Proffessor Hamidov Hojiakbar Hamidovich Ernazarov Shermuxammat Eshbekovich Raxmonov Bahodir Mirzaevich

Kredit resurslari bozori 1994 yildan boshlab faol ishlay boshladi. Bozor 
iqtisodiyoti munosabatlariga o`tishning muhim shartlaridan biri - to`g’ri pul-kredit 
siyosatini olib borishdir. 1991 yil 15 fevraldagi «Banklar va bank faoliyati 
to`g’rsda» Qonun, keyin unga kiritilgan qo`shimcha va o`zgarishlar bank, bank 
muassasalarini tashkil etish yo`llarini belgilab berdi. Bu qonunga muvofiq SSSR 
Davlat Bankining mintaqaviy bo`limi O`zbekiston Respublikasi Markaziy Bankiga 
aylantirilib, unga oltin-valyuta zaxiralarini saqlash, banklar faoliyatini nazorat 
qilish, pul-kredit siyosatini amalga oshirish vazifalari topshirildi.
1995 yil 21 dekabrda Oliy Majlis 4-sessiyasida qabul qilingan «O`zbekiston 
Respublikasi Markaziy Banki to`g’risida»gi Qonun Xalqaro Valyuta Fondi va 
Jahon Banki tomonidan yuqori baholandi. Bank tizimini takomillashtirish bo`yicha 

---

505 
Prezidentning «Bank tizimini yanada erkinlashtirish va isloh qilish borasidagi 
tadbirlar to`g’risida» 2000 yil 21 mart Farmoni va Vazirlar Mahkamasining «Bank 
tizimini isloh qilishga doir qo`shimcha tadbirlar to`g’risida»gi 2000 y. 24 mart 
qarori bilan tasdiqlangan «2000-2003 yy. O`zbekiston Respublikasi bank tizimini 
isloh qilish Dasturi» qabul qilindi.
2002 yil 5 aprelda Oliy Majlisning 2-chaqiriq 8-sessiyasida «Fuqarolarning 
banklardagi omonatlarini himoyalash kafolatlari to`g’risida»gi Qonun qabul 
qilindi. Vazirlar Mahkamasining 2002 yil 19 sentyabrdagi «Fuqarolarning 
banklardagi omonatlarini himoyalash kafolatlari to`g’risida Qonunni amalga 
oshirish tadbirlari to`g’risida»gi Qaroriga asosan «Fuqarolarning banklardagi 
omonatlarini kafolatlash fondi» tashkil etildi.
O`zbekiston banklarining Xalqaro valyuta fondi, Jahon banki, Osiyo 
Taraqqiyot Banki, Evropa Tiklanish va Taraqqiyot Banki kabi xorijiy banklar, 
xalqaro moliyaviy tashkilotlar, chet el markaziy va tijorat banklari bilan o`zaro 
foydali hamkorligi rivojlanib bordi. Xalqaro moliyaviy tashkilotlar bilan hamkorlik 
asosan: makroiqtisodiy barqarorlikni ta’minlashga ko`maklashish; milliy valyutani 
mustahkamlash; kadrlar tayyorlash; xususiylashtirish va davlat tasarrufidan 
chiqarish; kichik va o`rta biznesni rivojlantirish; yo`nalishlari bo`yicha amalga 
oshirilmoqda.