O`zbekstan Respublikasi Xaliq bilimlendiriw ministrligi A`jiniyaz atindag`i No`kis ma`mleketlik pedagogikaliq instituti

elektromagnitlik  yadroliq mantiya ha`m tag`i basqa izertlewdin`  mag`liwmatlarina  qarag`anda  jer  

yadro  mantiya  ha`m  jer  qabig`ina  iye.  Jer  qabig`i  jer  koleminin  1,25  ti  al  massasinin`  0,55  tey 

iyeleydi.  Ol  o`zinen  to`mende  jaylasqan  mantiyadan  Moxorvichin  bo`lgishi  menen  ayirilip  biyik 

taulardin` astinda salistirg`anda bir tegis bolip 30-40 km teren`likte jaylasadi. Okeanlardin` astinda 

10    km teren`likte bolip  kontinentlerdikine  salistirg`anda bes  esedey  kem. Sonin` ushin jer qabig`i 

materik ha`m okean tiplerine bo`linedi. Okean astinda  jer  qabig`i  ko`binese eki qabatli bolip granit 

qabati  joq  yamasa  juqa  boladi.  Bazal`t  qabattin`  qalinlig`i  4  kmge  jaqin  bolip  suwdin`  teren`  

jerlerinde  sayiz  jerlerine  qarag`anda juqa bolatug`in belgili. 

     Materikler jer qabig`i u`sh qabatli ha`m qalin`iraq boladi. 

     Jer qabig`inin` granit ha`m  bazal`t  qabatlari  kislorod  kremniy 

alyuminiyden  quraladi.    Jer    qabati    uzaq  dawam  etken  fiziko-ximiyaliq  ha`m  gravitatsiyaliq 

(gravitatsiyaliq  latinsha  awirliq  degen)    differentsiyallaniw  protsessinde    mantiya  zatlarinin`  erip 

balqiwinan  payda  bolg`an.  Da`slep  granit  ha`m  bazal`t  qabatlar  kelip  shiqqan  olardin`  sirtqi  

ku`shler ta`sirinde buziliwinan sho`gindi qabat payda bolg`an. 

     MANTIYa. Mantiya  (grekshe  sirtqi  kiyim  degen)  jer   ko`leminin` 82.85tin massasinin` 58,05 

tin`  iyeleydi.  Bul  qabat  Moxorovich  bo`lgishinen  baslap  2900  km  terenlikke  shekem  tarkaladi. 

Mantiya joqarg`i to`mengi ha`m orta bolip u`shke bo`linedi.   Mantiya zatlarinin` sostvina kremniy 

magniy temir ha`m t.b. aytarliqtay rol` atqaradi. 

     Ilimpazlardin` aniqlawinsha  mantiyanin` temperaturasi onin` joqarg`i jag`inda 100-150 gradus S  

yadro  menen  shegarada  3800  gradus  S    zatlardin`    tig`izlig`i  teren`legen  sayin  u`zliksiz  artip  3,5 

smq/g  ge  jetedi.  Joqarg`i  mantiyanin`  a`sirese  100-150  km  lik  teren`liklerinde  joqari  temperatura  

menen  basim  astinda  zatlar  bosasqan  yaki  balkig`an  jag`dayda  boladi  bul  qabat  astenosfera  dep 

ataldi. Astenosfearadan joqarida jaylasqan qabat litosfera (tas sfera) dep ataladi. 

     YaDRO.  Jer  yadrosinin`  radiusi  3500  km    ge    jaqin    tig`izlig`i    12,3  smq/g  ge  jetedi. 

Temperaturasi  4000-5000  gradus  S  g`a  jetedi.  Basim  onin`  joqarg`i  bo`liminde  1,4  mln  atm.g`a 

 

12 

jaqin al orayliq  bo`liminde  3,6  mln atm. jetedi.  Yadro  ishki ha`m sirtqi bolip bo`linedi.  jerdin` 

ishindegi  u`stemlik  etken  joqari  temperaturanin`  na`tiyjesinde  sirtqi  yadro  balqig`an  jag`dayinda 

bolsa al ishki yadro qatti boliwi kerek. 

     Xa`zirgi  mag`liwmatlarg`a  qarag`anda  jer  yadrosinin`  85-905  ti    temirden  ibarat.    Joqarg`i 

yadroda temirge kislorod qosiladi al to`mengi yadroda nikel` qosiladi. 

     Jerdi  qurastiratug`in  zatlardin`  differentsiyalanip  yadronin`  bo`linip  shig`iwi  planetamiz 

rawajlaniwin ha`reketke keltiretug`in  jerdegi  protsess ha`m basli mexanizm bolip esaplanadi. 

     JERDIN`  IShKI  ISSILIG`I.  Xa`zirgi  waqittag`i  qabil  etilgen  gipotezalar  boyinsha    jer    suwiq 

zatlardan payda bolg`an.   Bunnan 4,6 mlrd jil burin jer o`zinin` xa`zirgi  massasina jaqinlasqannan 

keyin onin`  qiziwi baslanadi. 

     Jilliliqtin`  derekleri  gravitatsiyaliq  qosiliw  ha`m  radioaktiv    buziliw  boladi.    Solay  etip  jerdin` 

ishki  jillilig`i  payda  bolg`an.  Jerdin`  ishki  bo`limlerinde  jilliliqtin`  bar  ekenligin  jer  betine  atlig`ip  

shiqqan  vulkanlar  ko`rsetedi.    Vulkanlar  atliqqan  waqitta  lavalardin`  temperaturasi  1200-1400 

gradus S qa jetedi. Jer   betinin`  jilliliq  rejimi ku`n nurlarinin` qizdiriwina baylanisli bolip ol issiliq 

sutka  ha`m  sezonlar  boyinsha  belgili  bir  teren`likte  taraladi.    Ku`nnin`    jillilig`in  jil  dawaminda 

ortasha  ken`liklerde  20  m  teren`likke  shekem  tarqaladi.    Usi  qabattan  to`mende  temperaturanin` 

terbeliwi  baqlanbaytug`in    neytral`    zona    yaki  turaqli  temperaturaliq  zona  jaylasqan.        Neytral` 

zonada  temperatuar  jil  boyina  birdey  bolip  onin`  mug`dari  ha`r  bir  jerdin`  jil  boyliq  ortasha 

temperaturasinin`  mug`darina  ten` boladi. 

     Neytral`  zona  qabatinan  teren`legen  sayin  temperatura  arta  beredi.  Baqlawlarg`a  qarag`anda 

teren`legen sayin temperaturanin` artiwi ortasha ha`r 33 m ge 1 gradus S tan artadi.  Buni geotermik  

basqish    dep    ataydi.  Neytral  zonada  to`men  tu`skende  ha`r  bir  100  m  ge  temperaturanin`  artiwi 

mug`dari geotermik gradient delinedi.  Geotermik gradienttin  mug`dari 100 m  ge  30 gradus S g`a 

ten`.  Geotermik basqishtin` mug`dari barliq jerlerde birdey emes. Ol taw jinislarinin` sostavina jilli 

bulaklar menen vulkanizm ha`reketlerine  ko`p  jilliq tonnin` tarqaliwina ha`m t.b.  larg`a baylanisli 

boladi. 

     Geotermik basqish boyinsha esaplasaq 100 km teren`likte temperatura  3000 gradus S qa  jaqin  

bolar  edi.  Al  jerdin`  orayinda  temperatura 2000000 gradus S jeter  edi.  Jerdin`  orayinda onday 

joqari temperatura bar dep esaplawg`a tiykar joq. 

     Sebebi bunday  temperaturada jer birden  gazg`a aylanar  edi.  Sol sebepli  geotermik basqishtin` 

ortasha    mug`dari  tek  jerdin`  u`stin`gi  qabatlari  ushin  g`ana  duris  boliwi  mu`mkin.  Al  u`lken 

teren`liklerde geotermik basqishtin` mug`dari artip temperaturanin` artiwi kemeyedi degen  juwmaq 

shig`adi. jerdin` orayinda temperatura 4000 gradus S tan 5000 gradus S qa shekem boladi. 

     Boljawlarg`a qarag`anda temperatura 5000 gradus S artiq bolsa jer o`zinin` magnitlik qa`siyetin 

joq eter eken.  

                  JERDIN` IShKI ISSILIG`IN PAYDALANIW. 

 

     Jer  qabati  boyinsha  teren`legen  sayin    temperaturanin`    o`zgeriwnin`  joqarida  ko`rdik.  Sonday 

bolg`anliqtan qa`legen jerden u`lken  yaki azg`antay teren`likten jerdin` ishki issilig`inin` ta`sirinde 

qizg`an issi  suwdi tabiwg`a boladi. 

     Jer betine magma og`ada jaqin jaylasatug`in vulkan  oblastlarinda 

bunday issi suwlar azg`antay teren`likte jaylasadi ha`m joqari tempera 

turag`a  iye  boladi.  Jer  astinda  og`ada  ko`p  mug`darda  issiliq  ja`mlesip  onin`  bir  bo`limi  jer  betine 

shig`ip turadi. 

     Jer beti  ayirim  jerlerde  terminal` (issi) suwlardin` ta`sirinde qizadi. Kamchatka yarim atawinin` 

ko`plegen jerlerinde terminal`  suwlar jer betine shig`adi. 

     Kamchatkanin` issi bulaklari ha`m bir sutkada atmsoferag`a 30  mlrd 

kilokaloriya issiliq beredi. Sonday-aq Saxalin ha`m Kuril` atawlarida jer asti jillilig`ina bay. 

 

13 

     Arqa muz  okeaninin`  jag`alarinan  Kazakstang`a shekemgi Sibir`din` og`ada ken` maydaninda 

terminal`  suwlar  bar.  Xa`zirgi  waqitta    elimizdin`    ha`r    qiyli  rayonlarinda  50  ge  jaqin  issi  suwlar 

basseynleri  ashilg`an.  4-8  km  teren`likte  issiliq  suwdi  puwg`a  aylandiriw  ushin  jetkilikli  boladi.  

Buring`i  skvajinalarinin`  ja`rdemi  menen  u`lken  quwatqa  iye  elektr  stantsiyalarin  suw  ha`m    puw  

menen ta`miyn etetug`in  og`ada u`lken jer asti puw qazanlarin do`retiwge boladi. Xa`zirgi waqitta 

jer asti suwlari kalalardi jilliliq ha`m issi suw menen ta`miyn etiwge paydalaniladi. 

     Kamchatkanin`  Paujetka  bulaklarinin`  rayonin`da    birinshi    geotermik  elektr  stantsiya  qurilip 

islemekte.  Jer  asti  issilig`i  jilliliq  energiyasinin`  en`  arzan  tu`rinin`  biri    bolip    geotermik    elektr 

energiyasinin` o`zine tu`ser bahasi jilliliq stantsiyasinan 9-12 ese arzan boladi. 

     Jer  asti  jillilig`i  ko`plegen  ellerde  paydalaniladi.    Jer  asti  suwlarinin`  jilliliq  energiyasi  menen 

Italiya,  Jan`a Zelandiya,  AQSh, Yaponiya, Islandiya, Meksika, Rossiya, Kongoda geotermal` elektr 

stantsiyalari  isleydi.  Islandiyanin`  paytaxti  -  Reyk`yavik  ta`biyg`iy  issi  suw  menen  isitilip 

dun`yadag`i tu`tinsiz du`tsiz en` taza qalalardin` biri. 

 

                             JER MAGNITIZMI 

 

     Jer  planeta    araliq    magnit  maydaninan  aytarliqtay  ku`shli  magnit  ku`shlerinin`  maydanina  iye. 

Planeta  araliq  ken`isliktegiden  magnit  maydaninin`  mug`dari  artiq  jer  payda  etken  ken`islik 

geomagnit maydani yaki jerdin` magnitosferasi dep ataladi. 

     Geomagnit maydani kompas strelkasinin` ha`reketinde ayqin ko`rinedi. Sebebi kompas strelkasi 

mudami magnit ku`shlerinin` siziqlari  boylap jaylasiwg`a umtiladi. Kompas sterlkasi geografiyaliq 

polyuslardi ko`rsetpey  magnit  polyuslarin ko`rsetedi. Sonin` ushin kompas strelkasi geografiyaliq 

meridiannin` bag`itinan shig`isqa yaki batisqa qarap awisip mu`yesh payda etedi. 

     Buni  magnit    awisiwi  dep  ataydi.    Birdey  awisiwg`a  iye  tochkalardi  tutastiratug`in  siziqlar 

izogonalar  dep  ataladi  (grekshe    den    mu`yeshli  degen)  Izogona    sizig`lari    o`tkerilgen    kartalar 

izogona kartalar dep ataladi. 

     Nol`  izogona  (kompas  strelkasinin`  arqa  polyusti  ko`rsetetug`in  bag`iti)  agoniya  sizig`i 

(mu`yeshsiz  degen)  dep  ataladi.    Agoniya    siziqlari  Jerdi  shig`is  ha`m  batis  awisiw  oblastlarina 

bo`lip  turadi.  Batis  awisiw  oblastina  Atlantika  okeani  Batis  Evropa  Afrika  Arqa  ha`m    tu`slik  

Amerikanin`  bo`limleri  jatadi.    Shig`is  awisiw  oblastina  Tinish  okean  Shig`is  Evropa  Aziya  Arqa 

ha`m tu`slik Amerikanin` Batis  bo`limleri jatadi. 

     Erkin asilg`an magnit strelkasi  gorizontal`  ju`ze  menen  mu`yesh 

payda etip en`keyedi. Oni magnit enkeyiwi dep atawdi. En`keyiwdi 90 gradus S qa ten` tochkalari - 

magnit polyuslari bolip tabiladi. Magnit  polyuslari geografiyaliq polyuslarg`a tuwra kelmeydi ha`m 

mudami o`zgerip turadi. 

     Xa`zirgi  waqittag`i    geomagnit  polyuslarinin`  koordinatalari  to`mendegidey    786  a-e,  696  b-k 

ha`m  786  t-e,  1116  sh-k  te  jaylasqan.  Birdey  en`keyiwge    iye    tochkalardi  tutastiriwshi  siziqlar 

izoklin  siziqlari  dep  ataladi.    En`keyiwdi  0  gradusqa  ten`  tochkalarin  tutastiriwshi  siziq  magnit 

ekvatorin payda etedi. 

     Magnit maydaninin` ku`shi onin` kernewi menen xarakterlenedi.  Magnit maydaninin`  kernewin 

o`lshew  birligi  erstel  dep  ataladi  (1erstl  1  dinag`a  ten`  tartiw  yaki  iyteriw  ku`shine  ten`)  Jerdin`  

magnit    maydaninin`  kernewi  u`lken    emes    magnit    ekvatorinda  0,25-0,35  erstel  al  magnit 

polyuslarinda 0,6-0,7 erstelge ten`. 

     Jerde  turaqli  ha`m  o`zgermeli  magnit  maydanlari  bar.  Turaqli  magnit  maydani  planetamizdin` 

magnetizminen  kelip  shiqqan  al  ekinshisi ku`nnin` ta`sirinen kelip shiqqan. Jerdin` turaqli magnit 

maydani  haqqinda  mag`liwmatlardi  (magnit)  kartalari  beredi.    Jer  magnetizminin`  elementleri 

(magnit    awisiwi    en`keyiwi  magnit  maydaninin`  kernewi)  og`ada  a`ste  aqirin  bolsa  da  o`zgerip 

turatug`inliktan  magnit  kartalari  o`zinin`  za`ru`rli  aniqlig`in  tek  bir  neshshe  jil  dawaminda  g`ana 

saqlawi mu`mkin. 

 

14 

     Magnit kartalari 5 jilliq da`uirge du`zilip ol magnit epoxasi dep 

ataldi.  Magnit  kartalarinin`  ha`r  birinde  onin`  du`zilgen  waqti  jazilip  bes  jildan  artiq  waqit  o`tse 

onday    kartadan    paydalaniwg`a    bolmaydi.  Sebebi  o`tken    da`wir  ishinde  jer  magnetizminin` 

elementleri aytarliqtay o`zgerip ketedi. 

     Jer sharinin`  bazi bir jerleri de jer magnetizminin` elementlerinin` ortasha normal` jag`dayinan 

awisiwlari  baqlanadi.    Bunday    qubilis  magnit  anomaliyalari    (grekshe    normadan    awisiw)  dep 

ataladi,  egerde anomaliya kishkene maydanda baqlansa  onda  jergilikli  yaki  regional` anomaliya 

delinedi. misali Laplandiya Krivoy Rog Kursk magnit anomaliyasi ha`m t.b.lar boladi. 

     Jergilikli  anomaliyalardin  sebebi  jer  qabig`inin`  joqarg`i  qabatlarinda  jaylasqan  magnitlik 

qa`siyetke  iye  rudalar  menen  baylanisli  boladi.  Bul    jergilikli  magnit  anomaliyalarin  izertlewdin` 

temir ha`m nikel` rudalarin izlewde u`lken praktikaliq  a`hiyetinin`  bar  ekenligin ko`rsetdi. 

     Egerde  magnit  anomaliyalari  og`ada  u`lken  (onlag`an  min`  kv,  km)  maydandi  iyelese    olardi  

geoanomilyailar  yaki jer ju`zlik anomaliyalar dep ataydi. Bunin` misali  Shig`is Sibir` bolip og`ada 

u`lken territoriyada shig`is awisiwlardin` arasinda batis awisiwlarda u`shirasadi. 

     Ilimpazlardin`  izertlewleri  boyinsha  geoanomiyalar  tek  qurg`aqliqta  g`ana  emes  al  okeanda  da 

bar ekenligi aniqlandi. Arqa muz okeanindag`i suw asti Lomonosov taw qirinda anomaliya ashildi.  

Buni burin Arktikadag`i ekinshi  magnit  polyusi dep espalaytug`in edi.  Ol anomaliya bolip shiqti. 

1959-jili  magnitsiz  Zarya  kemesi  menen  ju`rgizilgen    ekspeditsiya  Atlantika    okeaninin`    arqa 

bo`limnde u`lken teren`liklerdin` u`stinde anomaliyalar oblasti ashti. 

     Jerdin` turaqli magnit maydani ha`m onin` barliq elementleri u`zliksiz o`zgerip turadi.  Waqittin` 

o`tiwi  menen  jerdin`    magnit    maydaninin`  ortasha  mug`darinin`    o`zgeriwi    a`sirlik  variatsiyalar 

(a`sirlik baris) dep ataladi. 

     Jer magnetizmi  adette bir tegis o`zgeredi.  Bazibir waqitlarda jerdi magnit maydani jag`dayinan 

u`lken awisiwlardi  keltirip shig`aradi.       Bug`an usag`an   qubilislar   magnit dawillari dep  ataladi.  

Magnit  dawillari  uzaqqa  so`zilmay  a`dette  bir  neshe  saattan  artpaydi  tek    siyrek  jag`daylarda  bir 

neshshe sutka dawam etedi. 

     Magnit  dawillari  ku`nnin`  korpuskulyar  nur  shashiwi  menen  baylanisli  kelip  shig`adi.  

Korpuskulyarlar    elektr    zaryadina  iye  bo`leksheler  bolip  onin`  mug`dari  ku`nnin`  aktivligine 

baylanisli boladi. 

 

                      MAGNIT KOMPASI 

 

     Erkin  asilg`an  magnit  strelkasi  arqa  ha`m    tu`slik    bag`it    boyinsha  jaylasiw  qa`siyetine  iye. 

Magnittin` usi qa`siyeti qitaylilarg`a a`ramizdan 2000 jil burin belgili bolg`an.  Evropada orientirlew 

ushin  magnit  strelkasi  XII    a`sirden  baslap  qollanilg`an.    XIII  a`sirge  kelip  magnit  strelkasi  tek 

ko`sherge  kiygizilip  xa`zirgi    kompas    formasina    kelgen.  Kompastin`  usinday    konstruktsiyasi 

o`zgerissiz derlik bizin` da`wirimizge shekem saqlanip kelmekte. 

     Ten`iz ha`m  aviatsiyada  qollanilatug`in  kompastin du`zilisi o`zgeshe 

boladi.  Korabl`ler  menen  samoletlerdin`  metall  massalarinin`  ta`sirinde  kompas  duris  ko`restpeydi 

bul  qubilis  kompas  deviatsiyasi  (latinsha  awisiw  degen)  dep  ataladi.    Bunda  jag`dayda  kompastan  

paydalaniw    ushin  deviatsiyani  joq  etiw  kerek.  Deviatsiyani  joq  etiw  ushin  kompastin`  aynalasina  

belgili  qag`iyda boyinsha bos  temir  bo`lekleri  qoyiladi.  Solay etip kompastin` duris ko`rsetiwine 

erisedi. Ha`zirgi waqitta duris ko`rsetetug`in navigatsiyaliq a`sbaplar girokompas radiokompas ha`m 

t.b.  lar bar. Solarg`a qaramastan magnit kompasi usi ku`nge shekem paydalanilip kelmekte. 

 

                     JERDIN` JASI HA`M GEOXRONOLOGIYa 

 

     Jaqin  arag`a    shekem    geologlar  waqiyalardin`  izbe-izligi  (ne  na`rse  burin  ne  na`rse  son` 

bolg`anin`) yag`niy salistirma geoxronologiyalik ma`selelerdi sheship kelgen bolsa xa`zirgi waqitta 

 

15 

radioximiyaliq  metod  penen  jur  turmisinin  absolyut  geoxronologiyasin  belgilep  geologiyaliq  

wakiyalardin`  bolg`an  waktin  min`  million  ha`m  milliard  jillar  menen  aniqlag`an.  Radiokativ 

elementler  o`z-o`zinen  buziladi  ha`m  bir    qatar    araliq  produktlardi  payda  etedi.    Misali,  urannin` 

buziliwinan payda bolatug`in song`i produkt qorg`asin al kaliydiki argon boladi. 

     Radioaktiv elementlerdin`  buziliw  protsessleri  qanday sharayatta 

bolsada birden tezlik penen boladi.  Birdey waqittin`  o`zinde  qanday 

mug`darda alsaqta  radioaktiv  zattin` yarimi buziladi.  Misalg`a 1 kg 

urandi alsaq onin` yarimi 4,5 mlrd jilda buziladi. 

     Basqa radioaktiv  zatlardin`  yarim  buziliw wakti boladi ha`r bir million jilda 1 gramm ta`biyg`iy 

urannan  gramnin`  on  min`nan  bir    bo`limdeyinde  qorg`asin  payda  boladi.  Usi  radioximiyaliq 

metodtin`  ja`rdemi  menen  Jer  betindegi    en`    a`yyemgi  jinistin`  bunnan  3,5  mlrd  jil  burin  payda 

bolg`ani aniqlang`an. 

     Keyinirek payda bolg`an taw jinislarinin` jasin aniqlaw ushin  uglerod izotopinin` (Sa`n`) yarim 

buziliwi  qollanilip  ol  buziliw  6000  jilg`a  ten`.    Bul  izotop  o`simlikler    menen    haywanlardin`  

organizmlerinde  olardin`  o`mirinin`  aqirina  shekem  toplanadi.  Organizmler  o`lgennen  keyin 

uglerodtin`  izotopinin`  buziliwi  baslanadi    ha`m    og`an    qarap    organizm  qaldiqlarinin`  jasi 

aniqlanadi. 

     Jer  qabig`inin`  rawajlaniw    tariyxinin`    barisin    tiklewge    xizmet  etetug`in  a`hmiyetli 

dokumentler en` aldi menen taw jinislari bolip tabiladi. Taw jinislarinin`  jaylasiw  mineralogiyaliq  

ha`m    mexanikaliq  sostavina  qarap    o`tken  geologiyaliq  protsesler  menen  fiziko-geografiyaliq 

sharayatlardi  tiklewge  boladi.    Taw  da`r`yalarinin`    jatqizg`an  materiallarin  tegislik  da`r`yalarinin` 

materiallarinan  qol  tu`binde  payda  bolg`an  jinis  qabatlarin  ten`iz    tu`binde  payda  bolg`an 

qabatlardan  an`sat  g`ana  ayiriwg`a  boladi.  En`  a`yyemgigi  qabat  to`mende  jaylasadi  degen  boljaw 

boyinsha jinislardin` qabatlasiw ha`m qabatlardin`  sostavin izertlew na`tiyjesinde de qaysi jinistin` 

burin payda bolg`anin` biliwge boladi. 

     Bul usil  stratigrafiyaliq  (qabatti  ta`riplew  degen) metod dep ataladi. Bul metod sho`gindi taw 

jinislarinan  quralg`an  qabatlardin`  bir  tegis  jaylasqan    kishkene  territoriyalari  iyelegende 

kanaatlandirarliq  na`tiyje  beredi.  Sho`gindi  jinislardin`  arasindag`i  organikaliq  qaldiqlardi 

izertlewge tiykarlang`an  metod qolayiraq bolip ken`irek qollaniladi.  Bul paleontologiyaliq   metod  

(grekshe  a`yyemgigi  tirishilik  xaqqinda  ilim  degen)  dep  ataladi.    Jerdin`  organikaliq  dun`yasi  

evolyutsiya    joli  menen  barg`an  sayin  quramalasip  u`zliksiz  o`zgerip  barg`an.    Sol  sebepli  jinis 

qabatlari qanshelli a`yyemgigi bolsa olardin` arasinan  tabilatug`in organizmler a`piwayiraq boladi. 

En` anig`iraq aniqlaw  metodlarinin`  tiykarinda  toplang`an  son`g`i mag`liwmatlarg`a qarag`anda 

jerdin`  jasi  shama  menen  5  mlrd  jil.  Al  jerdin`  geologiyaliq  tariyxi  yag`niy  en`    a`yyemgigi    taw  

jinislari menen minerallardin` payda bolg`an waqitinan ha`zirge shekem o`tken waqit 3,6 mlrd jilg`a 

ten`. 

     Jer  qabig`indag`i  taw  jinislarinin`  qabatlasiwlari  gruppalarg`a  ha`r  bir  gruppa  sistemalarg`a  al 

sistema  bo`limlerge  jiklenedi.    Gruppa  jinisilarina  tuwri    keletug`in  waqit  aralig`i  era,    al  sistema 

jinislari payda bolatug`in waqit aralig`in period dep qabil etilgen. 

     Geoxronologiyaliq jil  sanawdin`  en` irirek bo`liniwleri to`mendegi tablitsada berilgen. 

 

            Geoxronologiyalik tablitsa 

 

     ----------------

│----------------------------│----------------- 

     eralar          

│     periodlar     │Belgisi │    uzaqligi 

      /gruppa/       

│     /sistema/     │        │     mln. jil 

     ----------------

│-------------------│-------- 

 

 

16 

│------------------ 

    Kaynozoy u`u`-w0   

│ tortlenshi         │        │ 

             mln.jil 

│        /antopogen/│        │  a`,w 

                     

│ Neogen            │        │  g`n`,0 

                     

│ Paleogen          │        │  n`a`,0 

    Mezozoy          

│ Por               │        │  w0,0 

    /a`u`o`-a`w0 mln jil/

│ Yura               │        │  o`o`,0 

                     

│ Trias             │        │ n`0-n`o`,0 

    Palezoy          

│ Perm`             │        │   n`0,0 

    /qg`o`-qwo`mln jil/ 

│ Tas komir         │        │ o`o`-wo`,0 

                     

│ Devon             │        │ o`0-w0,0 

                     

│ Silur             │        │ q0-qo`,0 

                     

│ Ordovik           │        │ u`0-w0,0 

                     

│ Kembriy           │        │ 90,0 

     Proterozoy      

│                   │        │ g`000,0 

     Arxey           

│                   │        │  900,0 

                     

│                   │        │ 

    ---------------------------------------------------------------- 

 

              JER BETI DU`ZILISININ` TIYKARG`I BELGILERI 

 

                     Materikler ha`m okeanlar. 

 

     Jer beti bir-birlerinen sapasi jag`inan  ayrilatug`in   ha`r  qiyli matriklik  ha`m okeanliq tiplerge 

jatadi.    Bular  planetarliq  rel`eftin`  tiykarg`i  ju`zesi  bolg`an  materiklerdin`  beti  menen  jer  ju`zlik  

okeannin`  tu`bine  tuwri  keledi.  510  mln.kv.    kmlik  jer  shari  maydaninin`  361  mln.kv.kmin  suw 

iyeleydi al  kalg`an 149  mln  kv  km  maydandi  qurg`aqliq  iyeleydi. qurg`aqliqtin`  iyelegen  maydani 

arqa yarim sharda ko`birek bolsa  ol arqa shardin`  395  iyeleydi  al  tu`slik yarim sharda bolsa onin` 

u`lesine tu`slik yarim shardin` tek 159 g`ana tuwri keledi. 

     Qurg`aqliqtin`  bul    bo`liniwinin`    aytarliqtay  klimatqa  ta`siri  bar.  Arqa  yarim  sharda  en`  jilli 

aydin` ortasha temperaturasi 22,4  gradus  S al  en` suwiq aydin` ortasha temperaturasi 8,6  gradus S 

tu`slik  yarim  sharda  bolsa  en`  jilli  aydin`  ortasha  temperaturasi  17,5  gradus  S  al  en`  suwiq  aydin` 

ortasha temperaturasi 11,3 gradus S. 

     Arqa yarim sharda jilli ha`m suwiq aylardin` ortasha  temperaturasinin` ayirmasi  14 gradus S  qa 

ten  bolsa  tu`slik  yarim  sharda  ol  ayirma  tek  6  gradus  S  azlap  artig`iraq.  Bunin  sebebi  arqa  yarim 

sharda qurg`aqliq ko`birek bolg`anliktan onin` klimati kontinentalliq. 

     Al tu`slik yarim sharda suw kn`o`rek  bolg`anliqtan  onin`  ta`sirinde 

Tu`slik yarim sharda temperatura bir tegis boladi. 

 

     Jer ju`zlik okean ha`m onin` bo`liniwi 

     ------------------------------------- 

     Jer  sharinin`  maydaninin`  361  mln  kv  km  maydanin`  iyeleytug`in    suwdin`  barlig`i  birikken