Siz o‘tgan o‘quv yilida «Hozirgi o‘zbek adabiy tili» predmeti, hozirgi
Download 1.48 Mb. Pdf ko'rish
|
hozirgi o\'zbek adabiy tili 2
Savol va topshiriqlar
1. Olmosh deganda qanday so‘z turkumini tushunasiz? 2. Ot, sifat, son, ravish, fe’llarning har biri o‘rnida almashib kelgan olmoshlarga misollar keltiring. 3. Yordamchi so‘zlar va gap o‘rnida qo‘llangan olmoshlarga misollar keltiring. 4. Olmoshlarning ma’no turlarini ayting. 280-mashq. Gaplarni o‘qib, olmoshlarni aniqlang va ularning ishlatilish o‘rinlariga diqqat qiling. 1. Biz ona yurt, aziz Vatan debon sog‘inch va orziqishlarda yashaymiz, mo‘tabar tuprog‘imizning har bir qarich yerini, har bir giyohini ko‘zimizga surtamiz. 2. Siz Sherali Jo‘rayev bugun Тoshkentda ijro etgan yangi qo‘shiqning ikki kundan keyin Тermiz shahridagi ovoz yozish nuqtalarida yangrayotganiga ajablanmaysiz, chunki bilasiz: yaxshi qo‘shiq ham xushxabardek tez tarqaladi. (S. Sayyid) 3. Gaplaringizdan juda shodman, lekin mana bu cho‘pon hamma gapdan, hatto mendan, mening hayotimdan ham xabardor bo‘lgan Qo‘ychibor aka kim bo‘ldi? 4. Bu bir hikoyat va yo rivoyatdir, balkim tiriklik quyidagi aytilgan qo‘shiqdir. 5. U ba’zan tojikcha lahjada gapirardi, ba’zan o‘zbekcha qochirimlar qilardi. (Sh. Jo‘rayev) 6. Odamlar g‘urur, chegarasiz manmansirash tufayli ne-ne kulfatlarga duchor bo‘lmagan deysiz, shuning uchun ham Islom tafakkurining buyuk natijasi hisoblangan so‘fizmda inson o‘z «men»idan kechmay turib Ollohni tanimaydi, degan aqida bor edi. 7. Inson sirliligicha qolaveradi, ammo odamzod bir-birini anglab yetmaguncha, olam tinch, dunyo farovon bo‘lmaydi. (S. Mo‘min) 281-mashq. Qatralarni o‘qing, ularda ishlatilgan olmoshlarning uslubiy xossalarini aniqlang. Bir donishmanddan so‘rashibdi: — Eng yomon illat nima? — Noshukurlik, — debdi u, — noshukurlikning bexosiyat tomoni shundaki, bu illatga o‘ralgan kishi his etish, jamiyki narsadan lazzatlanish, bahramand bo‘lish qobiliyatini yo‘qotadi. * * * Gohida har bir kunning qurboni bo‘lging keladi, Gohida har bir kunni kaltaklab urging keladi. * * * Ba’zan yomon odamlar kasriga uchrab Yaxshilardan ajrab qolishingga oz qoladi. * * * Bekatdan chiqqan bir yo‘lovchi o‘rnini topib bahuzur joylashib olgach, so‘radi: — Bu avtobus, qayoqqa borarkin? * * * U kim bilan suhbatdosh bo‘lmasin g‘iybatdan boshlaydi gapni. — Katta og‘iz Malikaxonning kiygan ko‘ylagini ko‘rdingizmi, hech bir maqtanadigan joyi yo‘q. — Qo‘ying, — dedim men darhol to‘xtatib. — Birovning orqasidan gapirguncha oldiga borib ayting! — Iye, esimni yebmanmi. Keyin ko‘ziga yomon ko‘rinib-a? * * * Bir dugonam g‘alati jilmayib mendan kechirim so‘radi: — Xafa bo‘ldingmi boyagi gapimga. Yaxshi gap-ku. Qarshimizdan boshqa tanish qiz chiqib qoldi. Dugonam meni unutib, endi unga murojaat qila boshladi: — Ey, Mavjuda, boya sizni «iрay oyim» deganimga xafa bo‘ldingizmi? Qiz qo‘lini siltagancha hech narsa demasdan jo‘nab qoldi. Dugonam yo‘lakda uchragan uchinchi qizga gap qistirdi: — Hov, ilmiliq, qayoqqa? Dugonam endi bu qizdan ham kechirim so‘rashi kerak. Download 1.48 Mb. Do'stlaringiz bilan baham: |
Ma'lumotlar bazasi mualliflik huquqi bilan himoyalangan ©fayllar.org 2024
ma'muriyatiga murojaat qiling
ma'muriyatiga murojaat qiling