kassatsiya shikoyati (protesti) kassatsiya tartibida ko‘rilgan sud hujjati ustidan berilgan bo‘lsa, mazkur asos bilan kassatsiya shikoyati (protesti) ilgari ish kassatsiya tartibida ko‘rilgan ishlar bo‘yicha tumanlararo, tuman (shahar) iqtisodiy sudlarining, Qoraqalpog‘iston Respublikasi, viloyatlar va Toshkent shahar iqtisodiy sudlarining qonuniy kuchga kirgan hal qiluv qarorlari ustidan berilgan bo‘lsa;
kassatsiya shikoyatini (protestini) berishning o‘tkazib yuborilgan muddatining tiklanishi rad etilgan bo‘lsa;
kassatsiya shikoyatidan (protestidan) uni bergan shaxs voz kechganligi (uni chaqirib olganligi) sababli kassatsiya shikoyati (protesti) bo‘yicha ish yuritishni tugatish to‘g‘risidagi ajrim mavjud bo‘lsa, kassatsiya shikoyat (protest)idan uni bergan shaxs shikoyat (protest) ish yuritishga qabul qilinguniga qadarvoz kechsa, sud tomonidan shikoyat (protest) ish yuritishga qabul qilishni rad qilish to‘g‘risida ajrim chiqaradi;
kassatsiya shikoyati (protesti) apellyatsiya instansiyasi sudining qarori ustidan berilgan bo‘lsa.
Kassatsiya shikoyatini (protestini) ish yuritishga qabul qilishni rad etish to‘g‘risidagi ajrimda kassatsiya shikoyatini (protestini) ish yuritishga qabul qilishni rad etish asoslari ko‘rsatiladi, kassatsiya shikoyatini berishda to‘langan davlat bojini qaytarish to‘g‘risidagi masala hal etiladi. Sababi O‘zbekiston Respublikasi Soliq kodeksining 342-moddasi birinchi qism 2-bandiga asosan sud shikoyatni ish yuritishga qabul qilishni rad etganda davlat boji qaytarilishi belgilangan.
Kassatsiya shikoyat (protest)ini ish yuritishga qabul qilishni rad etish to‘g‘risidagi ajrim ustidan nazorat tartibda shikoyat qilinishi (protest keltirilishi) mumkin. Kassatsiya shikoyat (protest)ini ish yuritishga qabul qilishni rad etish to‘g‘risidagi ajrim bekor qilingan taqdirda, kassatsiya shikoyati (protesti) sudga dastlab murojaat qilingan kunda berilgan hisoblanadi.
Do'stlaringiz bilan baham: |
