Qаrаqаlpаqstаn respublikаsi ministrler ken’esi jаnindаg’i ortа arnаwli bilimlendiriw bаsqаrmаsi

35-shınıg’ıw. Tekstti oqın’. Qara ha’rip penen jazılg’an so’zlerdin’ qaysı so’z shaqabı ekenligin anıqlan’.
Bunday qant tek ataqlı baqqallarda, baylarda boladı. Onın’ jaqsı ku’ndi ku’tip qant giznep ju’rgenine ana ırza boldı, biraqonı aylanshıqlap Serjanbaydın’ tileklerin qulaq-qag’ıs etiwge qansha ret oqtalsa da bata almadı.
Erten’ine, onnan son’g’ı ku’ni de bata almadı.
To’rtinshi ku’ni bir top awıllasları menen Ernazardın’ o’zi kelip, u’y wag’ır-shag’ırg’a toldı. Oylar, qayg’ılar dawıl quwg’an bulttay tarqasıp ketti. Basqalar qansha shad keyipte bolsa da, tek Ernazardın’ o’zi quwanbay atırg’an ta’rizli, ju’zi de solg’ın.
Ol jora-joldasları arasında Genjemurattın’ nege ko’rinbey-tug’ının sorap, onın’ keshegi urısta orıslar ta’repine o’tip baratır-g’anda oqqa ushqanın esitti de, basın shayqap bir qamsıqtı.
Azamat eldin’ qulag’ı edi, aqıllı edi.
Bunnan son’ ko’p so’ylemedi, «ko’z aydıng’a» kelgen qon’sı- qobalarg’a sa’l ju’z jıltıratadı (T.Q.).
36-shınıg’ıw. Berilgen testtegi do’rendi so’zlerdin’ qanday usıl menen jazılg’anın anıqlan’.
Xalqımız o’zinin’ miyman doslıg’ı menen pu’tkil a’lemge belgili. Miymandı shın ju’rekten ku’tip alıwdan, tap izzet-hu’rmetin ornına qoyıp, uzatıp salg’ang’a shekem bolg’an a’yyemgi u’rip- a’deplerimiz bu’gingi ku’nde bunnan bılay da rawajlanıp barmaqta.
Miyman — doslıq xalqımız tariyxında mın’ jıllardan berli orın alıp kiyatırg’an da’stu’rlerimizdin’ biri.
A’dep-ikramlıq ha’m go’zzallıq derekleri esaplang’an miyman-doslıqta doslıq, joldaslıq, adamgershilik, adamdı su’yiwshilik, hadallıq sıyaqlı a’delilik qa’deleri bulaq bolıp qaynaydı. Sonın’ ushın da miymannın’ u’lken-kishisi bolmaydı, deydi xalqımız.
Miyman keliwi shan’araqta ba’rha azadalıq ha’m jıynaqlılıq bolıwın talap etedi (A.Alimordanova, Q. Nazarov «O’mir ha’m turmıs a’debi»).
37-shınıg’ıw. To’mendegi berilgen so’zlerdin’ qanday usıl menen jasalg’anın anıqlan’.
Padashı, bu’gin, Ulbosın, isker, basshı, an’sat, aqıl, Perdebay, o’ner, elat, sezgir, aytıs, awhal, ma’n’gilik, kewilshek, ko’klem,jaslıq.