O‘quv-uslubiy majmua Namangan davlat universiteti kengashining 2021-y. "27"

3. Мутақориби мусаммани маҳзуф ва бошқалар. 
Alisher Navoiyning «Mezon ul-avzon»da ko’rsatishicha, «fauvlun» ruknining 
zihoflari ham, furu’lari ham oltita. Ya’ni «fauvlun» tarkibida olti xil o’zgarish sodir 
bo’lib, ulardan olti xil far’iy rukn yuzaga keladi. Ular quyidagilar: 
1) fauvlu. «Fauvlun» (V– –) uchinchi «lun» cho’ziq bo’g’inidan «n» harfi 
tushib, «lu» qisqa bo’g’inga aylanishidan hosil bo’ladi: V–V. Rukndagi bu o’zgarish 
«qabz», «qabz» zihofi natijasida paydo bo’lgan far’iy rukn esa «maqbuz» deyiladi; 
2) fauvl. «Fauvlun» (V– –) oxiridagi «un» qismining tushishidan hosil 
bo’ladi, natijada ikkinchi cho’ziq bo’g’in o’ta cho’ziq bo’g’inga aylanadi: V~. 

---

 
72 
Rukndagi bu o’zgarish «qasr», «qasr» zihofi natijasida paydo bo’lgan far’iy rukn esa 
«maqsur» deyiladi; 
3) faul. «Fauvlun» (V– –) oxirgi «lun» bo’g’inining tushishidan hosil bo’ladi: 
V–. Qolgan «fauv» qismi u bilan vazn jihatidan bir xil bo’lgan «faul» bilan 
almashtiriladi. Rukndagi bu o’zgarish «hazf», «hazf» zihofi natijasida paydo bo’lgan 
far’iy rukn esa «mahzuf» deb nomlanadi; 
4) fa’lun. «Fauvlun» (V– –) birinchi «fa» bo’g’inining tushishidan hosil 
bo’ladi: – –. Qolgan «uvlun» qismi u bilan vazn jihatidan bir xil bo’lgan «fa’lun» 
bilan almashtiriladi. Rukndagi bu o’zgarish «salm», «salm» zihofi natijasida paydo 
bo’lgan far’iy rukn esa «aslam» deb nomlanadi; 
5) fa’lu. «Fauvlun» (V– –) birinchi «fa» bo’g’ini hamda oxirgi «lun» 
bo’g’inidagi «n» harfining tushishidan hosil bo’ladi: –V. Qolgan «uvlu» qismi u 
bilan vazn jihatidan bir xil bo’lgan «fa’lu» bilan almashtiriladi. Rukndagi bu 
o’zgarish «sarm», «sarm» zihofi natijasida paydo bo’lgan far’iy rukn esa «asram» 
deb nomlanadi; 
6) fa’. «Fauvlun» (V– –) dan birinchi va ikkinchi bo’g’inlar – «fauv»ning 
tushishidan hosil bo’ladi: –. Qolgan «lun» qismi u bilan vazn jihatidan bir xil bo’lgan 
«fa’» bilan almashtiriladi. Rukndagi bu o’zgarish «batr», «batr» zihofi natijasida 
paydo bo’lgan far’iy rukn esa «abtar» deb nomlanadi. 
«Fauvlun» rukni, uning zihofoti va undan hosil bo’ladigan far’iy ruknlarni 
quyidagi jadvaldan ko’rish mumkin: