Р. А. Юсупов, С. Н. Искандарова, Ш. Мирзанова C/C++ тилида топшириқ ва масалалар Самарқанд – 2013 йил

Топшириқлар
44. Қуйидаги рубойини кўк фонга кул ранг ҳарфлар билан чоп қиладиган дастур тузинг.
Бизлар бўлмасак ҳам жаҳон бўлғуси,
Бизлардан на ному нишон бўлғуси,
Аввал-ку йўқ эдик, етмовди ҳалал
Яна бўлмасак ҳам, ҳамон бўлғуси.
Умар Ҳайём
45. Шундай дастур тузингки, у “Ҳар бир овчи какликнинг қаерда ўтиришини билишни истайди!” – гапни экранга чиқарсин ва сўзлар тартибига қараб рангларни (ранглар қуйидагича кодланади: ҳар бир – қизил, овчи – оч сариқ, каклик – ҳаво ранг, қаерда – кўк, ўтиришини – яшил, билишни сариқ, истайди – жигар ранг) мос равишда ишлашсин. Ҳар бир сўз ўзига хос ранглар билан чоп қилинсин.

Киритиш
Умумий мулоҳазалар
Бу бўлимдаги масалаларни ечишдан олдин қуйидагиларни ёдга олиш керак:

• 
  бошланғич маълумотларни клавиатурадан киритиш учун scanf функцияси белгиланган;
  
• 
  scanf функциясининг биринчи параметри бошқарувчи сатр, қолган параметрлар – қиймати киритилиши керак бўлган ўзгарувчилар манзиллари ҳисобланади;
  
• 
  бошқарувчи сатр қўш тирноққа олинган спецификаторлар рўйҳатидан ташкил топади: %i–ишорали бутун сонларни киритиш учун, %u– ишорасиз бутун сонларни киритиш учун, %f– ўнли каср сонларни киритиш учун, %c– белгиларни киритиш учун, %s – сатрларни киритиш учун;
  
• 
  scanf функциясининг параметри сифатида ўзгарувчининг адреси эмас, балки унинг номи ишлатилса, энди бошлаган дастурчиларнинг типик ҳатоси ҳисобланади. Умуман олганда компилятор бу хатони пайқамайди.
  

Топшириқлар
46. float туридаги radius ўзгарувчининг қийматини клавиатурадан киритишни таъминловчи кўрсатмани ёзинг.
47. u ва r ўнли каср (float туридаги) ўзгарувчиларнинг қийматларини киритишни таъминлайдиган кўрсатмани ёзинг. Тахмин қиламизки, фойдаланувчи ҳар бир сонни тергандан кейин тугмасини босиши керак.
48. u ва r ўзгарувчиларнинг қийматларини киритишни таъминлайдиган кўрсатмани ёзинг. Тахмин қиламизки, фойдаланувчи сонларни бир сатрга теришлари керак.