Оталар сўзи ўҒри эпизод №1. ҚАмоқхона олди. Кун

ОТАЛАР СЎЗИ...
ЎҒРИ
ЭПИЗОД №1. ҚАМОҚХОНА ОЛДИ. КУН.
30 ёшлардаги йигит – Азамат елкасига рюкзагини илганича қамоқхона дарвозаси олдида турибди. Бир икки йўталиб қўяди. У шу тахлит қамоқ ичкарисига бир неча сония қараб тургач ўпкасини тўлдириб нафас олади ва катта кўча томонга қараб юради...
ЭПИЗОД №2. АЗАМАТНИ УЙИ. ТУН. ДАВОМИ.
Азамат ҳашамдор уй олдига юриб келиб эшик қўнғироғини чалади. Тез-тез йўталиб қўяди. Ичкаридан эркак кишининг “хозир” деган овози келади. Сал туриб эшик очилади ва 55 ёшлардаги эркак кўринади.
ЭРКАК: (Азаматга бошдан-оёқ разм солиб) Келинг ука...
АЗАМАТ: Саломалейкум...Узр...Гули опани уйларими шу?
Эркак гап нимадалигини тушуниб бир томоқ қириб гапиради.
ЭРКАК: Ҳа ўшаларни уйи...Фақат бир йилча аввал уйни биз сотиб олгандик...
АЗАМАТ: Нима?! (ўйланиб бир-икки қаттиқ йўталади) Лекин ойим менга бу ҳақида ҳеч нарса демагандилар...
Азаматни йўтали кучаяди. Йўталавериб охири букчайиб қолади. Эркак унга яқинлашади.
ЭРКАК: Ие, ҳой ука тинчликми? Нима бўлди сизга?
Азамат жавоб қайтаришга уринса ҳам йўтал қўймайди. Эркак энди гап жиддийлигини сезиб Азаматни қўлини елкасига олади.
ЭРКАК: Аҳволингиз яхшимасга ўхшайди ука. Қани, уйга кирайлик...
АЗАМАТ: (зўрға тутилиб) Йў...Йўқ...Яхшиси менга “тез ёрдам” чақирақолинг...
Эркак шу гаплардан кейин телефонини олиб “103” рақамига қўнғироқ қилади. Азамат эса энди тиззалаб ўтириб қолади. У тепага қараганда осмондаги юлдузлар ва атроф чирпирак бўлиб айланади. Азамат ҳушини йўқотиб ерга қулайди.
ЭРКАК: (телефонга) Ҳа, ҳа...Лолазор кўчаси 27 уй...
Эркак Азаматни турғазишга ҳаркат қилади. Шундан кейин бу эпизод тугайди.
ЭПИЗОД №3. КАСАЛХОНА ПАЛАТАСИ КУН.
Палаталардан бири. Азамат каравотда кўзларини юмганича ётибди. Уни қўл томирига осма укол (капелница) уланган. Хонага ҳамшира кириб келади. Капелницадаги суюқлик тугаган. Ҳамшира Азаматга гапириш жараёнида уни қўлидан уколни олади. Укол ўрнига пахта қўяди.