Oʻzbekiston respublikasining soliq kodeksi (Yangi tahriri) Oʻzbekiston Respublikasining

344-modda. Foiz tarzidagi daromadlarga 
soliq solishning oʻziga xos xususiyatlari 
(1-q.)
Agar ushbu moddaning ikkinchi qismida boshqacha qoida belgilanmagan boʻlsa, 
Oʻzbekiston Respublikasi soliq rezidentiga toʻlanadigan foizlar ushbu daromadlarni oluvchining 
soliq bazasida hisobga olinadi va unga ushbu boʻlimda nazarda tutilgan tartibda soliq solinadi. 
(2-q.)
Oʻzbekiston Respublikasi rezidenti boʻlgan yuridik shaxs tomonidan notijorat va 
budjet tashkilotlariga mablagʻlarni depozitga joylashtirishidan toʻlanadigan foizlarga toʻlov 
manbaida ushbu Kodeks 337-moddasi birinchi qismining 12-bandida belgilangan miqdordagi 
soliq stavkasi boʻyicha soliq solinadi va bunday daromadlar oluvchilarning soliq bazasini 
aniqlashda chegirib tashlanadi. 
(OʻzR 09.11.2020-y. OʻRQ-646-son Qonuni tahriridagi qism) 
345-modda. Soliq agentlari tomonidan dividendlar 
va foizlardan soliqni hisoblab chiqarish, 
ushlab qolish hamda toʻlash tartibi 

---

(1-q.)
Dividendlar va foizlar tarzida daromadlar toʻlovchi yuridik shaxslar ushbu Kodeks 
343-moddasining birinchi va 344-moddasining ikkinchi qismlarida nazarda tutilgan hollarda soliq 
agentlari deb eʼtirof etiladi. 
(2-q.)
Soliq agenti Oʻzbekiston Respublikasi soliq rezidentlari deb eʼtirof etiladigan yuridik 
va (yoki) jismoniy shaxslarga dividendlar va foizlar tarzida toʻlanadigan daromadlarga nisbatan 
har bir soliq toʻlovchi boʻyicha alohida soliq summasini ushbu Kodeks 337-moddasining birinchi 
qismi 11-bandida yoki 381-moddasida nazarda tutilgan soliq stavkalari boʻyicha koʻrsatilgan 
daromadlarni ushbu moddada belgilangan tartibda har bir toʻlovga tatbiqan belgilaydi. 
(3-q.)
Dividendlar oluvchi soliq toʻlovchining daromadlaridan ushlab qolinadigan soliq 
summasini aniqlashda soliq bazasi har bir oluvchiga nisbatan soliq agenti tomonidan shu oluvchiga 
toʻgʻri keladigan soliq solinadigan dividendlar jami summasining ulushi sifatida aniqlanadi. 
Dividendlarning soliq solinishi lozim boʻlgan bunday jami summasi yuridik shaxs tomonidan 
barcha oluvchilarning foydasiga taqsimlanishi lozim boʻlgan, ushbu yuridik shaxs tomonidan joriy 
hisobot (soliq) davrida va oʻtgan hisobotda (soliq davrlarida) olingan dividendlarni dividendlarni 
oluvchilar foydasiga taqsimlash sanasidagi dividendlar umumiy summasiga kamaytirilgan 
dividendlarning umumiy summasi sifatida aniqlanadi. Bunda taqsimlanadigan dividendlarning 
umumiy summasini ushbu yuridik shaxs tomonidan olingan dividendlar summasiga kamaytirish, 
basharti ushbu olingan dividendlar summasi avval ushbu yuridik shaxsning dividendlar tarzida 
olingan daromadlariga nisbatan soliq bazasini aniqlashda hisobga olinmagan boʻlsa, amalga 
oshiriladi.
(4-q.)
Soliq agenti ushbu Kodeks 344-moddasining ikkinchi qismida koʻrsatilgan foiz 
tarzidagi daromadlarga nisbatan soliq summasini, ushbu moddaning ikkinchi qismida belgilangan 
tartibga aynan oʻxshash tartibda aniqlaydi.
(5-q.)
Dividendlar va foizlardan olinadigan soliq summasi boʻyicha soliq hisoboti oʻzining 
soliq hisobiga olingan joyidagi soliq organiga dividendlar va foizlar hisoblangan oydan keyingi 
oyning yigirmanchi kunidan kechiktirmay soliq agentlari tomonidan taqdim etiladi. 
(6-q.)
Soliq summasi dividendlarni va foizlarni toʻlash muddatidan kechiktirmay budjetga 
toʻlanadi. 
(7-q.) 
Soliq agenti dividendlar va foizlarni oluvchining talabiga koʻra, ushbu shaxsga soliq 
davri uchun daromad summasi va ushlab qolingan soliqning umumiy summasi toʻgʻrisida 
Oʻzbekiston Respublikasi Davlat soliq qoʻmitasi va Oʻzbekiston Respublikasi Moliya vazirligi 
tomonidan tasdiqlanadigan shakldagi maʼlumotnoma taqdim etishi shart.