Оталар сўзи ўҒри эпизод №1. ҚАмоқхона олди. Кун

ЭПИЗОД №9. КОМПЮТЕРХОНА ОЛДИ. КУН.
Мактабдан қайтаётган Умид ва компютерхонага киришади. Пулини бериб компютер олдига ўтиришади. Азамат Умидни кўриб писанд қилмагандек гапиради.
АЗАМАТ: Ҳа, келдингми? Нимага шўппайиб турибсан? Пулинг йўқми?
УМИД: Бор-ку, сал камроқда...(Умид шундай деб чўнтагидан иккита мингталик чиқаради. Азамат пулни уни қўлидан юлиб олиб гапиради) АЗАМАТ: Намунча лаллаясан. Пулинг камроқ бўлса камроқ ўйнайсан. Тамом.
Умид индамай компютерни олдига бориб ўтиради.
ЭПИЗОД №10. АЗАМАТНИ УЙИ. ТУН.
Қудрат ака телефонда ким биландир гаплашяпти.
ҚУДРАТ АКА: Ҳа, бўлди, бўлди. Ҳаммасини жойлаб қўявер. Эртага ўзим борганда ҳисоб-китобини қиволаман. Бўпти, ишларингни қилавер.
Қудрат ака телефонда гаплашиб бўлиши билан ташқаридан Гули опа кириб келади. Қудрат ака унга гапиради.
ҚУДРАТ АКА: Кеч бўлганда ким чақириб келибди?
ГУЛИ ОПА: (афти буришиб) Ээ, манбу қўшни Ойсара. Яқинда қиз узатганди-ку...Эртага чаллариси экан. Шунга айтиб чиқибди.
ҚУДРАТ АКА: Нимага жахлинг чиқяпти? Бирор нарса дедими?
ГУЛИ ОПА: Бу ялангоёқни гапларига асабим ўйнайдида дадаси! Нимамиш, эртароқ чиқиб ўзингиз бош бўлиб туринг дейди. Сен ким-у, мен ким! Каталакдек хонадонингга одам тугул итимиз киришга уялади. Тағин тўйга айтганига ўлайми буни. Таниш билишларим кўприб қолса нима дейди.
ҚУДРАТ АКА: (писанд қилмай мийиғида кулади) Қудаларини олдида мақтанмоқчи бўлгандирда шундай одамлар ҳам бизни уйга киради, танишчилигимиз бор деб.
Улар гаплашиб туришаркан, кўчадан Азамат кириб келади. Азаматни кўзлари хиёл қизарган. У ҳадиксираб тезроқ ўз хонаси томонга юрмоқчи бўлиб, дадасига шошилиб салом беради.
АЗАМАТ: Саломалейкум...
ҚУДРАТ АКА: Воалайкум! Мазангиз йўғроқми ота ўғил? Нимага кўзинг қизарган?
АЗАМАТ: Қоронғида кўп ўтиргандан бўлса керак ада...Битта ухлаб турсам ҳаммаси яхши бўлиб кетади...
ГУЛИ ОПА: Кириб дамингни ол ўғлим.
Азамат зинадан тепага чиқиб кетади.