Qo‘qon universiteti Maktabgacha ta’lim yo‘nalishi 3-kurs talabasi

2-rasm. Geometrik shakllarni farqlash mashg‘uloti bo‘yicha tarbiyalanuvchilarning o‘zlashtirish darajasi²³¹


XULOSA VA TAKLIFLAR
Xulosa o‘rnida shuni aytish joizki, mamlakatimizda maktabgacha ta‘lim tizimiga davlat siyosati darajasida e’tibor qaratilmoqda. Tarbiyalanuvchilarning elementar matematik faolligi turli-tuman sharoitlarda: mashg‘ulotlar jarayoni, teatrlashtirilgan faoliyat, qurish-yasash va konstruksiyalash markazlari o‘yinlari, har bir faoliyat markazlarida o‘stirildi. Bolalarning namoyon bo‘lgan kuchli va zaif tomonlarini bilish nafaqat tarbiyachi balki ota-onalar tahlili uchun muhimdir. Biz tarbiyachilar ilk matematik tasavvurlarni shakllantirishda mashg’ulot jarayonlarini matematik o’yinlar bilan boyitishimiz va yosh guruhlariga to‘g‘ri qo‘llay olishimiz zarur.
Tadqiqot jarayonida olingan natijalardan kelib chiqib, quyidagi tavsiyalarni berdik:
1. Maktabgacha taʼlim tashkilotlarida bolalarning elementar matematik tasavvurlarini shakllantirishning mavjud holatini oʼrganish, ularning oʼquv dasturlari tarkibi va mazmunini tahlil qilib chiqish asosida bolalarni maktabga tayyorlashning uzviy ketma-ketligi ishlab chiqildi va shu asosda ularga oid o‘quv jarayonini tashkil qiluvchi shart-sharoitlar aniqlandi.
2. Bolalarning elementar matematik tasavvurlarini shakllantirishning optimal variantining tarkibiy qismlari: bolalarni maktabga tayyorlash strukturasini davlat taraqqiyoti bilan mos holda hamda bolalarni maktabga tayyorlashning metodika, metodik usul va mazmuni, pedagog-tarbiyachilar malakasini oshirish, o‘quv-metodik taʼminotni takomillashtirish kabilar aniqlandi.
3. Bolalarga faoliyat jarayonida elementar matematik tasavvurlarni shakllantirishning o‘quv-metodik taʼminoti yaratildi hamda didaktik imkoniyatlari va afzalliklari, yo‘llari va bosqichlari, usullari, bu jarayonda bajariladigan vazifalar aniqlandi.
4. Mashg‘ulot jarayoniga kiritilayotgan metodika, metodik usullar, texnologiyalar va vositalar uning samaradorligi hamda sifatiga ijobiy taʼsir qildi, bolalar o‘z fikrini erkin ifoda qilishi uchun qulay shart-sharoitlar yaratildi. Bunda pedagog-tarbiyachining vazifasi faqatgina o‘qitish, o‘rgatish boʼlmasdan bolalar bilan hamkorlikda faoliyat ko‘rsatishdan iborat bo‘lishi aniqlandi.