Olmaning-tagi pdf

ёқда кутаман!"
Ўртадаги суҳбатга юзларидан олов чиққанча гувоҳ бўлиб турган Шалола лип этиб
Зокир узатган линкни ўз телефони ҳотирасига нусҳалаб олди. Унинг кўнгли
алланималарни сезганича бор экан , зум ўтмай Зокир жўнатган линк гуруҳдан изсиз
ғойиб бўлди.
Шалоланинг бахтига яқиндагина ўзи нусҳалаб олган гуруҳнинг обуна бўлмай
ташқаридан ўқиб , кузатиш мумкин экан .
Шалола Зокир ва бояги қизнинг ёзишмаларини юрак ҳовучлаб ўқий бошлади.
Ёзишмалар шундан дарак берарди- ки : "Зокир эмиш-ки бўйдоқ. Анчадан буён
кўнглидаги қизни қидирмоқда экан. Унга турмушга чиққан қиз дунёнинг энг бахтли
аёли бўлади. Ўзи уйланадиган қизни кафтида эмас , бошида кўтариб юриши аниқ.
Бунга шубҳа қилмаса ҳам бўлади..."
Шалоланинг борган сари асаби бузила бошлади. Зокирга ҳамоҳанг суҳбатдош қизнинг
тинимсиз ва беўхшов, бемаъни ноз - ишвалари ( Шалолага айнан шундай туюлганди)
гўёки намиқиб тутаётган ўтинга керосин сепгандек натижа берди: )
"Тавба , - дея ўйлади Шалола,- ҳозирги замоннинг қизларига ҳам ҳайронсан ?!
Бунчалик очиқлик қаердан экан ? Шу қизнинг ҳам отаси , ака - укаси бормикан ? Буям
майли. Зокирни нима жин урди ? Иккита мунчоқдек боласи туриб, ҳиринг - ҳирингга
пишириб қўйибдими ?! Шу қилган ишларининг касофати болаларига уришидан
қўрқмасмикан ?!"
Шалола шу сўзларни хаёлидан ўтказа туриб бирдан кўзлари "ярқ" этиб очилди :
"Ўзим- чи ?! Ўзим нима қилаяпман бу ерда ?! Менга пишириб қўйибдими ?! Менинг ҳам
Аллоҳ берган болаларим , тақдирим қўшилган эрим бор- ку?! Эрлик аёлнинг жойими
шу ер?!" Шалоланинг юраги эзилиб кетди. У шу топда қилиб юрган иши нечоғлик
жирканч иш эканлигини фаҳмлагандек, кўнгли чуқур изтиробда қолди. Гўёки ўзини
минг , минглаб одамлар кузатаётгандек, уятдан ернинг қаърига кириб кетгудек бўлди