Tibbiy bilim asoslari

Bradikardiya - tomir urishining sekinlashuviga deyiladi.
Bronxial astma – infeksion-allergik kasallik bo‘lib, vaqt-vaqti bilan avj olib (qo`zg`alib), yillar davomida surunkali kechadi.
Bronxit – bronxlar shilliq pardasining yallig‘lanishi.
Brutsellyoz - bo`g`imlarning yallig`lanib shishishi, jigar, taloq, buyrak kabi ichki a`zolarning yallig`lanishi va kattalashishi, tana haroratini ko'tarilishi bilan surunkali kechadigan yuqumli zoonoz kasallik.
Chanoq-son bo`g`imining tug`ma chiqishi - displaziya bilan tug`ilgan chaqaloqni qattiq yo`rgaklash, beshikka tang`ib bog`lash, ayniqsa, ko`krak yoshidagi bolaning raxit kasalligida ehtiyot qilmaslik tufayli, son suyagini tashqariga va yuqoriga siljishi natijasida son suyagining to`la chiqish holati yuzaga keladigan kasallik.
Chanoq-son bo`g`imining tug`ma displaziyasi - homilada chanoq-son bo`g`imi qismlarining noto`g`ri o`sishi va shakllanishi tufayli yuzaga keladigan tug‘ma kasallik.
Daun sindromi - 21-xromasomaning mutatsiyasi natijasida yuzaga keladigan irsiy kasallik.
Deratizatsiya - kemiruvchilarga qarshi kurashish tadbiri.
Dezinfeksiya - mikroblar va viruslar bilan zararlangan buyumlarni, idishlarni, kiyim-kechaklarni zararsizlantirish.
Dezinseksiya - hashoratlarga qarshi kurashish.
Dorishunoslik fani dori moddalarning olinishi, ishlab chiqarilishi, odam organizmiga ta’sirini o‘rganuvchi fan.
Dorixona (yunoncha-Apotheca-ombor) so‘zidan olingan bo‘lib, sog‘liqni saqlash tizimiga qarashli muassasadir.
Duduqlanish - qo`rqish, shikastlanish tufayli aksariyat hollarda 1-3 va 7-8 yoshdagi bolalarda ucharydigan nevrozning bir ko`rinishi.
Edvarde sindromi - 18-nchi xromasomaning mutatsiyasi natijasida yuzaga keladigan irsiy kasallik.
Ekssudativ-kataral diatez - bola organizmining allergiyaga tug‘ma moyilligi tufayli yuzaga keladigan kasallik holatidir.
Endemiya. Qandaydir yuqumli kasallikning ma'lum bir chegaralangan hududda, ya'ni ko'cha, mahalla, qishloq, tuman, shahar aholisi orasida bir necha yillar davomida vaqti-vaqti bilan har yili, yoki har 2-3-5 yilda takrorlanib, tarqalib turishi.