Tibbiy bilim asoslari

O'pkadan qon ketganda tibbiy yordam
O'pkadan qon tupirish va qon ketishi - o'pka sili, o'pka gangrenasi, o'pka saratoni (raki), bronxoektaziya kasalliklarida va o'pka jarohatlanganda sodir bo'ladi.
Belgilari.Qon tupurganda balg'am qon aralash chiqadi, o'pkadan qon ketishida bemorning og'zi-burnidan qon oqadi.
Tibbiy yordam.
1. Bemor qulay vaziyatda boshini baland qilib yotqiziladi.
2. Qattiq yo'tal tutganda libeksin tabletkasi ichiriladi.
3. Kalsiy glyukonat tabletkasi yoki 10% kalsiy xlor 1 osh qoshiq ichishga.
4. Ko'krak sohasiga muzli xaltacha qo'yiladi.Vikasol 1 tabletka ichiriladi yoki 1 ml muskul orasiga yuboriladi.Aminakapron kislota 2-3 gr kukuni 100 ml issiq shirin choyga eritib 1 osh qoshiqdan kuniga 2-3 mahal ichiriladi.
5. Qon oqishi to'xtamasa vrach maslahati bilan 10 % kalsiy xlor yoki 10 % kalsiy glyukonat -5-10 ml eritmasi vena tomiriga yuboriladi. Aminakapron kislota 5 %-100 ml 0,9 %-natriy xloridda eritilib vena tomiriga tomchi usulida yuboriladi (kuniga 1-2-3 martagacha 4-5 kun davomida).
Bronxial astma kasalligi xurujida tibbiy yordam.
Bronxial astma –har xil allergik moddalar (oziq-ovqat, dori, o`simlik, chang, somon, jun, infeksiyalar) asosida yuzaga keladi.
Bronxial astma kasalligi (yunoncha - halloslash, bo`g`ilish) allergik xususiyatga ega bo`lib, insonlarning 0,5-1 % i ushbu kasallikdan jabr tortmoqda.
Organizmda allergiya paydo qilib nafas yo`llarining maxsus kasalligiga allergiyaga olib boruvchi omillar (allergenlar tashqi muhitdan tushishi ekzogen allergenlar) yoki organizmning o`zida bo`lishi mumkin. (endogen shakli).
Belgilari. Kasallik nafas bo`g`ilishi xurujlari bilan kechadi, xuruj ko'pincha kechasi boshlanib, bolalar nafas olishning qiyinlashganini sezib qo`rquvdan uyg`onib ketadilar. Bemorning ko`zlari katta-katta ochilib, lab-burun uchburchagi ko'karadi, u shovqinli nafas oladi. Xuruj oxirida yo'tal tutadi va yopishqoq, shilimshiq balg'am ajraladi. Xuruj yarim soatdan 2-3 soatgacha davom etishi mumkin, ba'zida xuruj kuniga bir necha marta takrorlanadi.
Kasallikni davolashda bemorning umumiy ahvoli, kasalligining og`ir yengilligiga qarab allergolog vrach batafsil davo ishlari olib boradi.
Tibbiy yordam.
Iloji boricha allergen mahsulotlarni bartaraf etish, bemorning oyoqlariga vanna qilish, burun bo`shlig`iga efedrin tomizish, bronxlarni kengaytiruvchi eufillin, antiastman va organizm sezuvchanligini pasaytirish uchun dimedrol, suprastin, pipolfen dorilaridan buyuriladi.