O'zbekiston Milliy Ensiklopediyasi indd

РЕКОМБИНАЦИЯ — бетартиб 
ҳаракат натижасида ҳар хил ишорали 
ионларнинг ўзаро учрашиб нейтрал мо-
лекулалар (атомлар) ни ҳосил қилиш жа-
раёни. Р. ҳодисасини туз, ишқор ва кис-
лоталарнинг сувдаги эритмалари, ион-
лаштирилган газлар, яримўтказгичлар 

---

www.ziyouz.com кутубхонаси
148
ва б.да кузатиш мумкин. Эритмаларда 
бир вақтнинг ўзида эритилган модда 
молекулаларининг ионларга ажралиши 
(диссоциацияси) ва ионларнинг бирла-
шиб молекулага айланиши содир бўлиб 
туради. Вақт бирлигида диссоцияланган 
молекулалар сони шу вақт давомида ре-
комбинациялашищ натижасида ҳосил 
бўлган молекулаларнинг сонига тенг бу-
либ қолса, мувозанат ҳолат юзага келади. 
Икки хил ишорали ионларнинг ўзаро уч-
рашиш эҳтимоли мусбат ва манфий ион-
лар концентрациясига мутаносиб булади. 
Агар эритмада эриган модда молекулала-
рининг сони жуда кам миқдорда бўлса, 
вужудга келган ионларнинг бир-бирлари 
б-н учрашиш эҳтимоли камайиб кетади, 
натижада Р. содир бўлмайди.
Яримўтказгичларда ҳар бир вақтнинг 
ўзида икки жараён юз беради: эркин элек-
трон ва ковакларнинг жуфт ҳолда ҳосил 
бўлиши ҳамда электрон ва ковакларнинг 
жуфт ҳолда йўқолишига олиб келувчи Р. 
эҳтимоллиги эркин электронлар ва кова-
клар сонига мутаносиб. Р. жараёнида бир-
лашувчи ионларнинг ортиқча энергияла-
ри электромагнит нурланиш кўринишида 
ажралиб чиқиши мумкин. 
РЕКОНКИСТА 
(испанча 
Reconquista, reconquistar — жанг б-н 
қайтариб олмоқ) — араблар (аниқроғи 
маврлар) босиб олган ҳудудларни Пире-
неи я.о. туб аҳолиси томонидан 8—15-а.
ларда жанг б-н кайтариб олиниши. Р. 718 
й.даги Ковадонга жанги б-н бошлан-
ган. 1212 й. ЛасНавасдеТолоса жанги 
ҳал килувчи аҳамиятга эга бўлган. 13-а. 
ўрталарига келиб, араблар қўлида фақат 
Гранада (Ғарнота) амирлиги (1492 й. 
қулаган) қолган, холос. Р. урушдан ха-
роб бўлган ерларга аҳолини кўчириш ва 
иқтисодий жиҳатдан ўзлаштириш б-н 
бирга қўшиб олиб борилган. Р. Пиренеи 
я.о.даги давлатларнинг иқтисодий ва сиё-
сий тараққиётига катта таъсир кўрсатган.