Q. J. Mirzaev, E. Sh. Shavqiev,B. K. Janzakov innovatsion iqtisodiyoT

Tayanch iboralar
Klaster, klasterlar siyosati, klasterusuli, boshqarish, infratuzilma, ishlab chiqarish, texnologiya, intellektual klas­terlar, sanoat klasterlari, texnologik klasterlar, strategik dasturlar.


Nazorat va muhokama uchun savollar
1.Innovatsion iqtisodiyotda klasterlar siyosatini sharhlab bering.
2.Innovatsion texnologiyalarni amalga oshirishda klaster usullarini qo‘llashning ahamiyatini yoriting.
3.Innovatsion klasterlarni qo‘llab-quvvatlash infra­tuzil­ma­sini tavsiflang.
4.Innovatsion klasterlarni turlarini yoriting.
5.Innovatsion klasterlarni tashkil etish afzalliklarini ayting.

GLOSSARIY


Akademik harakatchanlik – ilmiy xodimlarning o‘z ish joyi­­dan ajralmagan holda, O‘zbekiston Respublikasi hududida va uning tashqarisida o‘tkaziladigan ilmiy tadbirlarda ishtirok eti­shi, tajriba almashishi.
Akseleratsiya dasturi – mentorlar va bozor ekspertlari tash­ki­li va mas­la­hat bilan qo‘llab-quvvatlagan holda test sino­vi­dano‘t­­kazishva biznes-modelini ishlab chiqish yo‘li bilan startap-loyi­halarni rivojlantirishga yo‘naltirilgan ta’limiy-amaliy dastur.
Amaliy tadqiqotlar – amaliy maqsadlarga erishish va aniq vazifalarni hal etish uchun asosan yangi bilimlarni va funda­men­tal tadqiqotlar natijalarini qo‘llashga yo‘naltirilgan ta­d­qi­qot­lar.
Benefitsiar (loyihadan foyda oluvchi) – ilmiy tadqiqot loyihasining amalga oshirilishidan manfaatdor bo‘lgan shaxs.
Biznes-reja – kompaniya, tovar, uni ishlab chiqarish, ko‘rsa­ti­la­digan xizmatlar, mahsulot sotiladigan potensial bozorlar, mar­keting strategiyasi, operatsiyalarni amalga oshirishni tashkil etish va ular­ning samaradorligi ko‘rsatkichlari to‘g‘risidagi ma’­lum­otlarni o‘z ichi­ga olgan reja, kompaniyaning harakatlari, biz­nes-operatsiyalarni amal­ga oshirish dasturi.
Davlat buyurtmasi — ilmiy tadqiqot loyihasini O‘zbek­is­ton Respublikasi Davlat byudjeti va qonun hujjatlarida taqiq­lan­magan boshqa manbalar hisobidan amalga oshirish topshirig‘i.