Педагогик атамалар луғати

Табиийликни ҳис этиш – шахснинг генетик ва ижтимоий жиҳатларига асосланган ҳолда ўқувчиларнинг ўзига хослигини ҳисобга олиш.
Тавтология – муайян нарса ёки ҳодисани унинг муҳим белгиларни кўрсатиш орқали эмас, балки жузъий жиҳатдан нотўғри таърифлаш.
Тадриж тамойили – 1) муайян изчилликда осондан қийинга қараб ривожланишни ифодаловчи дидактик тамойил; 2) 20-аср бошларида саводга ўргатиш ва алифбе дарсликлари тузишда таянилган тамойил.
Тадқиқот методи – борлиқ ҳодисаларини амалий-назарий жиҳатдан англаш ҳамда ўрганишнинг йўл-йўриқ, тадбир ва усуллари.
Тадқиқотчи – илмнинг у ёки бу соҳасида тадқиқот иши билан шуғулланувчи мутахассис.
Тадқиқот методи – 1) билимларнинг ижодий қўлланишини таъминлаш методи; 2) илмий билиш методларини излаш жараёнида уларнинг ўзлаштирилишига қаратилган метод.
Тажриба- педагогик воқеликни амалий жиҳатдан ҳиссий-эмпирик билиш жараёни.
«Тажриба воситасида ўқитиш цикли» методи (Д.Колб ғояси) – рефлектив кузатиш, абстракт хулосалаш (концептуаллаш), тажриба воситасида ўқиш цикли, фаол тажриба олиб боришга тайёрланиш, аниқ тажриба ўтказиш каби методлар туркуми.
Тайёрлов синфлари – 1-синфга болаларни қабул қилишдан аввал уларни махсус ташкил этилган синфларда ўқитиш шакли.
Такрорлаш – ўқувчи ва талабалар томонидан аввал идрок қилинган нарса ва ҳодисалар, уларнинг образлари, боғланиш муносабатларини эсга туширишдан иборат жараён; аввал ўзлаштирилган билимлар билан янгилари орасида ҳосил қилинадиган боғланишлар жараёни.
Такрорланадиган гуруҳлар – маълумотлар омборида муаммонинг қўйилиши ва улар ечимларининг топилишига боғлиқ ҳолда гуруҳланадиган ва муаммо ечими топилгунча бир неча марта фойдаланишга тўғри келадиган маълумотлар.
Такт – 1) педагогик маҳоратнинг таркибий қисми бўлиб ўқувчи ёки талабалар билан муомала ва муносабатда бўлишда меъёрларга риоя қилиш одоби; 2) шахснинг ахлоқий камолот даражасини кўрсатувчи мезон.
Тактик қарорлар – таълим муассасаси олдига қўйилган тезкор, жорий мақсад ва вазифалар ифодаси.