Ona tili va bolalar adabiyoti

153-mashq. Misollarni o‘qing. Badiiy leksika va oddiy so‘zlashuv leksikasiga 
mansub so‘zlarni aniqlab, ikki guruhga bo‘lib yozing. Bu so‘zlarning uslubiy 
betaraf ma’nodoshini ayting. 
1. Yaqindagina shivalab o‘tgan yomg‘irdan keyin havo musaffo.
(S. Anorboyev) 2. – Ja po‘rim bo‘lib olibsanlar, – dedi u do‘lvor tabi-
atiga yarashmaydigan jiddiy qiyofaga kirib. (“Sharq yulduzi” jurna-
lidan) 3. O‘zi ham pandavoqi, go‘l edi, u bilan mozorga shamchiroq 
bo‘larmidingiz? (A. Muxtor) 4. Oq rang ketib, bo‘z yerni alvon rang 
qopladi, olam o‘ziga oro berib bezanmoq taraddudiga tushdi. (Yusuf 
Xos Hojib) 5. Balo ekan bu qiz. (S. Ahmad) 6. Dadam har bahorda hovli-
mizga anvoyi gullar ektirar edilar. (Olmos) 7. Sharqdan bahor nasimi 
esib keldi, olamni bezamoq uchun firdavs yo‘lini ochdi. (Yusuf Xos 
Hojib) 8. Bolamga ko‘z tegdimi, bilmayman. Bolam boyoqish notinch-
roq bo‘lib qoldi. (Mirmuhsin) 9. O‘zimizning taomlarni – kabob va 
palovdan tortib to halimgacha – do‘ndirib yuboradi. (Oybek) 9. Obbo 
Jo‘ravoy-e, ammo-lekin gapni qiyasiz. Yolg‘onni ham rostday qilib 
gapirasiz. (Uyg‘un) 10. “Uylanish vaqti-ya, lekin mullajiring qurgʻur 
yo‘q” – dedi Abdulvohid piyolani bo‘shatib. (Oybek) 11. – Endi, jo‘ra, 
bularning barisi oldi-qochdi gaplar, – dedi Samad. (M. M. Do‘st) 12. Bu 
marsiya motamdagi ota-onani yana bo‘zlatgan edi. (A. Qodiriy) 
13. Boshim ko‘kka yetur o‘quvchim 
Manzur ko‘rsa armug‘onimni. (E. Rahim) 
14. Bunda ari keltiradi bol, 
Bunda qushlar topadi iqbol. (H. Olimjon) 
15. Mustaqillik ne demak,
Ne demakdir istiqlol? (J. Jabborov) 
16. Ming yillarkim bulbul kalomi 
O‘zgarmaydi, yaxlit hamisha. (A. Oripov) 
17. Kuzning rutubatli oqshomi edi. 
Bog‘lar sokingina chekar edi oh. 
Ruhimda bir xazon ayyomi edi, 
Ajib go‘zallikka duch keldim nogoh. (A. Oripov)