Олий ва ўрта тиббий таълим бўйича ўқув-услуб идораси

Rp.: Phenoxymethylpenicillini 100 000 ТБ
D.t.d.N.20 in tabulettis
S. 1 таблеткадан ичилсин.
Эритмалар тайёрлаш учун таблеткаларга рецепт ёзганда сигнатурада керакли эритма тайёрлаш учун кўрсатма берилади.
Таблеткалар учун магистрал рецептлар бўлмайди.
ДРАЖЕЛАР
Драже (қаратқич келишик бирлик сонда - Dragee) — ичиш учун дозаларга бўлинган қаттиқ дори шакли. Дражелар дори моддаси ва ёрдамчи моддаларни қанд доналарига бир неча маротаба қават-қават қилиб (дражелаш) ўраш йўли билан олинади. Ёрдамчи модда сифатида шакар, крахмал, буғдой уни, какао, шоколад, озиқ-овқат лаклари, бўёқлари ва бошқалар ишлатилади. Хозирги пайтда витаминлар ва баъзи бир дори моддалари драже шаклида чиқарилади. Улар шарсимон кўринишли, силлиқ ҳар-хил ёқимли рангли юзага эга бўладилар. Драженинг ғирлиги 0,1 дан — 0,5 гача бўлиб, 1,0 дан ошмаслиги керак. Дражелар 30 дақиқада парчаланиб кетиши керак. Барча дражелар официналдирлар. Дражега рецепт ёзишнинг фақат бир формаси мавжуд. Рецепт ёзиш дори шаклини кўрсатишдан бошланиб, ундан кейин дори моддасининг номи, уни бир марта қабул қилиш дозаси, берилаётган драженинг миқдор белгиси ва сигнатураси ёзилади.
Мисол. Таркибида 0,025 аминазин бўлган 20 та дражега рецепт ёзилсин ва 1 та дражедан ичиш буюрилсин.
Rp.: Dragee Aminazini 0,025
D.t.d.N.20
S. 1та дражедан ичилсин.
Баъзи холларда дорилар таъсирини ўзайтириш учун уларни микродраже холида тайёрланади, яъни дорилар ўлчами кичик бўлган гранулаларга айлантириб ўстидан химоя пардаси билан ўралади. Микродражелар алохида дори шакли сифатида қўлланилмайди, лекин улардан таблеткалар, спансуллар ва бошқа дори шаклини хосил қилишда қўлланилади.
ГРАНУЛАЛАР
Гранула (бош келишик бирлик сонда - Granulum, қаратқич келишик бирлик сонда - Granuli, қаратқич келишик кўплик сонда - Granulorum) — ичишга мўлжалланган, бир таркибли заррачалардан тузилган қаттиқ дори шаклларидир. Гранулалар официналдир, ўлчами 0,2 мм дан 0,3 мм гача бўлади. Гранулалар бир хил рангда бўлиб 15 дақиқа мобайнида парчаланишлари керак. Ёрдамчи моддалар сифатида шакар, чой содаси, крахмал, глюкоза, тальк ва бошқалар олинади. Одатда, ёқимсиз ҳид берадиган, таъми ёкимсиз ва маҳаллий таъсирлантиришга эга бўлган дори моддалари гранулаларда чиқарилади. Гранулалар одатда чой қошиқлар билан ичиш учун тавсия этилади.
Мисол. Натрий парааминосалицилатнинг грануласидан 100,0 ёзилсин. 1 чой қошиқдан овқатдан сўнг ичиш буюрилсин.