O’zbekiston respublikasi oliy va o’rta maxsus ta’lim vazirligi abdulla qodiriy nomidagi jizzax davlat pedagogika universiteti

«TO‘PNI YuMALAT!»

Bu o‘yinda bolalarga to‘pni yumalatish va ilib olish o‘rgatiladi, ularda harakatchanlik xususiyatlari tarbiya­lanadi.

Bolalar polda doira bo‘lib o‘tiradilar (oyoqlarini kerib, oldinga uzatadilar yoki chordana qurib o‘tirib oladilar). Tarbiyachi qo‘lida to‘p ko‘tarib doiraning o‘rtasida o‘tiradi. U to‘pni navbat bilan har bir bolaga qarab yumalatadi, bolalar ilib olgan to‘pni yana tarbiyachiga yumalatadilar va mana shu harakatlarni o‘zlashtirib olganlaridan so‘ng, doira markazida tarbiyachining o‘rniga bolalardan birontasi o‘tirishi mumkin.


«NIShONGA TUShIR!»

O‘yindan maqsad bolalarga koptokni yumalatishni va darvozaga tushirishni o‘rgatish, chaqqonlikni mashq qildi­rishdir.

Bolalar skameykada o‘tirishadi, ulardan nariroqda chiziq tortilgan bo‘ladi, chiziqdan ikki-uch qadam uzoqlikda darvoza turadi. Bola o‘rnidan turib chiziqqa yaqinlashib keladi, engashib yerda yotgan to‘plardan birini qo‘liga oladi va darvozaga tushirishni mo‘ljallab yumalatadi. Uch-to‘rtta to‘pni darvozaga tushirgach, to‘plarni terib keladi. Keyin topshiriqni navbatdagi bola bajaradi.
To‘pni bir qo‘l bilan ham, ikki qo‘l bilan ham yumala­tish mumkin. Bolalar uni darvozaga tushirishni o‘rganib olganlaridan keyin, ularga keglini urib yiqitish singari murakkabroq topshiriqlar berish mumkin.
2.2. Tutuvchi, LENTANI OL! O’yini

O‘ynovchilar doira yasab turadilar. Har biri orqasiga, belbog‘iga yoki yoqasiga rangli matodan qilingan lentani qistirib oladi. Tarbiyachining «Yuguring!» degan ishorasi bilan yugurib ketadilar. Tutuvchi ularni quvlab, lenta­larini olishga harakat qiladi. Lentadan mahrum bo‘lgan bola chetda turadi.

Tarbiyachining «Bir, ikki, uch, hammangiz doira bo‘lib yig‘iling!» degan ishorasi bilan bolalar doira bo‘lib turadilar. Tutuvchi tutgan lentalarini sanaydi va uni bolalarga qaytarib beradi. o‘yin boshqatdan boshlanadi.


«OYoG‘INGNI HO‘L QILMA!»

Maydonchaning bir tarafida bolalar o‘tiradilar. Ulardan 3—4 qadam masofada chiziq chiziladi. Uning oldiga 4—5 o‘ynovchi turadi. Maydonchaning boshqa tarafida har bir o‘ynovchi to‘g‘risiga bayroqcha bilan stullar qo‘yiladi. Chiziqdan 4—5 metr masofada 3—4 metr kenglikda botqoqlik (ariqcha) chiziladi. o‘ynovchilar ikkitadan kichkina taxtacha (30x20 sm) oladilar. Bolalarga oyoqlarini ho‘l qilmasdan taxtachalar ustidan (polni bosmasdan) yurib, bayroqchalarga yetib borish topshiriladi. Tarbiyachining ishorasi bilan o‘ynovchilar botqoqlikka yetib borib, taxtachaning bittasini qo‘yib, uni ustida turadilar, orqada yotgan avvalgi taxtachani olib, yana oldilariga qo‘yadilar, botqoqlikdan o‘tib olgun­laricha shunday davom etadi. So‘ngra o‘zlarining bayroqchalari oldiga borib, uni ko‘taradilar. Kim birinchi bo‘lib bayroq­chani ko‘tarsa, shu g‘olib hisoblanadi. So‘ngra bola bayroqchani joyiga qo‘yib, o‘z joyiga qaytadi va taxtachalar­ni boshqa bolaga beradi. O‘yin qaytadan davom etadi, o‘yinda hamma qatnashishi shart.