Tibbiy bilim asoslari

Plevritda tibbiy yordam.
Plevrit – bu plevra pardalarining yallig`lanishidir. Belgilariga ko`ra quruq va ekssudativ plevritlar farqlanadi.
Quruq plevrit – kasallik to`satdan boshlanadi. Ko`krak sohasi sanchib og`riydi. Yo`talganda va qimirlaganda og`riq zo`rayadi. Shu boisdan bemor kasal tomonida yonboshlab yotishga majbur bo`ladi. Kechasi ko`p terlaydi. O`pkani eshitib ko`rilganda plevrada ishqalanish shovqini (qorni bosganda g`ijirlashi kabi shovqin) eshitiladi. Bemor chuqur nafas olganda bu shovqin yanada kuchayadi. Og`riq yelka sohasi va qo`ltiqqa ba`zan qorin sohasiga tarqaladi. Bemorni quruq yo`tal bezovta qiladi. Tana harorati 37,5-38-39<sup>0</sup> gacha ko`tarilishi mumkin. Bemor o`z vaqtida to`g`ri davolansa 1-2 haftada sog`ayib ketadi.
Aksincha kasallik uzoq cho`zilib ekssudativ turga o`tishi mumkin. Bunda plevra bo`shlig`iga suyuqlik to`planadi, chuqur nafas olganda og`riq yanada kuchayadi. Bemorning harorati ko`tarilishi, ko`krak sohasida og`irlik va og`riq bo`lishi, nafas yetishmovchiligi, lohaslik, ko`p terlash, ishtahasizlik kuzatiladi. Kasallik o`tkir kechganda 2-3 haftada soh`ayish boshlanadi. Surunkali kechishda 1-2 oylab davom etishi mumkin.
Tibbiy yordam.
Bemor shifoxona sharoitida davolanishi, parhez, antibiotiklar, sulfanilamid preparatlari og`ir kechgan hollarda gormon, yurak va nafas faoliyatini yaxshilovchi dorilar, ekssudativ plevritda jarroh usuli bilan drenajlash, plevra bo`shlig`ida yig`ilgan suyuqlikni tashqariga chiqarish.
O'pka shishida tibbiy yordam
O'pka shishi-og'ir yurak- tomir, buyrak kasalligi, kimyoviy moddalar bilan zaharlanganda yuzaga keladi.
Belgilari. Bemorni nafasi qisadi, xirillab nafas oladi, bu uzoqdan eshitilib turadi, yo'talganda ko'pikli balg'am ajraladi, lab, burun, barmoqlar ko'karadi, sovuq ter bosadi, bemorni ahvoli juda og'ir bo'ladi.
Tibbiy yordam.
1.Бemorni boshini baland qilib yotqiziladi.
2.Qo`l-oyoq kaftlariga issiq grelka qo'yiladi.
3.Tog'oraga issiq suv solib 3-4 dona gorchichnik tashlanadi va bemor oyoqlari vanna qilinadi.
4.Kurak orasiga, ostiga, qo'ltiq ostiga, o'ng ko'krak sohasiga gorchichnik yoki banka qo'yiladi.
6.Kasallik zo'raygan hollarda vrach ko'rsatmasi bilan vena tomiridan 400-500 ml qon chiqariladi.
7.40% glyukoza 10-20 ml, 0,05%-0,2-0,3 ml strofantin qo'shib, vena tomiriga sekinlik bilan yuboriladi.
8.Moslamaga namlangan bint bo'lagini o'rab kislorod yostig'idan yoki ballonidan spirtdan o'tkazilgan kislorod berish usuli jadvallaridan ko'rsatib tushuntiriladi.