O'zbekiston Milliy Ensiklopediyasi indd

РЕГЕНЕРАЦИЯ — 1) техникада иш 
бажариб бўлган (эски) маҳсулотга даст-
лабки сифатларини қайтариш. Мас, иф-
лос машина мойини тозалаш, эски рези-
нани суюлтириб, пластик масса (регене-
рат)га айлантириш ва б; 2) иссиқлик тех-
никасида — газсимон ёниш маҳсулотлари 
иссикдигидан ёнилғини, ҳавони ёки 
уларнинг аралашмасини иситишда фой-
даланиш (иссиқлик қурилмаларида); 3) 
ядро техникасида — реакторда ишлатил-
ган ядро ёнилғисини радиокимёвий ва 
кимёвийметаллургик қайта ишлаш жара-
ёнлари мажмуи. Бунда ядро ёнилғисидан 
ёниб улгурмаган бирламчи ва йиғилган 
иккиламчи ёқилғи ажратиб олинади. Р. 
радиоактив парчалардан тозалаш ва улар-
ни кўмиш б-н биргаликда олиб борилади.

---

www.ziyouz.com кутубхонаси
125
РЕГИОН (лот. регио — ўлка) — 
йирик ҳудудий бирлик (Мас, табиий, 
иқтисодий, сиёсий Р.); одатда, рнга нис-
батан каттароқ бўлади. 
РЕГИОНАЛ 
ГЕОГРАФИЯ — 
географиянинг алоҳида ва муайян 
ҳудудларни ўрганадиган соҳаси. Бирор-
та материк, мамлакат, маъмурий бирли-
клар ёки табиий географик ўлка, таби-
ат зонаси, рн унинг тадқиқот объекти 
бўлиши мумкин. Р.г.га оид асарларда 
ўрганилаётган ҳудуднинг табиий шаро-
ити, хўжалиги ва аҳолисининг маҳаллий 
(шу жойга хос) хусусиятларини ажратиб 
кўрсатишга алоҳида эътибор берилади.
РЕГИОНАЛ МЕТАМОРФИЗМ — 
тоғ жинсларининг йўналган (бир томон-
га) ва гидростатик (ҳар томонга) босим 
ва трада бўлган чуқур трансмагматик 
эритма (флюид)лар таъсирида содир 
бўладиган ўзгаришлари мажмуи. P.m. 
катта регионлар доирасида тоғ жинслари 
структураси ва минерал таркибининг бур-
мали тоғлар ҳосил бўлиши ва орогенез 
б-н боғлиқ ҳолдаги чуқур ўзгаришларда 
намоён бўлади. Тоғ жинсларининг сла-
нецли ва гнейсли текстураси бир томон-
лама босим б-н боғлиқ. Гидростатик 
босим чуқурлик б-н белгиланади; бо-
симнинг ортиши б-н минераллар орасида 
метаморфик реакциялар вужудга келади, 
натижада тоғ жинсларининг ҳажми ка-
маяди. Гидростатик босимига қараб ме-
таморфик жинсларнинг чуқурлик фаци-
ялари ҳарорати бўйича Р.м.нинг юқори, 
ўртача ва паст даражаси фарқланади. Р.м. 
маҳсулотлари (амфиболитлар, гнейслар, 
мигматитлар) қад. қалқонлар ва кристал-
ли массивларда ер юзасига чиқиб қолган. 
Катта чуқурликларда Р.м. одатда, бир хил 
таркибда бўлиб, юзароқда эса турлича 
даражада бўлади. Метаморфизм дара-
жаси антиклинорийлар, гранитгнейсли 
гумбазларда камроқ кузатилади (қ. Тоғ 
жинслари метаморфизмы).