Proffessor Hamidov Hojiakbar Hamidovich Ernazarov Shermuxammat Eshbekovich Raxmonov Bahodir Mirzaevich

O`zbekiston mustaqillik tomon yo`l tutishi 
 
I.Karimov O`zKP MQning birinchi kotibi etib 1989 yil 23 iyunda bo`lgan 
O`zKP MQning XIV-Plenumida saylandi. Yangi rahbariyat milliy o`zlikni anglash 
kuchayotganiga e’tibor qaratib, mustaqillik tomon yo`l tutildi. Farg’ona, Bo`ka, 
Parkent voqealarining asl sabablari ochib tashlandi. Respublikada kadrlar 
masalasida milliy manfaatlar ustuvorligi ta’minlandi. Markazdan yuborilgan 
“kadrlar to`dasi” o`z mavqeini yo`qotdi. Anishchev, Ogaryok, Satin chiqarib 
yuborildi. O`zbekistonda adolatni tiklash uchun tadbirlar ko`rildi, to`qib 
chiqarilgan “o`zbek ishi”, “paxta ishi”ning sharmandasi chiqdi. Bu bilan bog’liq 
ishlar qayta ko`rildi, aybsiz qamalgan o`n minglab kishilar oqlandi.
Jamoatchilik ko`targan o`zbek tiliga davlat tili maqomi berish masalasiga 
O`zbekistonning sobiq rahbariyati avval millatchilik, mahalliychilik deb qaradi. 
Keyinchalik o`zbek va rus tilini teng mavqega ko`tarishga urinib, ikki tillik 
haqidagi qonun loyihasini o`tkazishga harakat qildi.

---

449 
Respublikaning yangi rahbari O`zSSR Oliy Kengashining 1989 yil 21 
oktyabrda bo`lgan 11-sessiyasida “O`zSSRning davlat tili haqida” Qonunni qabul 
qildi. 1990 yil 19 fevralda “O`zSSRning davlat tili haqida”gi qonunni amalga 
oshirish davlat Dasturi qabul qilindi. Ish yuritish rus tilidan o`zbek tiliga o`tkazila 
boshlandi. Qishloq aholisining shaxsiy tomorqalari uchun er ajratildi. 381 ming 
oilaga tomorqa erlari berildi, 372 ming oila o`z tomorqalarini kengaytirib oldi, 
jami 150 ming gektar er ajratildi.
Oliy Kengashga 1990 yil 18 fevralda bo`lgan saylovning yangiligi shundaki, 
500 saylov okrugining 326 tasida muqobil nomzodlar ko`rsatildi, deputatlik 
mandatiga bir nechtadan nomzodlar ko`rsatildi. Oldingi saylovlarda barcha 
nomzodlar birinchi turdayoq deyarli 100 % ovoz bilan saylangan bo`lsa, bu safar 
birinchi turda 368 nomzod zarur ovozlarni to`play oldi, qolgan 132 okrugda qayta 
saylovlar bo`lib o`tdi.
Moskvaning tazyiqiga qaramasdan respublikalar ichida birinchi bo`lib 1990 
yil 24-30 martda 12-chaqiriq O`zSSR Oliy Kengashining 1-sessiyasida “O`zSSR 
Prezidenti lavozimini ta’sis etish to`g’risida” Qonun qabul qilindi, 24 martda Oliy 
Kengashda yashirin ovoz berish yo`li bilan I.Karimov O`zbekiston Prezidenti etib 
saylandi. 
I.Karimov 
sessiyada 
nutq 
so`zlab: 
“O`zbekistonning siyosiy 
mustaqilligini, o`zini o`zi idora qilish va pul bilan ta’minlashga o`tishni o`zimning 
asosiy vazifam” deb ta’kidladi.