Proffessor Hamidov Hojiakbar Hamidovich Ernazarov Shermuxammat Eshbekovich Raxmonov Bahodir Mirzaevich

O`zbekiston SSR Sovetlarining ta’sis qurultoyiga qadar O`zbekiston SSRda 
butun hokimiyat Muvaqqat Inqilobiy qo`mita ixtiyoriga berildi. O`zSSR Inqilobiy 
qo`mitasi raisi etib Buxoro Respublikasi hukumati raisi F.Xo`jaev tasdiqlandi. 
Inqilobiy qo`mita 1924 yil 5 dekabrda O`zbekiston SSR (O`zSSR) tuzilganligini 
ma’lum qildi. Shuningdek uning tarkibida Tojikiston ASSR kirganligini ma’lum 
qildi.
Turkiston, Buxoro, Xorazm respublikalariga tegishli boyliklar yangi milliy 
respublikalar o`rtasida qayta taqsimlandi. Milliy chegaralanish bilan bir vaqtda 
iqtisodiy bo`linish ham o`tkazilib, uni O`rta Osiyo tugatish komissiyasi amalga 
oshirdi.
Milliy chegaralanish natijasida O`zbekiston SSR (O`zSSR) tashkil etilib, 
uning tarkibiga: Turkiston ASSRdan 9 ta uezd, 133 tuman, 7 qishloq okrugi; 
Buxoro respublikasining 9 ta viloyati; Xorazm respublikasining 23 ta tumani 
kiritildi. O`zbekiston SSR tuzilgan paytda hududi 312394 km. kv., aholisi 

---

369 
4.447055 kishi (1926) bo`lib, 74,2 %i o`zbeklar edi. O`zbekiston SSRning poytaxti 
etib 1925 yil aprelda Samarqand belgilandi. 1930 yil oxirida poytaxt Toshkentga 
ko`chirildi.
«O`zbekiston Sovet Sosialistik Respublikasi (O`zSSR) tuzilgani 
to`g’risida Deklarasiya» 1925 yil 13 fevralda Buxorodagi Xalq uyida 
Umumo`zbek Sovetlarining 1-quriltoyida qabul qilindi. Bu qurultoyda Farg’onalik 
dehqon «Qo`shchi» uyushmasi rahbarlaridan biri Yo`ldosh Oxunboboev O`zSSR 
Sovetlari Markaziy Ijroiya Qo`mitasi (O`zSSR MIQ) Raisi lavozimiga saylandi. 
O`zbekiston SSR hukumati – Xalq Komissarlari Kengashi (Soveti) Raisi 
lavozimiga Fayzulla Xo`jaev tasdiqlandi.
Milliy chegaralanish davrida O`rta Osiyoda faoliyat ko`rsatib kelgan 
Turkiston, Buxoro va Xorazm Kommunistik Partiyalari, komsomol, xo`jalik 
tashkilotlari va kasaba uyushmalari qayta tashkil etildi. O`zbekiston Kommunistik 
(bolsheviklar) 
Partiyasi 
(O`zSSR 
KP) 
tashkiliy 
jihatdan 
O`zbekiston 
Kompartiyasining 1925 yil 6-12 fevralda Buxoroda bo`lgan 1-ta’sis s’ezdida 
rasmiylashdi. Uning Markaziy Qo`mitasi (MQ) saylandi. O`zSSR KP MQning 
mas’ul kotiblari etib V.Ivanov va Akmal Ikromov (1927 yildan birinchi kotib) 
saylandi. 1925 yil tuzilgan O`zbekiston komsomoli (O`zLKSM), respublika kasaba 
uyushmalari, uning rahbar organlari Markaz va Sovet hokimiyatining 
O`zbekistonda tayanch organlari bo`lib qoldi.