Ruwxiyliq tiykarlarin woqitiw metodikasi kk

Kirisiw lektsiyasinda oqiw pa`ni haqqinda uliwmaliq tu`sinikler berilip, onda kurstin` 
maqseti ha`m waziypalari, onin` oqiw pa`nleri sistemasindag`i qa`nigelerdi tayarlawdag`i roli 
ha`m orni; kurs mazmuni; sho`lkemlestiriwshilik ha`m metodikaliq o`zgeshelikleri; 
paydalanilatug`in oqiw-metodikaliq a`debiyatlar; esabat beriw mu`ddetleri ha`m basqalar bayan 
etiledi. 
Lektsiya-informatsiya ilimiy informatsiyalardi o`z ishine aladi. 
Sholiw (obzor) lektsiyasi pa`n tiykarlari, sonday-aq, pa`nler ortasindag`i baylanisliliqti 
an`latiwshi ilimiy bilimlerdi sistemalastiriwg`a bag`darlang`an. A`hmiyetlisi usi lektsiyanin` 
toliq ilimiy ha`m kontseptual tiykarg`a iye boliwi. 

---

50 
Mashqalalai lektsiya studentlerdin` izertlewshilik iskerligin sho`lkemlestiriwge 
bag`darlanip, olardan mashqalali ma`sele yaki jag`daydi sheshiw talap etiledi. 
Binar lektsiya sa`wbetlesler ortasindag`i sa`wbet formasindag`i lektsiya tu`ri bolip, ol eki 
shaxs, atap aytqanda oqitiwshi ha`m oqiwshi, ustaz ha`m sha`kirt qatnasiwinda a`melge asiriladi. 
Lektsiya – konferetsiya esabat, kishi ilimiy maqalayaki lektsiyalar ja`rdeminde aship 
beriwshi ilimiy-a`meliy sabaq esaplanadi.
Lektsiya-ma`sla`ha`t, soraw-juwap yaki pikir talasi tiykarinda sho`lkemlestiriledi.
Klassikaliq lektsiyalarda insanpa`rwarliq ideyasina tiykarlang`an «oqitiwshi-student» 
sistemasina muwapiq shaxsqa bag`darlang`an birge islesiw texnologiyasi qollaniladi.
Texnologiyaliq jantasiw tiykarinda sho`lkemlestiriliwshi lektsiyalar talabalardin` oqiw 
belsendiligi ha`mde intellektual-do`retiwshilik potentsialg`a tiykarlanip a`melge asiriladi. Usi 
lektsiyalar o`zlerinde to`mendegi o`zgeshelikti ko`rsetedi: oqiw xarakterlerin belsendilestiriw; 
materialdin` mazmunin pa`nleraraliq baylanisliliq tiykarinda aship beriw; oqiw materialin 
do`retiwshilik penen qabil etiw o`zgesheligin qa`liplestiriw; jarisiw ha`m oqiw oyinlarin 
sho`lkemlestiriw; «ja`miyetshilik» metodlari (mag`liwmatlar, xabarlar, interv`yu, retsenziyali 
tu`sindiriw ha`m basqalar); ashiq mu`na`sibet, pikir talasi; ha`zil ja`rdeminde talabalardi 
belsendilikke shaqiriw; fantaziya, do`retiwshi qiyaldi belsendilestiriw, uqsatiw (belgili bir 
ha`reketlerdi ta`biyiy qubilislar menen salistiriw); tan`lawlar; turmisliq misallarg`a mu`rajaat 
etiw.
Atalg`an lektsiyalar belgili bir metodikaliq maqsetlerdi a`melge asiriwdi ko`zde tutadi. 
Atap aytqanda, qizig`iwshan`liq, emotsional-texnologiyaliq ortaliqti qa`liplestiriw; turaqli qabil 
etiw ha`mo`z betinshe iskerlikti belsendilestiriw; mashqalali izleniw jag`dayin ju`zege keltiriw; 
kommunikativ jag`daydi jaratiw; talabalardin` o`zlerin ko`rsetiwi ushin sha`rayat jaratiw; 
xoshametlew, siyliqlaw, maqtaw.