Strategiyalíq menedjment 5230200-Menedjment (tarmaqlar hám tarawlar boyınsha) bakalavr talim bagdarı studentleri ushın oqíw qollanba

Kompaniyanıń kúshli hám ázzi tárepleri 
Kúsh - bul sonday qásiyet, kompaniyaǵa qosımsha imkaniyatlar beredi. Bul 
kúsh sheberlikte, sezilerli tájribede, shólkemniń resurslarında yamasa anıq 
imkaniyatlarında, firmaǵa bazarda ústinlik jaratıp beriwshi tabıslarında bolıwı 

---

60 
múmkin. Kúsh sonday aq, bazarda básekini kúsheyttiriw tájriybesine iye bolǵan 
basqa bir kompaniya menen qosılıwı yamasa sherikshilik islew jolı menen de 
jaratılıwı múmkin. 
Ázzilik - bul kompaniya iskerligi ushın zárúrli bolǵan qandayda bir nárseniń 
jetispewshiligi, kompaniya isley almaytuǵın qandayda bir jumıs yamasa 
kompaniyanı qolaysız jaǵdayǵa salıp qoyatuǵın sharayat. Kompaniyanıń kúshli hám 
ázzi tárepleri anıqlanǵannan keyin, hár qaysısı dizim úyreniliwi hám bahalanıwı 
lazım. Bunıń ushın SWOT sisiteması qollanıladı (analiz, qárejetler analizi, 
imkaniyatlar hám basqalar analizi). Bunda kúsh hám ázzilik balansı dúziledi. 
Kompaniyanıń eń áhmiyetli jetiskenligi - bul basshılardıń hám kompaniyanıń óz 
jumısaların orınlay alıwı bolıp tabıladı. 
4.4 Firma qárejetleriniń básekige shıdamlıǵın bahalaw 
Kompaniyanıń awhalın analizlewdiń áhmiyetli bólegi- bul firma qárejetleriniń 
básekige shıdamlılıǵın anıqlawdan ibarat. Bahalardaǵı parıqlardıń kelip shıǵıw 
sebepleri hár qıylı bolıwı múmkin. Olardıń eń áhmiyetlileri tómendegiler sanaladı: 
1) 
Shiyki zatlar, awısıq bólekler, quwatlılıqlar hám basqa tovarlar 
bahalarındaǵı parıq; 
2) 
texnologiyanıń hár túrliligi hám úskenelerdiń jasınıń hár túrliligi; 
3) 
óndiris qárejetleriniń kóp túrliligi; 
4) 
qarsılaslardıń inflyaciyaǵa 
hám sırt el valyutaların 
almastırıw 
kurslarınıń ózgerisine baylanıslılıq dárejesiniń kóp túrliligi; 
5) 
marketiń qárejetleriniń túrleri; 
6) 
transportirovka qárejetleriniń túrleri ; 
7) 
satıw bólimlerin shólkemlestiriw qárejetleriniń kóp túrliligi. 
Básekige shıdamlı bolıw ushın kompaniyanıń qárejetleri qarsılaslar 
qárejetlerine teń yamasa olardan pás bolıwı lazım. Bunıń ushın kompaniya qunlar 
shınjırınıń hár qıylı buwınında analiz ótkizedi. Qun jaratıwshı shınjır 
tómendegilerden ibarat boladı. 
Tiykarǵı iskerlik sheńberinde: materiallıq-texnika támiynatı; tayarlaw; 
tovarlardı tutınıwshılarǵa jetkiziw; satıw hám marketiń; xızmet kórsetiw; 

---

61 
Qosımsha iskerlik sheńberinde: 
Izertlewler hám islenbeler, texnologiyalar hám sistemalardı rawajlandırıw; 
insan resursların basqarıw; ulıwma basqarıw. 
Qárejetlerdi durıs bahalaw ushın menedjer 4 jumıstı orınlaw lazım: firmanıń 
qunlar shınjırın dúziw; shınjır ishinde hár túrli uchastkalar ortasıdaǵı baylanıstı 
úyreniw; bazarda tabıs keltiriwshi iskerlik túrlerin anıqlaw; salıstırmalı bahalaw 
ótkiziw.