Statistika – lotincha “Status” - ahvol, holat so‘zi bilan italyancha “State” -davlat
so‘zidan kelib chiqib, davlat ahvoli haqidagi fan.
Statistika – bu fan tarmog‘i, amaliy faoliyat sohasi, bilim yo‘nalishi, bilish
quroli.
Tasviriy statistika – ma’lumotlar to‘plash, tasniflash, umumlashtirish va talqin
etish yo‘llaridir.
Statistika o‘rganish ob’ekti – ommaviy hodisa va jarayonlardir.
Ommaviy hodisa – biror ob’ektlar to‘plamida yoki murakkab ob’ekt
elementlari majmuasida yuzaga chiqqan voqea.
Ommaviy jarayon – ob’ektlar to‘plamida yoki murakkab ob’ektda sodir
bo‘lgan voqealar oqimi, ularning rivojlanishi.
Ommaviy hodisa – har qanday hodisalar yig‘indisi bo‘lmasdan, ularning
shunday to‘plamiki, unda statistik qonuniyatlar namoyon bo‘ladi, ammo yakka
hodisada ular yuzaga chiqmaydi.
Statistika uslubiyati – ommaviy hodisa va jarayonlarni o‘rganishda, unda
namoyon bo‘ladigan qonuniyatlarni oydinlashtirishda ishlatiladigan o‘ziga xos uslub,
ya’ni statistika fani va amaliyotida qo‘llaniladigan yo‘llar, usullar, vositalar
majmuasi.
Stoxastik yoki statistik qonunlar – bir turli hodisalarni ommaviy
takrorlanishida namoyon bo‘ladigan qonunlar.
Iqtisodiy statistika predmeti – iqtisodiy qonunlarning miqdoriy ifodalanishi,
ommaviy iqtisodiy jarayonlarning miqdor - sifat aniqligini o‘rganish.
Statistik kuzatish – o‘rganilayotgan ommaviy hodisalar haqida boshlang‘ich
ma’lumotlarni to‘plash jarayonidir.
Milliy standart – muayyan mamlakat miqyosida, xalqaro standart esa-butun
jahon eki mamlakatlar birlashmasi miqyosida hodisalarni tasniflab, ko‘rsatkichlarni
tuzish va hisoblash, ma’lumotlarni qayd qilishda qo‘llanadigan umumiy talab, tartib
va umumiy kontsepsiyalar majmuasidir.
Kuzatish sub’ekti – o‘rganilayotgan hodisalar haqidagi ma’lumotlarni qayd
qiluvchi va to‘plovchi yuridik yoki jismoniy shaxs.
Do'stlaringiz bilan baham: |
