Республикаси Ички ишлар вазирлиги Миробод тумани иио фмб тергов бўлими

Жиноят ишида айбланувчи тариқасида иштирок этишга жалб қилиш тўғрисида
Қ А Р О Р
2019-йил 12.12 Миробод тумани
(кун, ой) (ҳудуд)
Миробод тумани ИИБ катта терговчиси А. Бекжонов
(қарор чиқарувчининг мансаби, унвони ва Ф.И.Ш.)
15/1234 -сонли жиноят иши бўйича тўпланган ҳужжатлар билан танишиб, қуйидагиларни,- А Н И Қ Л А Д И М:
Наимов Сардор Обидович 01.01.1991-йилда туғилган. С.Наимов 2019-йилнинг 1-октябридан 20-октябригача бўлган вақт давомида 2001-йил 1-январда туғилган Давронов Мурод Фарруховичнинг ишончига кириб, била туриб, гўёки йўл ҳаракати бошқармасидаги таниши орқали “111” автомашина рақамини олиб беришини айтиб, бунинг учун 3000 АҚШ доллари сўраган. Ишончни суиистеъмол қилиш орқали 2500 АҚШ долларини олгандан сўнг ваъдасини бажармасдан пулларни ўз эҳтиёжи учун сарфлаб юборган. Пулларини сўраб борган М.Давроновга пулларни талаб қилса М.исмли аёл билан яқин муносабатда бўлганини “интернет”га жойлаштиришни айтиб товлаган.
С. Наимов ўзининг қайд этилган ижтимоий хавфли қилмишлари билан Ўзбекистон Республикаси ЖКнинг 168-моддаси 2-қисми “a” банди ҳамда Ўзбекистон Республикаси ЖКнинг 165-моддаси 1-қисмида назарда тутилган жиноятни содир этган.
Бинобарин, Ўзбекистон Республикаси ЖПКнинг 36, 111 ва 361моддаларини қўллаб,
Қ А Р О Р Қ И Л Д И М:

1. 
   Мазкур жиноят иши бўйича Наимов Сардор Обидовичга Ўзбекистон Республикаси ЖКнинг 168-моддаси 2-қисми “а” банди ҳамда Ўзбекистон Республикаси ЖКнинг 165-моддаси 1-қисми билан айбланувчи тариқасида ишда иштирок этишга жалб этилиб, бу ҳақда унга айблов эълон қилинсин.
   
2. 
   Ушбу қарор Наимов Сардор Обидовичга эълон қилиниб, унга Ўзбекистон Республикаси ЖКнинг 46-моддасида назарда тутилган ҳуқуқ ва мажбуриятлари тушунтирилсин. 3. Қарорнинг нусхаси Миробод туман прокурорига юборилсин.
   

_______________ ______________ (Ф.И.Ш.)
(мансаби, унвони) (имзо)
Қарор менга 2019- йил “13” декабрь куни эълон қилинди ва айбловнинг моҳияти тушунтирилди.
Айбланувчи ____________ С.Наимов
(Ф.И.Ш.)
(имзо)
Менга Ўзбекистон Республикаси ЖПКнинг 111-моддасига асосан, ЖПКнинг 46-моддасида кўрсатилган айбланувчининг ҳуқуқ ва мажбуриятлари, яъни айбланувчи ўзининг нимада айбланаётганлигини билиш; қамоққа олинганлиги ва турган жойи тўғрисида адвокатга ёки яқин қариндошига телефон орқали қўнғироқ қилиш ёхуд хабар бериш; ҳимоячига эга бўлиш ҳамда учрашувларнинг сони ва давом этиш вақти чекланмаган ҳолда у билан холи учрашиш, ЖПКнинг 230-моддасининг иккинчи қисмида назарда тутилган ҳоллар бундан мустасно; ўзига қўйилган айблов юзасидан ҳамда ишнинг бошқа ҳар қандай ҳолатлари бўйича кўрсатувлар бериш ёхуд кўрсатувлар беришдан бош тортиш ва кўрсатувларидан жиноят ишига доир далиллар сифатида унинг ўзига қарши фойдаланилиши мумкинлиги ҳақида хабардор бўлиш; ўз она тилидан ҳамда таржимон хизматидан фойдаланиш; ўзининг ҳимояланиш ҳуқуқини шахсан ўзи амалга ошириш; илтимоснома бериш ва рад қилиш; далиллар тақдим этиш; суриштирувчи ёки терговчининг рухсати билан тергов ҳаракатларида иштирок этиш; суриштирув ёки дастлабки тергов тамом бўлганидан сўнг ишнинг барча материаллари билан танишиб чиқиш ҳамда ундан зарур маълумотларни ёзиб олиш, материаллар ва ҳужжатлардан техника воситалари ёрдамида ўз ҳисобидан кўчирма нусхалар олиш ёки улардаги маълумотларни ўзга шаклда қайд этиш; жиноят ишининг суриштирувчи, терговчи ёки прокурор томонидан тугатилганлигига қарши эътироз билдириш ҳамда суд муҳокамаси ўтказилишини талаб қилиш; ярашув тўғрисидаги, амнистия актини қўллаш ҳақидаги ишлар бўйича, биринчи инстанция ва апелляция инстанцияси судининг мажлисларида, суднинг рухсати билан эса, кассация ва назорат инстанциялари судининг мажлисларида иштирок этиш; суриштирувчи, терговчи, прокурор ва суднинг ҳаракатлари ҳамда қарорлари устидан шикоятлар бериш; суд мажлисининг баённомаси билан танишиш ҳамда у ҳақда ўз мулоҳазаларини билдириш; иш бўйича келтирилган протестлар, апелляция, кассация шикоятларидан хабардор бўлиш ва уларга нисбатан эътирозлар билдириш ҳуқуқига эга эканлиги,шунингдек, айбланувчи: суриштирувчи, терговчи, прокурор ва суднинг чақирувига биноан ҳозир бўлиши; суриштирув, дастлабки тергов ва суд муҳокамасида иштирок этишдан бош тортмаслиги; ҳақиқатни аниқлашга далилларни йўқ қилиш, сохталаштириш, гувоҳларни кўндиришга уриниш ва бошқа қонунга хилоф ҳаракатлар билан тўсқинлик қилмаслиги; ўзига нисбатан танланган эҳтиёт чорасидан келиб чиқадиган талабларни бажариши; гувоҳлантириш, эксперт текшируви учун намуналар олиш, экспертиза ўтказиш учун тиббий муассасага жойлаштириш ҳақидаги суриштирувчи, терговчи, прокурорнинг қарорлари ва суднинг ажримлари ҳамда ушбу Кодексда назарда тутилган бошқа процессуал қарорлар ижро этилишига тўсқинлик қилмаслиги; ишнинг тергови ва суд мажлиси вақтида тартибга риоя этиши шартлиги тушунтирилди.
Айбланувчи С.Наимов (Ф.И.Ш.)
(имзо)
(имзо) Ҳимоячи Абдурахмонова Ноила (Ф.И.Ш.) Миробод туман адвокатлар ҳайъати раиси