Педагогик атамалар луғати

Билиш компоненти – бошқаларни ва ўз-ўзини билишга қаратилган психик жараёнлар: сезги, идрок, тасаввур, хотира, тафаккур, хаёл ва ҳ.к.
Билиш назарияси (гносеология, эпистемология) – билиш қонуниятлари ва имкониятлари, билимнинг обьектив реалликка муносабатини ўрганади, билиш жараёнининг босқичлари ва шаклларини, билишнинг ишончлилиги ва ҳаққонийлиги шартлари ва мезонларини тадқиқ қилади.
Билмоқ – муайян соҳада маълумотга, билимга эга бўлмоқ.
Бинар дарс – таълим олувчилар билимдонликни таркиб топтириш имконини берадиган мужассамлашган дарс.
Биографик метод – педагогик тадқиқот усули, шахс келажагини лойиҳалаштириш, тузатиш (коррекциялаш), ташхислаш методи.
Биоиқлим атласи – ўқув кўргазма материали; очиқ ҳавода ва метеорологик омиллар мажмуи муҳитида одамга таъсир кўрсатадиган иқлим кўрсатгичларининг муайян ҳудуд доирасида тақсимланишини акс эттирадиган хариталар тўплами.
Биология Давлат таълим стандарти – биология таълим мазмуни ва ушбу ўқув предмети бўйича ўқувчилар эгаллайдиган билим, кўникма, малакаларга қўйилган талабларни давлат томонидан тасдиқланган эталони, модели.
Биология хонаси – биология фанини ўқитишда дарс ва дарсдан ташқари машғулотларни самарали ташкил этиш мақсадида махсус жиҳозланган ўқув хонаси.
Биология ўқитиш методикаси – 1) биология таълими назарияси ҳамда методикаси бўйича талабаларга муайян билим, кўникма, малакалар ҳосил қилишга йўналтирилган ўқув фани. 2) биология ўқитиш методикаси хусусий педагогиканинг асосий сохаси.
Биология ўқув предмети – тирик табиатга оид билимларни ўргатишга қаратилган мактаб ўқув предмети.
Биоэкосан – Ўзбекистон ёшларининг «Биоэкосан» ўқув-методик мажмуаси - Ўзбекистонда узлуксиз экология таълимини амалга оширадиган таълим-тарбия муассасаси.
Бирлашган миллатлар ташкилоти болалар жамғармаси (ЮНИСЕФ) – Бирлашган миллатлар ташкилотининг асосимй жамғармаларидан бири,узоқ вақт давом этган уруш натижасида катта қийинчиликларга дучор бўлган Европа болаларига ғамхўрлик кўрсатиш мақсадида 1946 йилда тузилган.