Озик-овкат товарлари сифат экспертизаси-дарслик doc

Takrorlash uchun savollar: 
 
1. Karamellarning sifatiga organoleptik ko‘rsatkichlari bo‘yicha qanday talablar 
qo‘yiladi? 
2. Karamellarning konsistensiyasining amorf bo‘lishini nima ta’minlaydi? 
3. Karamel massasida namlik necha foizni tashkil etadi? 
4. Karamellarning sifatiga fizik-kimyoviy ko‘rsatkichlari bo‘yicha qanday talablar 
qo‘yiladi? 
5. Nima uchun karamel massasida qaytaruvchanlik xususiyatiga ega bo‘lgan qand 
miqdori chegaralanadi? 
6. Nachinkali karamellarda nachinka miqdori necha foizni tashkil etishi kerak? 
7. Karamellarda 10 % li NCl eritmasida erimaydigan kul miqdori nima uchun 
chegaralanadi? 
8. Karamellarning xavfsizlik ko‘rsatkichlariga nimalar kiradi? 
 
Konfet mahsulotlarining sifat ekspertizasi 
 
Konfetlarning sifat ekspertizasi davlat standartlarida ko‘rsatilgan uslublar 
orqali organoleptik, fizik-kimyoviy, mikrobiologik ko‘rsatkichlarini aniqlash 
asosida o‘tkaziladi. 
Organoleptik ko‘rsatkichlarini tekshirish GOST 5897-90. «Konditer 
mahsuloti. Sifatini organoleptik usul bilan aniqlash» deb yuritiladigan davlat 
standarti talabi asosida olib boriladi. 
Standart talabi bo‘yicha konfetlarning organoleptik ko‘rsatkichlariga shakli, 
yuzasinng holati, strukturasi, ta’mi va hidi kabi ko‘rsatkichlari kiradi. 
Konfetlarning shakli to‘g‘ri, shu konfet turiga mos, deformatsiya uchragan 
joylari bo‘lmasligi kerak. 
Sirlanmagan konfetlarning yuzasi quruq, toza, yopishqoq bo‘lmasligi kerak. 
Pomadali konfetlarda oqargan dog‘lari, kristallashib qolgan joylari ham bo‘lishiga 
yo‘l qo‘yilmaydi. Sirlangan konfetlarning yuzasi silliq, yaltiroq, sirlari bir tekis, 
www.sies.uz
Page 119 of 306 

---

120
shikastlangan joylari bo‘lmasligi kerak. Kuvlangan, jeleli korpusli konfetlarning 
qobig‘ida konfet massasi ko‘rinib qolmagan darajada yorilgan joylari bo‘lishiga
yo‘l qo‘yiladi. 
Konfet turi qandayligiga qarab korpusining konsistensiyasi har xil bo‘lishi 
mumkin. Masalan, pomadadagi konfetlarda massa og‘izda tez eriydigan, mayda 
kristalli, kremlarda yumshoq, yong‘oqligida yog‘liroq, kuvlanganida ko‘pchigan, 
yengil bo‘ladi. 
Konfetlarning ta’mi va hidi esa shirin, yoqimli, o‘ziga xos, begona hidlarsiz 
va ta’mlarsiz bo‘lishi kerak. 
Konfetlarda standart talabi bo‘yicha suv, qaytaruvchanlik xususiyatiga ega 
bo‘lgan qand va yog‘ miqdori aniqlanadi (5-jadval).