Фотима: Тўғри, сени гапингдаям жон бор. Лекин чет эл чет элда. У ерларни кўролмаганлар, боролмаганлар қанча.
Ҳусан: Эее опа қўйинг шу чет элни. Мен чет эл тугул шу шаҳарга сиғмайман баъзида. Ҳамма нарсамни олиб қишлоққа кетсамми деб қоламан. Қишлоқни соғиндим опа, болалигим ўтган ҳовлини.
Фотима: Бу нима деганинг, қишлоқда нима бор. У ерда сени соҳанг бўйича тайинли маошли иш ҳам йўқ. Шаҳарда ўз уйинг бор, мазза қилиб яшамийсанми?
Ҳусан: Бу домда мен ҳеч мазза қимадимда.
Фотима: Унақа дема, бунақа ҳаётга етолмаганлар қанча. Сенга поччангни бир гапини етказиш учун телефон қилаётгандим.
Ҳусан: Қанақа гап опа.
Фотима: Поччанг эртангги кун муносабати билан бир яхши жойга буюртма берган эканлар. Тоғ томонларда бир яхши жой очилибди. “Эрталаб чиқиб кетамиз. Кундузи тоғни, адирларни айланиб кеч томон туғилган кунни нишонлаймиз” дедилар. “Шунинг учун айтиб қўйгин, режа қилмай турсин, бирга ўтирамиз” дедилар.
Ҳусан: Мен ҳам сизга шу масалада маслаҳат қилмоқчи эдим ўзи. Шуни тоққа эмас, қишлоққа ўзгартирсакчи. Дам олиш куни. Уйда ётиб ҳам қолардик. Дадамниям қишлоқда битта ўзлари, борсак хурсанд бўлиб қолардилар. Менику болаларим ўқишда. Сиз Нодира билан Толибниям олиб борсангиз дадам роса хурсанд бўлардилар. Нима дедингиз?
ФОТИМАНИНГ УЙИ. ИНТЕРЕР. КУН. (1-кун)
Суҳбат давоми. Тепадаги гапнинг бироз ёқмагани Фотиманинг юз қиёфасидан сезилиб турипти.
Фотима: Майликуя, фақат бошқа сафарга кўчирайлик шуни. Ҳозир поччангга айтсам кўнглига келиши мумкин. Эртага бирга ўтирайлик, қишлоққаям бориш қочмас укажон.
Ҳусан: Хўп, майли опа.
Фотима: Раҳмат, унда эрталабга тайёр бўлиб тур келин билан. Бирга-бирга йўлга чиқамиз.
Ҳусан: Хўп.
Фотима: Майли, яхши дам ол, келинга салом айт.
Ҳусан: Майли, сизам поччамга, Толибга салом денг. Яхши ўтиринглар.
Фотима: Майли. Телефонни қўяди. Вой-воя, жуда ажойибда шу болаям, қишлоқда нима бор. Сенга зарилми таппи ҳидини ҳидлаб яшаш. Ҳа майли.
Телефонни қўйиб хонадан чиқиб кетади.
Do'stlaringiz bilan baham: |
