O„zbekiston respublikasi oliy va o„rta maxsus ta‟lim vazirligi toshkent davlat sharqshunoslik instituti

L.N.Tolstoy asarlarining dastlabki o„zbekcha tarjimalari. Rus 
klassik adabiyoti namoyandasi, jahon adabiyotining buyuk dahosi Lev 
Nikolaevich  Tolstoy  asarlarining  XX  asrning  20-yillariga  qadar  o„z-
bek tiliga qilingan tarjimalari g„oyat katta ahamiyatga ega bo„lib, tar-
jima tarixida alohida bobni tashkil qiladi. 
Biz yuqorida adib L.Tolstoyning «Odamlar nima birlan tirik» de-
gan  asari  «Turkiston  viloyati  gazeti»da  1887-yilda  bosilib  chiqqani 
haqida yozgan edik. Keyinchalik bu asar alohida kitob qilib nashr etil-
di.  1902-yilda  o„sha  gazetada  «Xudo  haqni  ko„radiyu,  tezda  aytaver-
maydi»  hikoyasi  tarjima  qilib  bosildi.  8-9-sonlarga  qarang.  Bu  tarji-
malarning  sarlavhasiga  «Graf  Lev  Tolstoy  nomlik  Rusiyaning  mash-
hur musannifining tasnif qilgan hikoyati» deb yozilgan. 
Bu ikki hikoyaning tarjimasidan to„rt tomlik  «O„zbek adabiyoti» 
xrestomatiyasida parchalar bosilgan (IV tom, 2-kitob, 421-430-betlar). 

---

 
135 
L.N.Tolstoyning o„zbek tiliga tarjima qilingan hikoyalari orasida 
asl nusxaga mazmunan to„la muvofiqlari ham bor. Masalan, “Podsho 
va kuynak” “Sariq ko„ylak”, “O„zi tutilgan O„gri” “Как вор сам себя 
видел”, “Podsho bilan qarchig„ay” “Sariq soqol”), “Qarg„a bilan uya-
si” “Ворон и воронята”, “Bog‟bon” “Садовник и сыновя”), “Otasi 
bilan  bolalari”  “Отец  и  сыновя”  va  b.  Eng  yaxshi  tarjima  qililgan 
hikoyalardan “Bir o„g‟il bolaning g„oz taqsim qilg„oni” (“Как мужик 
гусей делил”) asari bo„lib, bu ham badiiy jihatdan, ham uslub jihat-
dan o„sha zamon  tarjimalari ichida ajralib turadi. 
“Ko„r  kishi”  hikoyasining  L.Tolstoy  asari  ekanligiga  ishonch 
hosil  bo„ldi.  Bu  hikoyani  Tolstoyning  “Слепой  шел  домой”  asari 
bilan  chog„ishtirish  ham  bu  fikrni  to„la  tasdiqladi.  Bizningcha,  uni 
V.Nalivkin  tarjima  qilgan  bo„lishi  mumkin.  V.Nalivkin  o„zbek  va 
tojik tillarini yaxshi bilgan kuchli filolog va talantli olim edi. U 1896-
yilda  O„rta  Osiyoda  dastlab  o„zbek  tilida  “Terma  kitob”  tartib  berdi. 
Keyinchalik  terma  kitob  xrestomatiya  tuzish  odat  bo„lib  qoldi  va 
“xrestomatiya” so„zi ham o„sha vaqtdan beri o„zbek adabiy tilida ish-
latiladigan bo„ldi. Shunday qilib, L.Tolstoyning masal, hikoyalari ter-
ma kitob xrestomatiyalarga kirib, o„zbek tiliga tarjima qilina boshlan-
di.  Ulardan  o„n  sakkiztasi  Ali  Asqar  ibn  Bayram  Ali  Kalinenning 
“Muallimussoniy”ida  tarjima  qilib  berilgan.  Bular:  “Chol  bilan  ajal” 
(18-bet), “Taka bilan tulki” (16-bet), “Bir bolaning bodring o„g„irlaga-
ni” (20-bet), “Qarg„a bilan qurbaqa” (21-bet), “Quyon bilan qurbaqa-
lar”  (19-bet),  “Ikki  do„st”  (23-bet),  “Bola  bilan  suv  podshosi”  (25-
bet),  “Tulki  bilan  tustovuq”  (25-26-betlar),  “Podsho  bilan  bola”  (26-
bet),  “Zag„cha  bilan  kabutarlar”  (28-bet),  “It”  (13-bet),  “Ipak  qurti” 
(61-bet). Bu asarlarning tarjimoni ham ko„rsatilmagan. 
L.N.Tolstoyning “Odamlar nima birlan tirik” va “Xudo haqni ko„-
radi-yu, tezda aytavermaydi” asarlarining tarjimasi haqida ba‟zi olim-
lar  juda  salbiy  baho  beradilar.  Masalan,  “Tarjima  san‟ati”  to„plami-
dagi “XIX asrning ikkinchi yarmi va XX asrning boshlarida rus adabi-
yotidan  qilingan  tarjimalar”  nomli  sermazmun  maqolada  L.Tolstoy 
hikoyalari  tarjimasining  sifati  haqida  aytilgan  quyidagi  gaplarga 
qo„shilib  bo„lmaydi:  “Tarjimaning  sifati  to„g„risida  gapirar  ekanmiz, 
birinchi  navbatda  uning  juda  primitivligi,  so„zma-so„z  bajarilganligi, 
o„zbek tili grammatikasiga yot bo„lgan jumla tuzilishlarining ko„pligi 
bilan ajralib turadi”: Darhaqiqat, “Odamlar nima birlan tirik” hikoya-
sining  tarjimasida  ancha  jiddiy  nuqsonlar  bor.  Lekin  bu  bilan  uni 

---

 
136 
hozirgi  badiiycha  tarjimalar  sifatiga  bo„lgan  talabdan  chiqib  “juda 
primitiv”  deb  aytish  qanday  bo„lar  ekan?  U  vaqtda  tarjimonlar  kam-
dan-kam  bo„lib,  bu  asarning  tarjima  qilinishi  o„z  davri  uchun  juda 
katta voqea edi.  
“Odamlar nima birlan tirik” asarining to„g„ri va aniq tarjima qilin-
gani haqida ikkita misol keltiramiz: 
 
1.  Жил  сапожник  с  женой  и 
детьями  у  мужика  на  квартире. 
ни дома своего, ни земли  у него 
не  было,  и  кормился  он  семьею 
сапожной  работой.  Хлеб  был 
дорогой, а работа дешевая, и что 
заработает,  то  и  проест.  Было  у 
сапожника  однa  шуба  с  женой, 
да и та износилась в лохмотья. 
1.  ...Bir  etikchi  xotuni  va  bolalari 
birlan 
bir 
dehqonning 
uyida 
ijorag„a  turar  erdi.  Ul  etikchining 
na  uyi  va  na  yeri  yo„q  erdi,  va 
etikichilik 
birlan 
o„z 
bola-
chaqasig„a ovqat topib berur erdi. 
2.  Что  же,  али  не  варила?  Взяло 
зло Матрену. – Варила да не про 
тебя.  Ты  и  ум,  я  вижу,  пропил. 
Пощел  за  шубой,  я  без  кафтана 
пришел,  да  еще  какого-то 
бродягу  голого  с  собой  привел, 
нет  у  меня  про  вас,  пьяниц, 
ужина.  
-  Будет,  Матрена,  что  без  толку-
то языком стрекотать! Ты спроси 
прежде, какой человек… 
 
2.  Semen  so„radi:  -  Taom 
pishirganing  yo„qmi?  –  deb.  
Matrenaning achchig„i kelib, aytdi: 
– 
Pishirsam 
ham 
senga 
bermayman. 
Ko„ramankim, 
aqlingni  ham  yo„qotib  qo„yibsan. 
Po„stin  uchun  borib  kamzulsiz 
kelding,  yana  bir  yalang„och 
tentiraganni  o„zing  birlan  birga 
olib  kelding,  sizlardek  mastlarga 
menda  kechqurungi  taom  yo„q,  – 
dedi. 
–  Ey  Matryona,  bas  Matrena, 
bema‟ni 
biljirag„andan 
nima 
chiqadi,  avval  san  so„ragin,  bu 
qanday odam deb. 
 
Matnlar  bir-biriga  chog„ishtirib  ko„rilsa,  muallifning  tasviri,  per-
sonajlarning dialoglari o„z davriga nisbatan olib qaraganda yaxshi tar-
jima  qilinganligi  ma‟lum  bo„ladi.  To„g„ri,  tarjimada  ba‟zi  so„zlar  o„z 
o„rnida ishlatilmagan, jumla tuzilishlarida g„alizlik bor. Lekin bu kam-

---

 
137 
chilik  hikoya  tarjimasining  “juda  primitiv”  ekanligini  ko„rsatmaydi 
albatta. Hikoya chiqishi bilanoq, 1887-yilda alohida kitob holida nashr 
qilindi.  1901-yilga  borib  bu  tarjima  ikkinchi  marta  ba‟zi  bir  stilistik 
o„zgarishlar bilan qayta nashr bo„ldi.  
Mana bu tarjimada ortiqcha so„zlar haddan tashqari ko„p: hikoya-
ning asl nusxasida atigi o„ttiz to„rt so„z bo„lsa, tarjima yetmish to„qqiz 
so„zdan  iborat  –  so„zlar  soni  ikki  marta  ortib  ketgan!  Buning  ustiga, 
“ma‟lum  bo„ldiki,  qo„lga  tushmagan  narsaga  ilgari  quvonma”  degan 
xulosa  berilganki,  bu  ham  noo„rin.  Xulosa  shuki,  L.Tolstoyning 
masal,  ertak  va  hikoyalarning  tarjimalari  sifati  har  xil:  ba‟zilari  juda 
yaxshi tarjima qilingan, ayrimlarida esa kishini afsuslantiradigan nuq-
sonlar bor. Ilgari Tolstoy asarlari boshqa rus yozuvchilariga qaraganda 
o„zbek  tiliga  ko„p  tarjima  qilindi.  A.S.Pushkin  tarjimalari  she‟rda, 
I.Krilov  tarjimalari  masalda  birinchi  manba  bo„lib  xizmat  qilsa, 
L.Tolstoy  asarlarining  tarjimalari  prozada  ilk  manba  bo„ldi.  Bu  ulug„ 
yozuvchilar asarlarining tarjimalari o„zbek tiliga tarjima qilish tarixida 
asosiy o„rinni tashkil qiladi. Ularning ahamiyati katta. XX asrning 20-
yillaridan boshlab ulug„ adibning asarlari o„zbek tiliga nihoyat daraja-
da ko„p tarjima qilindi. Bu tarjimalarning sifati ham yozuvchi asarlari-
ning dastlabki  tarjimalari  sifatidan qiyos qilib bo„lmaydigan darajada 
ustun turadi.