Oltinchi guruh kationlarining analitik reaksiyalri

HCl+HNO₃ tasiri


Eritma: Hg²⁺


SnCl₂ tasiri


Oq cho’kma: Hg₂Cl₂

I.5 Barcha analitik gruppa kationlari aralashmasining analizi

Dastlabki kuzatish va sinab ko‘rish.Moddalar v aralashma- larning analizi hamma vaqt dastlabki kuzatish va sinab ko‘rishdan boshlanadi. Avvalo eritmaning rangiga e’tibor berish kerak, chunki ba’zida shunga qarab eritmada rangli ionlarning bor-yo‘qligini aytish mumkin. So‘ngra eritmaning alohida ulushlaridan Fe²⁺, Fe³⁺ ionlarining borligini tekshirib ko‘rish kerak, chunki qayta- ruvchilar ta’sirida Fe³⁺ ionlari Fe²⁺ ionlariga, oksidlovchilar ta’sirida esa Fe²⁺ ionlari Fe³⁺ ionlariga o‘tib, tekshiriladigan eritmada ularning qaysilari bor yoki yo‘qligi to‘g‘risida xulosa chiqarib bo‘lmaydi. Ko‘pchilik kationlarni aniqlash uchun ammiak eritmasi ishlatilganligi sababli tekshiriladigan eritmada NH₄⁺ ionlari bor yoki yo‘qligini ham oldindan aniqlab qo‘yish lozim. Bundan tashqari, kuchli oksidlovchilar ta’sirida NH₄⁺ ionlari N₂ yoki NO, ba’zan esa NO₂ gacha oksidlanadi.
Fe²⁺ ionlarini aniqlash. Probirkaga tekshiriladigan eritmadan 2–3 tomchi olib, uning ustiga 2 tomchi suyultirilgan (1:3) HCl va 1 tomchi K₃[Fe(CN)₆] eritmasi qo‘shiladi. Òo‘q ko‘k rangli cho‘kmaning hosil bo‘lishi eritmada Fe²⁺ ionlari borligini ko’rsatadi.
Fe³⁺ ionlarini aniqlash. Toza probirkaga tekshiradigan eritmadan 2–3 tomchi olib, uning ustiga 2 tomchi suyultirilgan (1:3) HCl va 1 tomchi K₄[Fe(CN)₆] eritmasi qo‘shiladi. Ko‘k rangli cho‘kmaning hosil bo’lishi eritmada Fe³⁺ borligini ko’rsatadi.