O‘zbekiston respublikasi oliy va o‘rta maxsus ta'lim vazirligi toshkent davlat iqtisodiyot universiteti sh. S. Sayfutdinov, F. N. Xalimova mehmonxona xo‘jaligi infratuzilmasi

1.3. Mehmonxona xo‘jaligi infratuzilmasi fanining tarkibi va vazifalari. 
Turizm infratuzilmasi fanining asosiy maqsadi va vazifalari shundan iboratki, 
talabalarda mazkur fan bo‘yicha turizmda transport vositalari, turizmda joylashtirish 
vositalari, turizmda ovqatlanish korxonalari, turizmda sayr-tomoshalar va ko‘ngil 
yozish infratuzilmasi, turizmda aloqa va axborot vositalari, turizmda ekskursiya 
xizmatlari ko‘rsatish, turizmda litsenziyalash, turizmda xizmatlarni sertifikatlash va 
standartlash, turizmda milliy hunarmandchilik sohalari, savdo xizmatlari ko‘rsatish, 
turizmni boshqarish (tartibga solish) kabi mavzular bo‘yicha bilim va tushunchalar 
hosil qilishdir. Turizm infratuzilmasi o‘z o‘rnida «Turizm asoslari», «Turizmda 
transport xizmatini tashkil etish», «Turizm iqtisodiyoti», «Turizmni rejalashtirish», 
«Turistlar ovqatlanishini tashkil qilish», «Turizm operatorlik xizmatini 
15 
tashkillashtirishning asoslari», «Turizmda servis standartlari», «Ekskursiya 
xizmatlarini tashkil qilish» kabi fanlar bilan bog‘langan.
 Tayanch iboralar: Infratuzilma, mehmonxona, xo‘jaligi, vazifa, 
infrastruktura,
Tuzilmasi, iqtisodiy, siyosiy, xarakter, iqtisodiy infratuzilma, transport, aloqa, 
kommunikatsiya, maishiy xizmat, ta‘lim va kommunal xo‘jalik, turar – joy. 
Nazorat savollari 
1. Infratuzilma nima? 
2. Infratuzilma qanday sohalarga bo‘linadi? 
3. Infratuzilma klassifikatsiyalanishi (turlanishi)ni ayting? 
4. Turizm infratuzilmasi nima? Uning tushunchasini ayting? 
5. Turizm infratuzilmasi fanining obyekti bo‘lib nimalar hisoblanadi? 
6. Turizm infratuzilmasi fani qanday fanlar bilan bog‘langan? 
7. Turizm infratuzilmasi fanining asosiy maqsad va vazifalari nimalardan 
iborat?