O‘zbekiston respublikasi oliy va o‘rta maxsus ta’lim vazirligi samarqand iqtisodiyot va servis instituti g. R. Tursunova

Kunduz paytida navbatchi taomnoma bo‘yicha xizmat ko‘rsatish uchun 
stolga quyidagi anjomlar qo‘yiladi: 

asosiy tarelka va uni ustida gazak tarelkasi; 

uning chap tomonida somsa tarelkasi; 

ular orasida oshxona sanchqisi; 

tarelkaning o‘ng tomonida oshxona qoshig‘i va pichog‘i (oshxona yoki 
dessert);

fujer esa pichoq yuqorisiga qo‘yiladi.
Ularning hammasi yuqorida aytib o‘tilgan qoidalarga muvofiq stolga qo‘yiladi. 
Stolda shu bilan birga asosiy tarelka ustiga qo‘yiladigan materialli salfetkalar bo‘lishi 
kerak (qog‘oz salfetka qo‘yilmaydi).
 

---

246 
Har bir mijozga porsiyali taomnoma bo‘yicha xizmat ko‘rsatilganda stol 
servirovkasi: 

har bir o‘rin qarshisida stol chetidan 2sm uzoqlikda asosiy tarelka 
qo‘yiladi; 

chapda 5 - 10sm uzoqlikda somsa tarelkasi bo‘ladi. Ular oralig‘ida gazak 
va oshxona sanchqisi tishlari yuqoriga qaragan holda joylashtiriladi; 

asosiy tarelkaning o‘ng tomonida ikkita pichoq o‘tkir tomoni tarelkaga 
qaragan holda qo‘yiladi; 

asosiy tarelkaning yuqori va o‘ng tomonida fujer joylashtiriladi;

tarelkaga taxlangan salfetka qo‘yiladi. Restoranning savdo belgisi va 
nishoni tarelkalarda mehmonga qaragan holda bo‘lishi lozim;

stol markazida tuz va qalampir idishlari shuningdek, gul solingan guldon 
bo‘lishi kerak. 
Taomlarni tortish vaqtida buyurtma turiga qarab servirovkaga yana 
qo‘shimchalar qo‘shilishi mumkin. Agarda ofitsiant muzlatgichdan foydalanadigan 
bo‘lsa, u holda u avvaldan suv, pivo va sharbatlarni ta’minot bo‘limidan olib ularni 
muzlatgichga qo‘yib qo‘yishi lozim. 
«A la carte» taomnomasi bo‘yicha xizmat ko‘rsatish. «A la carte» 
taomnomasi bo‘yicha bezatishda mehmon o‘zi nima yemoqchi bo‘lsa taomnomadan 
o‘shani tanlaydi va unga alohida xizmat ko‘rsatiladi. Ofitsiant buyurtmani qabul qilib 
stol bezatilishini tekshirib chiqadi. Agar zarur bo‘lsa buyurilgan taom bo‘yicha 
yetishmagan anjomlarni qo‘yib chiqadi (baliq anjomlari, dengiz mahsulotlari uchun 
qisqichlar va kerakli anjomlar) yoki ortiqchasini olib ketadi. Shu bilan birga ba’zi bir 
bezash qoidalarini inobatga olish kerak bo‘ladi. «A la carte» taomnomasi bo‘yicha 
bezashda stolga keragidan ko‘p anjomlar qo‘yilmasligi lozim. Har bir kishiga 10 
tadan ko‘p bo‘lmagan anjomlar qo‘yilishi mumkin. Masalan, tarelkasining o‘ng 
tomonida 4 ta anjom, chap tomonida esa 3 ta, shu bilan birga somsa tarelkasi va 
pichog‘i qo‘yiladi. Qolgan qoidalar yuqorida aytilganidek bajariladi.

---

247