Yarali stomatit zaiflashib, madori qurigan kasallarda boshlanadi. Unga sabab bo'ladigan etiologik omil — shilliq pardadagi simbioz bakteriyalardir. Milklar, lunjlar, tanglayda, bodomcha bezlarida sarg'ish-oq tusli karash ko'rinishida yarali-nekrotik jarayon boshlanadi. Mikroskopik tekshiruvda epitelial qatlamning nekrozga uchrab, unda chuqur rahna paydo bo'lgani, shu rahna tubida granulyatsion to'qima borligi ma'lum bo'ladi. Yarali stomatit zo'rayib ketgan mahallarda gangrenoz stomatit boshlanadi. Bunda nekroz shilliq parda, uning ostidagi to'qimalar, muskullar, suyakka ham o'tadi. Odamning yuzida nam gangrena (noma) boshlanishi mumkin. Kasallik eson-omon o'tib ketadigan mahallarda nekroz o'choqlari chandiqlanib boradi.
Do'stlaringiz bilan baham: |
