SOʻZLARNI QOʻSHISH ORQALI RAVISH YASALISHI.
QOʻSHMA RAVISHLAR
Soʻzlarni qoʻshish orqali yasalgan ravishlar qoʻshma ravishlar deyiladi.
Qoʻshma ravishlar asosan ajratib yoziladi.
Qoʻshma ravishlar, asosan, quyidagicha yasaladi:
1) har soʻziga kun, payt, vaqt, lahza, on, zamon, gal, dam, yerda, joyda kabi
soʻzlarni qoʻshish bilan. Masalan: har kuni, har vaqt, har lahza, har on, har zamon,
har gal, har dam, har yerda, har joyda.
Eslatma: Agar har soʻzi kim, nima, qayer, qachon kabi soʻroq olmoshlariga
qoʻshilsa, ravish emas, belgilash olmoshlari hosil boʻladi: har kim, har nima, har
qayer, har qachon.
2) hech soʻziga vaqt, zamon, yerda, joyda kabi soʻzlarni qoʻshish bilan.
Masalan: hech vaqt, hech yerda, hech joyda.
Eslatma: Agar hech soʻzi kim, nima, qayer, qachon kabi soʻroq olmoshlariga
qoʻshilsa, ravish emas, boʻlishsizlik olmoshlari hosil boʻladi: hech kim, hech nima,
hech qayer, hech qachon.
167
3) bir soʻziga kun, payt, vaqt, lahza, zamon, dam, yerda, joyda kabi soʻzlarni
qoʻshish bilan. Masalan: bir kuni, bir payt, bir vaqt, bir lahza, bir zamon, bir dam, bir
yerda, bir joyda.
Eslatma: Agar bir soʻzi nima, narsa kabi soʻzlarga qoʻshilsa, ravish emas,
gumon olmoshlari hosil boʻladi: bir nima, bir narsa.
4) u, bu, shu, oʻsha olmoshlariga kun, payt, vaqt, lahza, zamon, on, dam,
yerda, joyda kabi soʻzlarni qoʻshish bilan. Masalan: shu kuni, shu payt, shu vaqt, shu
lahza, shu zamon, shu on, shu dam, u yerda, bu yerda, oʻsha yerda, bu joyda.
SOʻZLARNI JUFTLASH VA TAKRORLASH ORQALI RAVISH
Do'stlaringiz bilan baham: |
