Oilaviy munosabatlarning bola shaxsida ijtimoiy

Ёшларга ижтимоий-психологик хизмат кўрсатиш маркази 
YOSHLARNING DUNYOQARASHI VA XULQ-ATVORIGA TA’SIR ETUVCHI 
IJTIMOIY PSIXOLOGIK OMILLAR 
 
Abduqunduzova Shahzoda Nasvaliyevna 
Namangan viloyati Chust tuman 41-maktab psixologi, 
Karimova Yoqutxon Muhammadjonovna
Namangan viloyati Chust tuman 21- maktab psixologi 
 
Darhaqiqat, XXI asrda dunyo rivojlanishi yangi bosqichga qadam qo’ydi. 
Endilikda respublikamizda kechayotgan iqtisodiy, ijtimoiy va siyosiy o’zgarishlar 
mohiyatida ma’daniy-ma’naviy yuksalish extiyojining ortib borayotgani ayniqsa, 
birlamchi ahamiyat kasb etmoqda. Ana shunday, keng miqyosli o’zgarishlar davrida 
yoshlarning dunyoqarashi va hulq-atvoriga ta’sir etuvchi ijtimoiy-psixologik omillar, 
tahdidlar ham ortib bormoqda. Ushbu maqolamda men maktabning amaliyotchi 
psixologi sifatida, yoshlarning dunyoqarashi va hulq-atvoriga ta’sir etuvchi dastlabki 
omillardan biri, televizor va uning oila munosabatlariga ta’siri haqida to’xtalib 
o’tmoqchiman. 
Uyingizda televizorning pulti kimda? Uyda pult kimning qo’lida bo’lsa, oilada 
boshliq, ya’ni rahbar ham o’sha bo’ladi. Shu kunlarda oilada kimning gapi o’tishini 
televizor pulti kimning qo’lida ekanligiga qarab bilib olish mumkin. Uyda 
farzandlaringiz bilan suhbatlashib o’tiribsiz. To’satdan chiroq o’chib qoli. Darhol sham 
olib yoqdingiz. Barchangizda sal avvalgi, jonlilik va harakatchanlik yo’qoldi. Bolalarga 
ba’zi so’zlarni aytingiz. Ko’p o’tmay aytadigan gapingiz tugadi. Uyga chuqur sukunat 
cho’kdi. Go’yo uydagi eng asosiy narsa yo’qolib qolganday. Rozi bo’ling, televizorsiz 
hayot to’xtab qoladi, to’g’rimi. Unga shu qadar o’rganib qolganmizki, televizor 
hayotimizning ajralmas bo’lagiga aylangan. Ertalab uyg’onishingiz bilan yoki ishdan 
qaytishingiz bilan kelib, televizorni yoqasiz. Televizor ovozi sizga hamroh bo’ladi. 
Biroq qachongacha?
Insonlar uyda ekanliklarida ko’p vaqtlarini televizor qarshisida o’tkazadilar. 
Inson sigaret, sipirtli ichimlik va narkotika singari moddalar bilan o’ziga zarar 
berayotganini bilgani uchun ularga qarshi kurashadi. Eng katta vaqt o’g’risi sanalgan, 
oilaviy munosabatlarga salbiy ta’sir ko’rsatadigan so’zlar orqali emas, xatti-harakatlar 

---