Proffessor Hamidov Hojiakbar Hamidovich Ernazarov Shermuxammat Eshbekovich Raxmonov Bahodir Mirzaevich

Evropa Ittifoqi (EI) mamlakatlari bilan O`zbekiston o`zaro aloqalarni 
yo`lga qo`yishi O`zbekistonning jahon hamjamiyatiga integrasiyalashuvida alohida 
o`rin tutadi. Florensiyada 1996 yil 21 iyunda imzolangan Evropa Ittifoqi (EI) va 

---

568 
O`zbekiston o`rtasidagi “Sheriklik va hamkorlik to`g’risidagi bitim”, uning 1999 
yil 1 iyulda kuchga kirishi O`zbekistonning Evropa Ittifoqi mamlakatlari bilan 
o`zaro munosabatlarining huquqiy negiziga aylandi.
O`zbekistonda 2005 yilgacha EIga a’zo mamlakatlarning 145 ta firma va 
kompaniyasi vakolatxonalari akkreditasiya qilindi. Evropalik sarmoyadorlar 
ishtirokida 491 ta korxona tashkil etildi, ulardan 111 tasi yuz foizlik Evropa 
kapitaliga ega.
I.Karimovning 2011 yil yanvarda Bryusselga tashrifi O`zbekistonning EI 
bilan NATO bilan munosabatlarining yangi sahifasini ochdi. I.Karimov EI 
Komissiyasi Prezidenti J.M.Barrozo va NATO Bosh kotibi A.F.Rasmissen bilan 
uchrashib xavfsizlik, energetikaga doir hujjatlar imzoladi 
Germaniya bilan O`zbekistonning o`zaro manfaatli aloqalari kengayib 
borayotganining sababi, Germaniya - EIning a’zosi, ulkan iqtisodiy va ilmiy-
texnikaviy salohiyatga ega davlatdir. I.Karimovning 1993 yil 28 aprelda 
Germaniyaga boshlangan 5 kunlik tashrifi ikki davlat o`rtasida munosabatlarni 
yo`lga qo`yishda muhim ahamiyatga ega bo`ldi. I.Karimovning bu safari 
O`zbekistonga Evropa sari katta yo`lni ochdi. I.Karimov GFR Federal prezidenti 
Rixard fon Vayzenker va Federal kansleri Gelmut Kol bilan samimiy, o`zaro 
tenglik asosida, ishonch bilan suhbatlashdi va bo`lajak hamkorlik poydevori 
qo`yildi. Germaniya sanoatini o`rganishga O`zbek delegasiyasi katta e’tibor 
berishdi. Doychebank, Mersedes-Benz va Simens kompaniyalari bilan hamkorlik 
qilishga kelishdi; safar natijasiga ko`ra Toshkentda GFR elchixonasi ochildi.
O`zbekistonning Evropada birinchi elchixonasi GFR poytaxti Bonnda 1994 
yil 1 sentyabrda ochildi. Hozir elchixona Germaniyaning yangi poytaxti Berlinda 
faoliyat yuritmoqda. O`zbekistonda 1995 yil aprelda bo`lgan prezident Roman 
Gersog O`zbekistonda yashayotgan 50 mingdan ortiq nemis millatiga mansub 
O`zbekiston fuqarolari hayoti bilan tanishdi, u nemislar uchun teng imkoniyatlar 
yaratilganidan 
mamnun 
bo`ldi. 
Germaniyaning 
“Geydelberg” 
firmasi 
O`zbekistonda 
nashriyot-matbaa 
sohasida 
hamkorlik 
qilayotgan 
yirik 

---

569 
kompaniyadir. O`zbekiston-Germaniya-Rossiya hamkorligida 2001 yil “Namangan 
qog’oz” qo`shma korxonasi qurildi.
I.Karimovning 2001 yil 2-5 aprelda GFRga, Germaniya kansleri Gerxard 
Shryodorning 2002 yil 9-10 mayda O`zbekistonga safari O`zbekiston-Germaniya 
o`rtasidagi o`zaro hamkorlikni yangi bosqichga ko`tardi. O`zbekistonda 1997 yil 
55 ta Germaniya kompaniyasining vakolatxonalari faoliyat yuritgan, 2001 yil 80 
taga etdi, ularning eng yiriklari “Xobas TARO”, “Xiva Karpet”dir. Germaniyalik 
sarmoyadorlar ishtirokida 2003 yil turli sohalarda tashkil etilgan 138 ta korxona 
faoliyat ko`rsatdi; ulardan 40 tasi 100 % lik Germaniya kapitaliga ega, GFR 
O`zbekistonning Evropadagi eng yirik iqtisodiy hamkoridir.