Strategiyalíq menedjment 5230200-Menedjment (tarmaqlar hám tarawlar boyınsha) bakalavr talim bagdarı studentleri ushın oqíw qollanba

1.5. Strategiyalıq jobalastırıw hám olardıń artıqmashılıqları 
Strategiyalıq jobalastırıw bólimleriniń roli hám wazıypaları informaciyalar 
toplaw hám olardı qayta islew, strategiyanı hár jılı qayta kórip shıǵıw sistemasın 
jaratıw hám keleshekte onı basqarıwdan ibarat boladı. Direktorlar keńesi áhmiyetli 
strategiyalıq baǵdarlardı kórip shıǵadı hám joqarı basqarıw sisteması usınǵan 

---

14 
strategiyalıq jobalardı rásmiy táripte tastıyıqlaydı. Sońǵılıǵında usı process 
dawamında keńes qabıl etilgen strategiya ushın juwapker boladı. 
Direktorlar keńesiniń wazıypası - bul barlıq kárxanalar wazıypaları jeterli 
dárejede analizlenip hám kórip shıǵılǵanda ǵana hámde usınılǵan strategiyalıq ilajlar 
bar variantlardan eń jaqsısı ekenligine isenimge iye bolıwı bolıp tabıladı. 
Strategiyalıq jabalastırıwdıń artıqmashılıqları
5
: 
1.Jumıstı shólkemlestiriwdi strategiyanıń «biz ne ushın háreket etip atırmız 
hám nelerge erisip atırmız?» degen tiykarǵı aspektke baǵdarlanıwın támiyinlew; 
2.Júzege kelip atırǵan ózgerisler, jańa imkaniyatlar hám qáwip tuwdırıp atırǵan 
tendenciyalarǵa menedjerlerdiń jánede anıq reakciya kórsetiw zárúrligi; 
3.Kapital qoyılmalar hám personal sanın keńeyttiriwdiń al`ternativ variantların 
bahalaw, yaǵnıy resurslardı strategiyalıq jaqtan tiykarlanǵan hám joqarı rentabelli 
joybarlarǵa optimal baǵdarlaw imkaniyatı; 
4.Basqarıwdıń barlıq dárejelerindegi menedjerlerdiń qararların birlestiriw 
imkaniyatı; 
5. Belsene basshılıq etken menedjerlerge jaqsı imkaniyatlardı jaratatuǵın hám 
ózgerislerge passiv reakciya kórsetiw tendenciyalarına qarsılıq etetuǵın ortalıqtı 
jaratıw.  
1.6. Kompaniyanı basqarıwda direktorlar keńesininıń ornı hám 
wazıypaları 
Joqarıda kórip ótilgen strategiyalıq basqarıw wazıypalarınıń hár biri turaqlı 
analiz hám qararlar qabıl etiliwdi talap etedi: jumıstı belgilengen baǵdarda dawam 
ettiriw kerek pe yamasa olarǵa ózgerisler kiritiw lazım ba? Sebebi strategiyalıq 
menedjment bárqulla hárekettegi proces sanaladı.
A. Bul bes wazıypa bir-birinen ajıralmaǵan sharayatta bolıp, olar óz ara tıǵız 
baylanısqan. Mısalı, kompaniyanıń missiyalarına baylanıslı máseleler belgili 
maqsetler menen tıǵız baylanısqan; 
B. bul bes wazıypa ayırıqsha bólek sharayatta ámelge asırılmaydı; 
5
Strategic Management concepc and cases. Arthur A. Thompson. Jr. A.J Strikland. p. 23 

---

15 
C. strategiyanı islep shıǵıw hám ámelge asırıw quramalı proces esaplanadı 
hám menedjerlerden hár túrli háreketlerdi talap etedi; 
D. strategiyalıq menedjmentke bárqulla jeterli itibar beriw, strategiyanı 
jetilistiriwdiń zárúrligi hám onı ámelge asırıw usulların jańalaw strategiyanıń sapası, 
ónimdarlıǵın arıttırıw ushın háreket hár bir xızmetkerden talap etiledi. 
Strategiyalıq basqarıwdıń tiykarǵı basqıshları
6
. 
Strategiyalıq basqarıwdıń tiykarǵı basqıshları tómendegilerden ibarat: 
1. Biznes tarawın anıqlaw hám kárxananıń tiykarǵı maqsetin islep shıǵıw. 
2. Kárxananıń tiykarǵı maqsetin ayırıqsha uzaq múddetli hám qısqa múddetli 
iskerlik maqsetlerine aylandırıw. 
3. Iskerlik maqsetlerine erisiw strategiyasın belgilew. 
4. Strategiyanı islep shıǵıw hám ámelge asırıw 
5. Iskerlikti bahalaw, sharayattı baqlap barıw hám oǵan dúzetiwler kiritiw. 
Tayanısh sózler: Strategiya, strategiyalıq menedjment, strategiyanı ámelge 
asırıw, strategiyalıq kóz qaras, kompaniya missiyası, jańa baǵdarlardı analizlew, 
maqsetti anıqlaw, strategiyanı jaratıw, strategiyalıq jobalastırıw