Olmaning-tagi pdf

билганидан қолмас , эгасини адо қилиш пайидан бўлаверар эди. Гарчи Амирхон
рисоладаги эр , намунали ота бўлиб танилган эрса-да, Шалоланинг ҳа деса ичи
чиқавермас эди.
Айниқса унинг Зокирдан устун энг асосий тарафи Шалоланинг отаси томонидан "Яхши
одамларнинг фарзанди" дея эътироф этилганлиги эди.
Шалола отасининг Амирхон борасида нақадар ҳақ эканлигига йиллар давомида қайта-
қайта иқрор бўлиб яшади. Шалола ўз жуфти ҳалоли билан биргаликда умр кечирган
беш йилдан зиёд турмуши давомида бир бора бўлса-да, Амирхон унинг оҳига озор
бермади. Ҳатто аёли билиб-билмай хато иш қилиб қўйганда ҳам Амирзон уришиш,
уриш у ёқда турсин , на бир оғиз сўкди , на бир оғиз ножўя сўз айтди.
Шалола ўз тақдиридан шукрда эди. Аллоҳ уларни шириндан шакар бир ўғил , бир қиз
билан сийлаганди.
Гўёки бариси ўз ўрнидагидек эди...
Фақат эришилмаган муҳаббат аёлнинг юрагига гоҳ- гоҳида тикан каби ўз озорли

---

нишини санчишини айтмаса ...
Шалола она бўлгач фарзандлари билан анча андармон бўлиб қолган , "Ёшликда
берган кўнгил айрилмас бало бўлур" деган ўша муҳаббати энди юрагини ҳам ортиқча
тиғлашига йўл бермасликка ҳаракат қилар эди...
Гўёки бариси ўз ўрнидагидек эди...
Токи укаси туғилган кунига сўнгги русумдаги телефон совға қилмагунча ...
Токи ўша куннинг ўзида укасининг аёли - келини Нигина Шалолани рўзғор буюмлари
билан онлайн савдо қилувчи гуруҳга аъзо қилиб қўшиб қўймагунча...
Шалола ўша гуруҳдаги рўзғор буюмларини бир бошдан кўздан кечириб тушаётганда
ўзига "Ока , биздаги нархлар айнан ҳамёнбоп, келинойимни бир ҳурсанд қилар