Oxirgi indd

Миллий мафкуранинг бош ғояси – Озод ва обод Ватан, эркин ва фаровон ҳаёт барпо этиш.
Миллий тикланишдан – миллий юксалиш сари
- Миллий юксалиш ғоясининг асосий тушунчалари сирасига киритилган “Ягона Ватан туйғуси”, “Адолат
- қонун устуворлигида”, “Халқ розилиги”, “Жаҳолатга қарши маърифат”, “Инновацион тараққиёт” тушунча- лари миллий тикланишдан – миллий юксалиш сари деган улуғ мақсад давлат ва жамият ҳаётининг барча соҳаларини комплекс ривожлантиришни, мамлакат аҳлига бунёдкорлик ва яратувчанлик руҳини бахш этишни назарда тутади.
Мафкуравий эътиқод – жамиятдаги кишилар, турли ижтимоий гуруҳ, бирлик ва тоифалар фаоли- ятини тартибга солувчи ғояларга қаттиқ ишончдан иборат руҳий-маънавий куч; ғоя(лар)нинг ижтимо- ий-маънавий ҳаёт тамойилларига айланган ҳолати. У жамиятдаги ижтимоий-маънавий муҳит, ғоявий таълим-тарбия ва тарғибот-ташвиқот таъсирида шаклланади. Кишиларнинг ҳаёти ва фаолиятида ўзига хос руҳий-маънавий ҳаёт тамойили сифатида амал қилади.
Мафкуравий эътиқоднинг шаклланишида ғояларга, ундаги мақсад ва орзу-идеалларга ишонч алоҳида ўрин тутади. Яъни, умуман, ғояларнинг ҳаққонийлигига ва
уларнинг руёбга чиқишига бўлган ишонч ҳар қандай мафкуранинг ҳамда у билан боғлиқ барча хусусият- ларнинг шаклланишида асосий роль ўйнайди. Шунинг учун жамиятдаги умумий мақсад, орзу-идеалларга ва уларни руёбга чиқариш йўлларига халқ ишончини шакллантириш – миллий мафкурани ривожлантириш ва ундаги ғояларни амалга оширишнинг муҳим шар- тидир. Шу нуқтаи назардан, мафкуравий эътиқодни ижтимоий ҳаётдаги объектив ва субъектив омил- лар таъсирида шаклланадиган, кишиларнинг онги ва қалбида маълум ғоялар ҳақидаги билим-тасаввурларга асосланган ҳамда ана шу ғояларни руёбга чиқаришга бўлган мустаҳкам ишончдан иборат руҳий-маънавий ҳодиса сифатида таърифлаш мумкин. Бинобарин, ки- шилардаги ғоявий билим-тасаввурлар билан руҳий- эмоционал хислатларнинг уйғунлиги мафкуравий эътиқоднинг мазмунида муҳим ўрин тутади.
Мафкуравий эътиқодда ғоявий билим эмоционал- руҳий хусусиятлар билан бирлашиб, ижтимоий-маъ- навий эҳтиёж ва манфаат талабларига мос келадиган ишончга айланади. Ишонч, шу эҳтиёж-манфаат ва амалий тажрибадан келиб чиқувчи мақсад, орзу-инти- лишларга нечоғли мос келишига қараб эътиқодга айла- нади, ёки аксинча. Айни мана шу ҳол мафкура ва маф- куравий эътиқоднинг шаклланиб, ривожланиши ҳамда ижтимоий ҳаётга ўзига хос таъсир кўрсатишида муҳим ўрин тутади.