|
Serjun va shilimshiq pardali qo‘shimcha mahsulotlarni qayta ishlash. Issiq suv (65-70 °C) bilan ishlov berib tuklardan tozalash ishchi yuzasi qovurg‘asimon senrifugada olib boriladi (6-8 minut davomida). So‘ngra yuvish barabanida yuvib, oyoqlarning tuyog‘i tuyoq ko'chirish mashinasida ko‘chirilib, kuydirish pechiga beriladi. Pechda 80°Cda 1,5—
minut davomida qolgan mayda tuklari kuydiriladi. Pech butun uzunasi bo'yicha mayda teshiklardan iborat po‘lat quvur bo‘lib, u 6°Cga qiya qilib o'rnatilgan. U 1 minutda 14 marta aylanadi, natijada quvur tagidan berilayotgan gaz alangasi mahsulotning barcha sohasiga tegadi va qiyalik hisobiga mahsulot to‘g‘ri yuvish barabaniga tushib sovuq suvda yuvilib, toza holda qabul qilish idishiga tushadi. Oshqozon boMaklari (katta qorin, to‘r qorin, shirdon) ham 65-68 °C li issiq suvda yuvilib, shilimshiq pardasi tozalanib, sotish tashkilotlariga chiqariladi. Ba’zan ularni 62-68 °C da issiq suv to‘ldirilgan maxsus sentrifugalarga solinib, unda 8-12 minut turgach shilimshiq pardadan tozalanadi. Agar korxonada sentrifuga bo‘lmasa katta qorinlar maxsus tayyorlangan ochiq qozonlarda bug‘lanadi va shilimshiq pardasi qo‘l bilan ajratib tozalanadi.
Tozalangan, oq rangli katta qorinlar suvi oqib ketishi uchun osib qo‘yiladi, ya’ni ular selgitiladi. Nihoyat ishlov berilgan katta qorinlar sovuqxonalarga jo‘natiladi.
Ichki sekretsiya, endokrin va ferment xomashyolari. So‘yilgan hayvonlarning ichki sekretsiya bezlari xomashyolaridan ham foydalanish mumkin. Bunda asosan: gipofiz, epifiz, qalqonsimon bezlar, timus, buyrakusti bezlari, oshqozonosti bezlari, urug'donlar va boshqalar nazarda tutiladi.
Do'stlaringiz bilan baham: |
