Pedagogikalıq sheberliktiń metodologiyaliq máseleleri. J o b a

4. Abiroy arttira aliw qábileti. Oqiwshilarǵa tuwridan tuwri emotsional erikli tásir kórsetiw hám sol tiykarda abiroyǵa erise aliw. Abiroy tek sol tiykarda emes, bálki muǵallimniń óz pánin jaqsi biliwi, mexriybanliǵi, mulayimliliǵi x.t.b tiykarinda da erisedi. Bul qábilet muǵallimniń jeke sipatlariniń pútin bir jiyindisi, sonday-aq oniń erk sipatlarina (shidamliliǵi, talap-shańliǵi h.t.b.).Sonday-aq oqiwshilarǵa tálim-tárbiya beriw waziy-pasin seziwge, óziniń haq ekenligine iseniwge, bul isenimdi oqiwshilarǵa jetkize aliw jaǵdaylarina da baylanisli.
Oqiwshilarǵa qopalliq qilmaytuǵin, qoriqpaytuǵin, tuwri talap qoya alatuǵin muǵallimdi judá xúrmet etedi, muǵallimniń bosańliǵin, eriksizligin jaqtirmaydi.
5. Tuwri qarim-qatnas jasay aliw qábileti- balalarǵa jaqinlasa aliw, olar menen pedagogikaliq jaqtan júdá nátiyjeli óz-ara múnásibetler ornata aliw qábileti.
6. Keleshekti kóre biliw qábileti- Óz is-háreketleriniń aqibetin kóre biliw oqiwshiniń keleshekte qanday adam boliwin kóz aldina keltire aliw,tárbiyalaniwshida qanday qásiyetlerdiń barliǵin aldinan ayta biliw qábileti pedagogikaliq optimizmge, tárbiyaniń kúshine baylanisli.
7. Diqqatti jámlep aliw qábileti- muǵallim ushin diqqattiń barliq qásiyetleri- kúshi, kóshiwsheńligi, qabil ete aliwi menen táriyplenedi. Diqqatti bir waqitta jámley aliw qábileti muǵallim ushin ayriqsha áhmiyetke iye. Qábiletli, tájireybeli muǵallim sabaqti bayan etiw mazmunin hám túrlerin, óz pikirin(yaki oqiwshi-niń pikirin) diqqat penen baqlaydi. Tájiriybesiz muǵallim kóbinese sabaqti bayan etiwge berilip ketip, oqiwshilardi itibardan shette qaldiradi, baqlamay qoyadi.
3. Eń áhmiyetlisi biz ushin jeketshi qábiletlilikti tańlap aliwdan ibarat bolip, olarsiz muǵallim óz isiniń sheberi bola almaydi. Egerde barliq jetekshi qábiletliliklerdi birlestiriwshi eń basli, tiykarǵi qábiletlilik haqqinda sóz etsek- bul álbette shaxs sipatinda qáliplesken, ósip baratirǵan adamǵa-obektke bolǵan sezimtalliq bolip esaplanadi.
Jetekshi qábiletliliklerden empatiya hám pertseptiv qábiletlerdi atap ótsek boladi.
Empatiya - basqa adamlardiń psixikaliq jaǵdaylarin túsiniw hám olardiń dártin bólise aliw qábileti bolip esaplanadi.
Pertseptiv qábileti - túsiniw protsessiniń tiykarǵi dúzilisi,bul túsiniw, seziw obektlerin bilip aliw hám oni este saqlaw obrazlari menen salistiriwdan ibarat boladi.