Фотима: Жон болам, ўша тоғингга эртага борақолгин. Бугун уйда нишонлайлик.
Толиб: Ойижон дўстларимга хўп деб қўйгандим, улар мени кутишяпти.
Фотима: Мен хафа бўлиб қолаверсам ҳам сенга туғилган кун татийдими?
Толиб: Ойижон илтимос хафа бўлманг. Сиз ҳам бобомни туғилган кунингизга айтмаганингизда улар ҳам хафа бўлмадиларку. Бормасам бўлмайди ойижон, эртага қайтаман. Хавотир олманг. Яхши қолинг. Онасини қучоғлаб, юзидан ўпиб чиқиб кетади.
Фотима ўтирган жойида қолаверади.
Фотима: "Сиз ҳам бобомни туғилган кунингизга айтмаганингизда улар ҳам хафа бўлмадиларку" дедими? Қуш уясида кўрганини қилади дегани шу эканда. Ҳа бунга ўзим айбдорман, ўзим. Қайтар дунё бу, қайтар дунё... Йиғлайди. Мени отам хафа бўлишгаям улгурмадилар. Эҳ отажон кечиринг мен нодонни, кечиринг, кечиринг.
СОБИР ОТАНИНГ УЙИ. ИНТЕРЕР. КУН. (7-кун)
Собир ота уйида телевизор кўриб ўтирипти. Наима хола кириб келади.
Наима хола: Отаси, ҳой отаси.
Собир ота: Ҳа нима бўлди.
Наима хола: Эшиттингизми, Ҳусанжон кўчиб келди хотини билан ота уйига.
Собир ота: Ия, ахир уйини сотгандику.
Наима хола: Ўша сотган одамидан қайтариб сотиб опти яна. Ҳозир катта юк машинада нарсалари билан келишди.
Собир ота: Эйй бебош ўғил, отаси ўлганидан кейин келганини нима кераги бор. Тиригида келсин эди. Ҳа майли, шунисигаям раҳмат. Ошнамни чироғи ўчмас экан. Мен чиқиб бир хабар олайчи. Сен бир ширин овқат қилгин, уларни кечги овқатга таклиф қиламан. Нарса кўчириш билан бўлиб овқат қилишфаям улгуришмайди. Бўптими онаси.
Наима хола: Майли отаси, сиз нима десангиз шу.
ТАМОМ
6-17-апрель, 2023-йил.
Do'stlaringiz bilan baham: |
