bor, besh yilda (ortiqcha bir kunni ham qo‘shganimizda) 1826 kun bo‘ladi. 117000 ni 1826 ga bo‘lsak, 64 chiqadi. Demak, prezident asarlari mahalla fuqarolar yig‘inlarida har kuni 64 martadan targ‘ibot qilingani bilinadi. Bundan “Mahalla” xayriya jamg‘armasining prezident asarlarini targ‘ib-tashviq qilishdan boshqa ishi chindan ham yo‘qqa o‘xshab qoldi... Yana shu sonda: “...Prezidentimiz rahnamoligida sanoat korxonalarini modernizatsiyalash, texnik va texnologik qayta jihozlash masalasiga alohida e’tibor qaratilmoqda...” (“Modernizatsiya – jahon bozoriga keng yo‘l”). 2011 yil 30 dekabir sonida: “Davra suhbati qatnashchilari O‘zbekiston Respublikasi o‘z mustaqilligining 20 yili mobaynida mamlakat Prezidenti Islom Karimov rahnamoligida sog‘liqni saqlash tizimida tub islohotlarni amalga oshirgani va buning mantiqiy natijasi o‘laroq, sog‘liqni saqlashning samarali milliy modeli yuzaga kelganini qayd etdilar” (Saudiya Arabistonining Jidda shahrida O‘zbekiston konsulxonasi uyushtirgan simpoziumdan xabar). “Mamlakatimizda O‘zbekiston Respublikasi Prezidenti, Qurolli Kuchlar Oliy Bosh Qo‘mondoni Islom Karimov rahnamoligida mudofaa tizimini mustahkamlash, zamonaviy, harakatchan, yaxshi qurollangan, yurtimizda tinchlik va barqarorlikni ta’minlashga hozir milliy armiyani tashkil etish borasida salmoqli natijalarga erishildi” (1-bet). “Istiqlol yillarida tadbirkorlik harakati, ayniqsa, kichik biznes rivoji uchun barcha shart-sharoitlar yaratildi. Prezidentimiz tashabbusi bilan 2011 yil “Kichik biznes va xususiy tadbirkorlik yili” deb nomlanishi bu yo‘nalishda amalga oshirilayotgan
(shu bet). “Xabaringiz bor, yaqinda Prezidentimiz tomonidan imzolangan...” (shu bet). Tagidagi maqolada: “Prezidentimiz tomonidan taqdim qilingan...” (shu bet). Tagida, yonboshda: “Prezidentimiz tashabbusi bilan istiqlolning dastlabki yillaridan boshlab yoshlarning ma’nan yetuk...” (shu bet). O‘ngda teparoqda: “Prezidentimizning bevosita tashabbusi va g‘oyasi asosida Mustaqillik maydonida bunyod etilgan har bir inshoot, har bir monument o‘ziga xos ramziy ma’noga ega” (shu bet). Shuning tagrog‘ida: “Prezidentimiz Islom Karimovning «O‘zbekiston mustaqillikka erishish ostonasida» kitobi hozirgi kunga qadar istiqlolimizning yoritilmagan sahifalarini ochib bergani, o‘zida noyob manba va ma’lumotlarni mujassam etgani bois xalqimiz tomonidan katta qiziqish bilan o‘rganilmoqda” (shu bet). Shu yerda bir tajriba qilib ko‘raylik. Bu matnni xuddi shu holicha xayolan 30 yildan ko‘proq orqa zamonga yo‘llasak, aniq mana bunday o‘qiladi: “Otashin lelinchi, kommunizmning tolmas kurashchisi, hammamiz uchun hurmatli Leonid Ilich Birejnevning “Kichik yer”, “Qo‘riq”, “Tiklanish” kabi asarlari hozirgi kunga qadar Ulug‘ Vatan urushining, cho‘lni o‘zlashtirishning hamda urushdan keyingi iqtisodiy- |
