Siz o‘tgan o‘quv yilida «Hozirgi o‘zbek adabiy tili» predmeti, hozirgi

262-mashq. Berilgan topshiriqlarni bajaring. 
1. Yasama sifat o‘rnida ikki so‘zli birikmadan ham foydalansa 
bo‘ladimi? 
2. Sifat yasovchilar antonimik munosabat hosil qilishini tushuntiring. 

---

3. Sifatlash vazifasida kelgan kabi, yanglig‘, o‘xshash, singari va boshqa 
ko‘makchilardan ham o‘rni bilan nutqimizda foydalaniladi. Buni misollar 
bilan isbotlang. 
 263-mashq. Mashqni o‘qing. Sintaktik usul bilan yasalgan sifatlarni 
toping. Ularni daftaringizga ko‘chirib yozing. 
YOR-YOR
Qudaposhsha, uyingizga kelin keldi, yor-yor,
Kelinmas, bir umrga qiziz keldi, yor-yor.
O‘g‘lingizga vafodor hamroh keldi, yor-yor,
Muhabbatin o‘zi-la ola keldi, yor-yor.
Oppoq harir ko‘ylagin kiyib keldi, yor-yor,
Shirin so‘zin tiliga qo‘yib keldi, yor-yor.
Mahallaga lochin qush uchib keldi, yor-yor,
Sadoqat-u iffatni quchib keldi, yor-yor.
Bu makonga anor yuz kirib keldi, yor-yor,
Izli-qutli qadamin qo‘yib keldi, yor-yor.
Bu baxtli xonadonga suluv keldi, yor-yor,
Shirin so‘z-u, xushbichim totuv keldi, yor-yor.
Bu uyga baxti bekam gulnoz keldi, yor-yor,
O‘z sepini saralab, hur qiz keldi, yor-yor.
Oq yuzli keliningiz qalamqoshdir, yor-yor.
Uzun soch, kamtar beka, mehnatkashdir, yor-yor,
Qirq kokilin orqaga tashlab keldi, yor-yor.
Yurtga tinchlik, elga boylik boshlab keldi, yor-yor,
Barchangizga salomin berib keldi, yor-yor.
Qaynonaga quchog‘in ochib keldi, yor-yor,
Bu uy bir umrligin bilib keldi, yor-yor.
Тillo simli ro‘molni boshga yoyar, yor-yor,
Qayin-bo‘yin izzatin joyga qo‘yar, yor-yor.
Kuyov bolaga bergan chin so‘zi bor, yor-yor,
Keldi kelin — qizingiz ta’zim ila, yor-yor,
Bag‘ringizga bosingiz mehr ila, yor-yor.
(Farida Abdumalik qizi) 

---