O„zbekiston respublikasi oliy va o„rta maxsus ta‟lim vazirligi toshkent davlat sharqshunoslik instituti

TARJIMA TARIXIGA OID TERMINLAR LUG„ATI 
(GLOSSARIY) 
 
Adekvat  tarjima  (lotincha:  tenglashtirilgan,  teng,  muvofiq, 
muqobil) – asl nusxaga har jihatdan muvofiq, uni to„liq aks ettiruvchi, 
unga  shakl  va  mazmun  jihatidan  mos  keluvchi,  muallif  uslubi 
saqlangan  tarjima. 
Akademik  tarjima  –  “asliyatni  ilmiy  tadqiq  qilish  maqsadida 
amalga oshirilgan tarjima. Bunda asliyatning mazmunigina saqlangani 
holda,  shakli  e‟tibordan  chetda  qoladi.  She‟riy  asarga  xos  qofiya, 
turoq kabi hodisalar alohida e‟tibor bilan tiklanmaydi” (Q.Musaev). 
Asliyat – tarjima uchun asos bo„lgan asar, original. Lekin bu ta‟rif 
bevosita  tarjimaga  taalluqli  bo„lib,  bilvosita  tarjima  uchun  uning 
boshqa  tildagi  tarjimasi,  ba‟zida  hatto  tarjimasining  tarjimasi  ham 
asliyat vazifasini bajaradi.  
Badiiy  matn  −  nasriy,  she‟riy,  dramatik  va  publitsistik  asarlar 
matni.  U  boshqa  matnlardan  tilining  ifodaviyligi  va  ta‟sirchanligi 
bilan ajralib turadi. Badiiy matn − san‟at namunasi.